Есірткісіз өмір ғажайып

Қызылорда ОПД ЕҚҚІҚБ тарапынан жарияланған байқауға

Саулауатты өмір салтын қолдайық,

Әдеттен жаман әманда аулақ болайық!

Өз өмірің өз қолыңда, ей,жастар,

Су ішпеген гүлдей болып солмайық!

Адам денсаулығы – қоғамның байлығы, әрбір адам өз денсаулығының жақсы болуын қадағалауы керек. Дені сау адам әрқашан да кез келген жұмысқа құлшыныспен кірісері қақ. Әрбір Қазақстан азаматы ұлтымыздың болашағына қауіп төндіретін зиянды әдеттерден: нашақорлық, арақ, темекі, т.б. нәрселерден бойын аулақ ұстағаны абзал. Себебі өміріңе қауіпті.

Есірткінің адам өміріне қаупі қандай?

Есірткі – бұл адамның көңіл күйін, сана-сезімін, мінез-құлқын бұзатын қауіпті, тыйым салынған химиялық зат. Ол адамның есін алып, құмарлыққа ұшыратады, онсыз өмір сүре алмайтындай бейшара халге жеткізеді. Есірткінің негізгі түрлеріне: апиын, кокоин, көкнәр, марихуана, т.б. жатады. Мұның барлығы адам ағзасына зиянды. Алғаш дәмін көруге үйретсе, кейін тәуелді қылып қояды. Осы есірткіні таба алмаған жағдайда ұрлық жасауға, төбелес іздеуге, достарынан айырылуға, тіпті адам өлтіруге дейін барады.

Мен есірткісіз өмірді қалай елестетемін?

Есірткісіз өмір менің таңдауым. Есірткісіз өмір ғажап деп айта аламын. Өміріңді ғажап ету өз қолыңда. Ол үшін:

• Спортпен айналысу;

• Салауатты өмір салтын ұстану;

• Дәруменді тағамдармен тамақтану;

• Жеке бас тазалығын сақтау;

• Өз-өзіңді сыйлау, таза ауада болу;

• Сүйікті ісіңмен айналысу;

• Әдеби кітаптар оқу,т.б.

Осындай жақсы әрекеттер арқылы өз мақсаттарымның орындалатынына сенемін. Мен өз болашағымды ғажап деп айта аламын. Мектептен алған білімімді өмірде қолдана отырып, болашақ мұғалім мамандығына оқуға түсіп, жақсы маман атану ниетім бар. Болашақ білім нәрімен сусындаған, жақсы тәлім-тәрбие алған, болашаққа нық сеніммен қарайтын, креативті, патриот, дені сау, еңбекқор ұрпақ тәрбиелеу менің басты арманым.

Есірткісіз өмір ғажап! Өз өмірің өз қолыңда, достар!

#есірткігеқарсыбайқауы

Қызылорда облысы Қазалы ауданыӘйтеке би кенті

С.Сейфуллин атындағы №165 орта мектептің

11-сынып оқушысы Өтеулі Гульвира