Елбасы жолдауына-халықтың қолдауы Президенттің жыл сайынғы халыққа Жолдауы-еліміз үшін маңызды саяси оқиғаларының бірі. Қазақстан Президентінің Қазақстан халқына арнаған биылғы Жолдауы ел тұрғындарының әлеуметтік-тұрмыстық жағдайын және табыс пен тұрмыс сапасын арттыруға арналған аса маңызды құжат болып табылады. Елбасымыз мемлекетіміздің табысқа жетуінің кепілі елдің басты байлығы адам дамуының өсуі - ел тұрғындарының әлеуметтік ахуалы жақсаруына қатысты айтқан ақпараттары мені қатты қуантты. Әрине, ол жалақы деңгейінің өсімі. Мемлекет басшысы екі қолға жұмыс таба алмай жүргендерге басты назар аударуды ұсынды. Әсіресе, мүгедектерге, жәрдемақыға өмір сүріп келе жатқан және өзге де жандарға жұмыс беру қажеттігіне тоқталды. Сонымен қоса, елімізде іске асып жатқан «Бизнестің жол картасы» бағдарламасының қолдану мерзімі 2025 жылға дейін ұзартылып, «Бизнестің жол картасы» бағдарламасының дамуының жаңа саяси бағдарын жариялау, дамыған 30 мемлекеттің қатарына қосылу, «Мәңгілік ел» идесын басты бағдарға алу керектігін атап өтті.Сондаи ақ Елбасымыз Жолдауда еліміздің барлық азаматтары мен мемлекеттік органдарының басты назарында болып, көңіл аударылуға тиісті мәселелерге де тоқталды. Бұл дегеніміз 22 мың жаңа жұмыс орнын ашып, адамдар жұмыстармен қамтылады деген сөз. Бұл өте орынды ұсыныс деп санаймын. Білім саласының қызметкері ретінде алдағы жылдарда қолға алуды жоспарлап отырған іс-шаралардың ішінде «Педагог мамандардың мәртебесі туралы» арнайы заңды әзірлеп, отбасы мүшелерінің мүдделерімен қатар, осы сала зейнеткерлерінің әлеуметтік жағынан қорғалуына барынша назар аударылғаны қуантады. «Біздің мұғалімдеріміз ең отансүйгіш, ең ақылды және білімді болғандықтан ең сыншыл деп санаймын. Қазақстандық мұғалімдер отансүйгіш. Себебі, сіздер халықтың мойнына түскен ауыртпалықтар мен қиыншылықтардың ауыр жүгін көтеріп, балаларымызды игілікке, отансүйгіштікке, адамгершілікке, яғни мәңгі адами құндылықтарға тәрбиеледіңіздер. Осы үшін сіздерге алғысымыз шексіз. Біз бәріміз мұғалімнің тәрбиесін алғанбыз. Бәріміз өз кезінде ұстазымызды қуантып, оған жағымды нәрсе жасауды қаладық. Бұл әрдайым біздің арманымыз болды», – деген президентіміздің 2001 жылғы қазақстандық мұғалімдермен кездесуінде сойлеген сөзі әлі есімізде. «Балалардың 95 пайызы балабақшаға барады. Бұл жоғары көрсеткіш. Назарбаев Зияткерлік мектебінің стандарты орта мектептер үшін қолданылсын. Біздің балаларымыз – әлемнің балалары. 2019-2021 жылы мектеп құрылысына 50 млрд теңге бөлінсін». «Баланың 3 ауысымда оқуына жол берілмесін. Ол түн ортасына дейін мектепте отырмауы керек. Келесі жылы «Мұғалімнің мәртебесі туралы» Заң қабылдансын, ЖІӨ-нің 10 пайызы білім, ғылым, медицинаға жұмсалсын- деп тапсырды Президент. Осылайша мұғалімдерді жөнсіз жұмсау тиылады. Бұл ұстаздар қауымы үшін тағы бір жағымды жаңалық екендігі сөзсіз. Бұл уақытылы қозғалған және өте маңызды аспект. Ұстаздың беделі мен мәртебесін арттыру жұмыстары бұрыннан қолға алынуы тиіс болатын! Егер де біз еліміздің тұрақты дамуын қаласақ, бірінші кезекте ұстаздардың кәсіби деңгейіне, әлеуметтік сипатына, әл-ауқатына назар аударымыз тиіс. Сана-сезімі, рухани әлемі жоғары және физикалық және психикалық денсаулығы қалыптасқан адам ғана жас буынды әлеуметтендірумен айналыса алады. Елбасы еліміздің рухани жаңғыру үрдісінде ұстаздардың басты рөлін және мұғалімдердің ұлт келешегін тәрбиелеудегі орнын нақты түсінеді. Осылаша мемлекет басшысының кезекті халыққа Жолдауында министрлерге келесі жылы «Мұғалімдер мәртебесі туралы» заң әзірлеп, қабылдауды тапсыруы, ұстаздар қауымына деген Елбасымыз тарапынан жасалып жатқан жүелі жақсылықтар пен қомақты қамқорлықтардың бірі деп білемін. Бұған қоса Елбасымыз Жолдауда білім жүйесі, жер, тұрғын үй мәселесі, құқық қорғау органдары секілді өзге де өзекті тақырыптарды қозғаған Назарбаев, жастарды да назардан тыс қалдырмай. 2019 жылды Жастар жылы деп жариялауды ұсынды «Әр Қазақстан азаматы реформалардың мәнісін, Отанымызды өркендету жолында олардың маңызды екенін түсіну керек. Ал мұны жеткізу біздің міндетіміз. «Рухани жаңғыру» бағдарламасын бәрі қолдады. Оған қосымша «Бес әлеуметті бастаманы» көтердік», - деген Елбасы жастар мен отбасы институтын қолдау – мемлекеттік саясаттың басымдығына айналуы тиіс екендігін ескертті. «Жастардың барлық санатын қолдауға арналған шараларды толық қамтитын әлеуметтік сатының ауқымды платформасын қалыптастыру керек. Келесі жылды «Жастар жылы» деп жариялауды ұсынамын», - деді Нұрсұлтан Назарбаев. Елбасы Н.Ә. Назарбаевтың биылғы жылғы жолдауында еліміздің тірегі – жастар мәселесіне жете мән бергендігімен аса маңызды деп санаймын. Қоғамның даму үдерісін ілгерілетудің жетекші күші жастар екендігі ақиқат дүние. Жолдауда жоғары оқу орындарына мамандық алып шыққан жастардың өз мамандығы бойынша жұмысқа тұрып, елімізге қызмет етуі мәселесі қоғамның даму тенденциясын анықтайтын фактор екендігіне зор мағына берілген. Оқу бітіруші түлектердің мамандықтарына сәйкес жұмыс істеуінің әлеуметтік-экономикалық астары түптеп келгенде еліміздің даму индексін анықтайды. Білікті маман шығару және оны жұмыспен қамтамасыз ету білім беруші және жұмыс ұсынушы мекемелер арасындағы бар байланысқа жаңаша сипат беретін болады. Экономикалық аспектіде еліміздің өркендеп даму стратегиясы жүзеге асатын болса, ал әлеуметтік тұрғыда жас маманның жақсы өмір сүру қағидаттары орындалатын болады. Кәсіби шеберлігі шыңдалған маман қоғамымыздың экономикалық тұрақтылығын қамтамасыз етеді. 2030 жылға жоспарланған қыруар межені аз ғана уақытта еңсеруіміз –біздің еліміздің даму екпіні мен білім-білігін, қажыр-қайратын көрсетеді. Өйткені Елбасы Н.Назарбаевтың биылғы Жолдауы көңілімізді көтеріп, болашаққа деген сенімімізді бекіте түсті. Елбасының 2050 жылға ауқымды жоспарлар белгілеп, ол үшін басты-басты бағыттарды айқындап беруі – қазақстандықтардың бақытты болашағының кепілі деп білемін. Еліміздегі өтпелі қиыншылықтарға қарамастан, Ұлт Көшбасшысы Н.Ә.Назарбаевтың бастамасымен әлем елдерінің сенімі мен құрметіне бөленіп, брендке айналған тәуелсіз Қазақстан құрылды. Жолдау әрбір тұлға жауапкершілікке шақырып, жақсы бастамаларға бастайды. Елбасы Н.Ә.Назарбаев болашағына сенімді, азаматтық мақсаты анық елде ғана толыққанды мемлекет құрылатынына сенім білдірді. Ол үшін өз бойымызда және өскелең ұрпақ бойында жаңа қазақстандық патриотизмді тәрбиелеу өзекті мәселе екенін алға тартты. «Халқы тату-тәтті, саясаты салиқалы елдің ғана қазынасы қыруар, болашағы баянды болады. Ырыс – ынтымаққа жолығады, дәулет – бірлікпен толығады», демекші, Қазақстан – біздің жалғыз Отанымыз. Оның әрбір жетістігі үшін барлығымыз бір кісідей қуанатынымыз да сондықтан. Келешегіміз баянды, ұрпақтарымыз несібелі болсын дегім келеді.
Сағынтаев Қайрат Сағынтайұлы"Тұлғаны тәрбиелеу және әлеуметтендіру" кафедрасы
09 Қазан 2018
444
0 рет жүктелген
Дайын ҚМЖ. Барлық пәндерден 2022-2023 оқу жылына, жаңа бұйрыққа сай жасалған