"Елі сүйген, елін сүйген - Елбасы" мақала

Елі сүйген, елін сүйген Елбасы

1 желтоқсан – Тұңғыш Президент күніне арналып барлық білім беру ордаларында ауқымды іс-шаралар өтіп жатыр. Сондай іс-шаралар мектебімізде аталып өтуде.

Пән мұғалімі Алмат Мақсұтұлының және аудандық шығармашылық үйінің ұйымдастыруымен 9-11 сынып оқушылары арасында «Дәуірдің дара тұлғасы» атты интеллектуалды сайыс өткізілді. Интеллектуалды сайыс барысында Н.Ә.Назарбаевқа арналған кітаптардан көрме ұйымдастырылды. Сыныптар «Самұрық», «Құйын 86», «Жауынгер» және «Алаштар» тобы болып 4 топқа бөлінді. Аталмыш сайыс 7 кезеңнен тұрды. Оқушыларымыз елбасының өміріне, еңбек жолына арналған сұрақтарға жауап берді. Көрермендермен де ойын ойнатылды. Қатысушы командаларға жазбаша да тапсырмалар берілді. Интеллектуалды сайыс қорытындысы бойынша 10 «ә» сынып оқушыларынан құрылған «Құйын 86» командасы – І орынды, 10 «а» сынып оқушыларынан құрылған «Самұрық» командасы – ІІ орынды, 9 «а» сынып оқушыларынан құрылған «Жауынгер» командасы – ІІІ орынды және 9 «ә» сынып оқушыларының «Алаштар» командасы ІV орынды жеңіп алды. Жеңімпаздарды аудандық шығармашылық үйінің директоры Кушанова Перузат Сәрсембекқызы марапаттады. Іс-шара соңынан елбасына арналған «Назарбаев. LIVE» тақырыбында фильм көрсетілді.

Сонымен қатар, бастауыш сынып мұғалімдерінің ұйымдастыруымен бастауыш сыныптарда «Елбасы – ел мақтанышы», «Елбасы – ел тірегі», «Менің тұңғыш Президентім!» тақырыбында ашық тәрбие сағаттары өткізілді. Тәрбие сағаты өте қызықты, әрі мағыналы өтті. Оқушылар тақпақтарын айтып, би биледі. Ұлдар тобы елбасына арналған әсем ән тарту етті. Елбасы өмірінен мәліметтер беріліп, оқушылар арнау тақпақтарын оқыды. Сұрақтарға жауап беріп, топтық тапсырмалар орындады.

Оқушыларымыз тәрбие сағаттарына өте жақсы қатысты.

Анар Сандибекова,

«Ғ.Жұмабаев атындағы Боровской

мектеп-гимназиясы» ММ

аға тәлімгері