М.Ықсанов атындағы Қызылорда политехникалық колледжі

Өндірістік оқыту шебері

Бимурзаев Досбол Нурболатович

Өндірістік оқу

«Электр жабдығы» мамандығы бойынша электр жабдығын жөндеу, қызмет көрсету және орнату саласында кең бейінді мамандар дайындайды.
Аталған мамандық әлемдегі ең қажетті мамандықтар қатарына кіреді, сұранысқа ие болып табылады. Осы бағыттағы мамандар өз даярлықтарына сәйкес тұрмыстық және өнеркәсіптік электр жабдықтарын жөндеу жөніндегі жұмыстарды орындау, техникалық дұрыс пайдалануды қамтамасыз ету, жарамды күйде ұстау, техникалық қызмет көрсету, уақтылы жөндеу, қызмет көрсетілетін электр қондырғылары мен электр жабдықтарының авариясыз және сенімді жұмысы, желілерді монтаждау және т.б. сияқты кәсіби қызмет түрлерін орындай алады.
Бұл бағыттағы жұмыс қажырлы жұмысты атқара алатын және жақсы көретін, жақсы есте сақтайтын, мұқият және жұмысқа ден қоя алатын адамдарға жарамды.Сондай-ақ, осы саланың маманы еңбекті қорғау жөніндегі барлық нұсқаулықтарды нақты орындауы және өрт қауіпсіздігінің барлық ережелерін сақтауы тиіс.«Электр жабдығы» мамандығы бірнеше бағыт бойынша мамандарды дайындайды:

- электромонтер (салалар бойынша түрлері)
- техник-электрик.

Кәсіп/мамандық сипаттамасы:

Кез келген қазіргі заманғы өндіріс қызмет көрсету, оның техникалық жай-күйін сақтау, ақаусыз және қауіпсіз жұмыс істеуі қажет электр жабдығынсыз істей алмайды, сондай-ақ электр жабдығының жұмысын бақылау қажет. Сондықтан «Электромеханикалық айналымға техникалық қызмет көрсету, жөндеу және пайдалану (түрлері мен салалары бойынша)» мамандығы бойынша түлектер кез келген салада қажет.

Колледждің оқу шеберханаларында оқу кезінде студенттер электр және электромеханикалық жабдықтарды баптауды, реттеуді және тексеруді, оны заманауи бақылау-өлшеу аспаптарын пайдалана отырып диагностикалауды, ал ең бастысы электр жабдықтарымен қауіпсіз жұмыс істеуді үйренеді. Студенттер алған тәжірибелерін үйде қолданып, шайнекті, үтікті және басқа да тұрмыстық техниканы жөндей алады.

Бітірушілерге «техник» біліктілігі беріледі, сондай-ақ студенттер жұмысшы мамандықтарының бірін алады: электр жабдықтарын жөндеу және қызмет көрсету жөніндегі электр монтері, слесарь-электрик және басқа да 3 разрядтан төмен емес ұқсас мамандықтар.

Шеберге табысты жұмыс істеу үшін бірқатар жеке қасиеттер қажет болады: жұмыстағы жауапкершілік пен жүйелілік, қарым-қатынасқа бейімділік, қозғалғыштық, қол мен қол саусақтарының қозғалысын үйлестіру және дәлдігі, техникалық икемділік. Бұл кәсіп көбінесе ақыл-ой еңбегінің мамандығы.

Осы кәсіптің артықшылықтары: электр және электромеханикалық жабдықтарды техникалық пайдалану және қызмет көрсету жөніндегі мамандар барлық салаларда сұранысқа ие.

Біздің серіктестеріміз:

Электрмен жабдықтау жүйесі барлық тұтынуларды электр энергиямен қоректендіруге арналған. Параллель қосылған генератор мен аккумуляторлық батарея автомобильдегі электр энергия көзі болып табылады. Жұмыс істеп тұрған қозғалтқышта генератор электр энергиясының негізгі көзі болып табылады және тұтынуларды электрмен жабдықтауды және аккумуляторлық батареяға заряд беруді қамтамасыз етеді. Жұмыс істемейтін қозғалтқышта электр энергия көзінің функциялары аккумуряторлық батареяға көшеді, ол қозғалтқыштың сенімді іске қосылуын қамтамасыз етуі тиіс.Генераторлары кең аралықта өзгеретін жүктемелер мен айналымның айнымалы жиіліктері тәртібінде жұмыс істейді. Электр жабдықтарын жөндеу жөніндегі электрик машинаның электрондық жүйесіндегі бұзылуларды жоюға жауап беретін автомобиль техникасын жөндеу жөніндегі маман.

Электр жабдықтарын жөндеу жөніндегі электрик автокөлік құралын электрмен жабдықтау жүйелерінің диагностикасын жүргізеді, автомобиль көлігінің электр жабдықтарына сервистік қызмет көрсету, көтерме және бөлшек сауда саласында коммерциялық қызметпен де айналыса алады. Сондай-ақ оның қызметі автомобильдің электр жабдықтарының ақауларының алдын алуына бағытталған.

Осы біліктілік бойынша ойдағыдай білім алу және одан әрі жемісті жұмыс істеу үшін студенттің физика, математика, электротехника саласында білімі болуы тиіс.Электр жабдықтарын жөндеу жөніндегі электрик клиенттердің қалауын тыңдай алуы, сендіре білуі, оңтайлы жұмыс жағдайларын ұсына білуі, жөндеу тісілдерін таңдау барысында асықпауы керек. Жөндеу жұмыстарын жүргізгеннен кейін клиентті мүмкін техникалық ақаулар мен оның алдын-алу әдістері туралы хабардар еткен жөн.

Жоғары білікті маман болу үшін минималды тәжірибе - 3-5 жыл.

Бұл мамандық салмақты, сабырлы, табанды, мақсат қоя білетін, кез-келген кәсіби міндеттерді шешуде оңтайлы шешім таба алатын адамдарға келеді.

Жұмыстың жағымды жақтарының бірі деп жоғары сұранысты, жақсы еңбекақыны атауға болады, себебі заманауи модификациялары күрделі электроникаға, сондай-ақ күрделі және дамыған электрикаға толы. Бұл мамандық түрлі қызметтерді жүргізуге, автомобильдердің жаңа маркаларын үнемі зерделеуге, жөндеу мен диагностикалауға арналған барлық жаңа техникалар туралы хабардар болуға мүмкіндік береді. 

Жас маман ақаулықтың себебін дұрыс анықтай алуды үйренуі керек. Сондай-ақ ол клиенттермен жұмыс істеуде тәжірибесінің болмауы, шешуді талап ететін даулы мәселелер сияқты қиындықтарға тап болуы мүмкін.

Бұл мамандықтың кемшілігі жоғары жауапкершілікте, кейде қолайсыз еңбек жағдайында.

Электриктің жұмысы - үнемі жетілуге тамаша мүмкіндік. Өйткені сала бір орында тұрмай, әрқашан инновациялық технологиялармен толығып отырады.