Ұзақ мерзімді жоспар тарауы: 5-бөлім. Су- тіршілік көзі

Мұғалімнің аты-жөні: Жомартова Замзагуль Ергазиевна

Мектеп: «ЖББО №88ЖББМ» КММ

Күні:

Сынып: 5-сынып Қатысқандар: Қатыспағандар:

Сабақ тақырыбы

Есіл ағады

Осы сабақта қол жеткізілетін оқу мақсаттары

5.А6. Тірек сөздерді дұрыс қолданып, иллюстрацияларды сипаттау;

5.Т6. Тыңдалым материалдарының мазмұны негізінде сұрақтарға жауап беру;

Сабақ мақсаты

«Есіл ағады» тақырыбы бойынша ұсынылған иллюстрацияларды сипаттау, тірек сөздерді дұрыс қолдану;

Тыңдалған ән мазмұны негізінде сұрақтарға жауап беру;

Бағалау критерийі

• иллюстрацияларды сипаттауда тірек сөздерді қолданады;

• ән мазмұнына бағытталған сұрақтарға жауап береді;

Тілдік мақсаттар

Пәнге қатысты сөздік қор: Ақбұйра толқын, Мағжанның жүйрік жырындай, Жағада жартас жаңғырып.

Диалог үшін пайдалы тіркес: «Меніңше, ... сәйкес келеді.тапсырманы толық орындады/орындамады, себебі ... сурет»;

Жазу үшін: Есіл ағады, Есіл өзені

Құндылықтарға баулу

• шығармашылық және сын тұрғысынан ойлау;

• қарым-қатынас жасау;

• отансүйгіштікке баулу;

• жер, су, өзен, көлдерді қорғау, аялау;

Пәнаралық байланыс

Сабақ барысында орындалатын іс-әрекеттер мен мазмұн арқылы тарих, жаратылыстану, информатика,музыка салаларымен мазмұндық байланыс орнатылады

Алдыңғы білім

Балқаш көлі тақырыбында оқушылар мәліметтерді жинақтай отырып, постер жасады. «Ыстық орындық» әдісі арқылы өткен сабақта не білгендерін, игерген дағдылары туралы ой бөліседі

Сабақ барысы

Сабақтың жоспарланған кезеңдері

Сабақта жоспарланған жаттығу түрлері

Ресурстар

Сабақтың басы – 15мин.

Кері байланыс

Ж. «Ыстық орындық» әдісі арқылы оқушылар өткен сабақ мазмұны бойынша кері байланыс береді.

С. «Галереяда ой шарлау» әдісімен сабақ басында оқушы назарын шоғырландыру мақсатында тақырыпты ашу. Есіл өзені, МузАРТ тобы туралы сурет көрсетіледі.

Топқа бөлу. Оқушыларға түрлі түсті шарлар таратылады. Шеңберге тұрып, шарға жақсы тілек жазып бір-біріне береді. Бірдей түсті шарлары бар оқушылар бір топқа отырады

ЖЖ. «Сәйкестендіру» әдісі

Балалар төмендегідей берілген тірек сөздерді суреттермен (кейбір суретке бірнеше тірек сөз сәйкес келеді) сәйкестендіреді. Тірек сөздерді қолдана отырып, суретті сипаттау арқылы ауызша шағын мәтін құру.

Тірек сөздер: халық қазынасы, Астана, жер-су атаулары, әсем табиғат аясында ағып жатқан жақсы көремін, Есіл, өзені, өзен ағады, ән айтады.

Дескриптор:

• сурет пен сөздерді сәйкестендіреді;

• әр суретті кем дегенде 2 сөйлеммен сипаттайды;

ҚБ. Жұпаралық өзара дескриптор негізінде кері байланыс беру, ҚБ «бағдаршам» әдісімен бағалайды.

С. «Болжау» стратегиясы

Оқушылар алда болатын тыңдалым материалына тақырып арқылы болжау кестесін толтырады.

кесте

суреттер

Сабақтың ортасы – 20мин.

Тыңдалым тапсырмасы

С. Әр топ МузАРТ тобының орындауындағы Есіл ағады өлеңін екі рет мұқият тыңдайды.

Есіл ағады, Есіл ағады,

Ақбұйра толқын жарды ұрып.

Есіл аққанда, есіп ағады,

Жағада жартас жаңғырып.

Есіл ағады, Есіл ағады,

Мағжанның жүйрік жырындай.

Мені де бір қыз есіне алады,

Тарқатып өрген бұрымды…

Қайырмасы:

Сырбазың сыңғыр, сыңғыр етеді,

Сұлулар таққан сырғадай.

Түрілген сонау түннің етегі,

Ұйқыңды қайтсын ұрламай?

Есіл ағады, Есіл ағады,

Есіл ағады ерке өзен.

Көңілге мәңгі көшіп алады,

Аққудай арлы сол кезең.

Есімін толқын есіне алады,

Аймалап ай-күн жарық қып.

Есіл ағады, Есіл ағады,

Есіл ағады жарықтық.

Тыңдалымнан кейін

ТЖ. Сұрақтар кестесін толтыру.

Төмендегі сұрақтарға қазіргі өмірмен байланыстырып жауап беріңдер.

Дескриптор:

- сұрақтарға жауап береді;

- сұрақтарды қазіргі өмірмен байланыстырады;

- пікірін 1 сөйлеммен айтады;

ҚБ. Топаралық дескрипторға негізделген кері байланыс, «Қол соғу» әдісі арқылы өзара бағалау.

Артық уақыт қалып жатса

ТЖ. «Қабырғадағы рөл» әдісі бойынша

Есіл ағады (МузАрт) әні бойынша өзен суретін салып, ортасына білетіндерін жазады және сыртына білгісі келетін сұрақтарын қояды.

Дескриптор:

• ән бойынша білетін кем дегенде 4 дерек жазады;

• кем дегенде 3 сұрақтар қояды;

• сұрақтарға пікірін білдіреді;

ҚБ Мұғалім топ жұмыстарын бақылап, топтарды қызыл, жасыл, сары «Гүл күлтелерімен» бағалайды.

Видеоролик

https://youtu.be/TSt7LtqUAUI

Сұрақтар кестесі

Флипчарт, маркерлер

Гүл күлтелері

Сабақтың соңы

10мин

Оқушылар рефлексиясы

«Рефлекия пирамидасы» арқылы оқушылар сабақта білген, әлі де толықтыра түсу қажет деп тапқан ақпараттар мен сабақтың қызықты тұстарын жазып қалдырады.

Сіз үйренген төрт нәрсе?

Сіз бұған дейін білген үш нерсе?

Сіз көбірек білгіңіз келетін екі нәрсе?

Есте сақтау керек маңызды нәрсе?

стикерлер