Туған жерім – тұғырым

Сүйем сені туған жер,

Әжем жөргек жуған жер.

Шапқан жауды елімнен

Батыр бабам қуған жер.

Туған ел мағынасы тереңде жатыр.Бұл сенің өз үйіңнің табалдырығыңнан басталады. Туған жерсіз адамның күні жоқ. Алыс кетсең, өз үйіңнің мұржасына дейін сағынасың. Туған жерің түсіңе енеді.Анаңның бесікте жатқанда айтқан әлдиі, әжеңнің тамылжыта айтқан ертегілері туғандарыңның мейірбанды жүзбен қарағандары,жеңгеңнің тәтті әзілдері – осының бәрі туған еліңнің керемет сипаттары.

Туған жеріміздің табиғаты адам айтқысыз әсем әрі бай. Ұшы – қиыры жоқ теңіздей шексіз дала, неше алуан шөп, қызыл –жасыл гүлдер өрнектеп кілем жайғандай. Табиғаттың ғажайып көріністері адам жанын тамаша бір рахатқа бөлейді.

Осындай туған жердің ғажаптары адамды сезімге бөлеп,жаныңа жылу сыйлайды.

Әкем айтпақшы ,туған жерің - бұл кіндік кескен жерің.Сондықтан таңертең тұра күнге сәлем беріп, кешке батар күнге қайырлы түн сыйлау, бұл бәріміздің перзенттік парызымыз деген. Мен бұл әкемнің өсиетін бұлжытпауға тырысамын. Иа, туған жердің бәрі бірдей ғой, сонда да өз туған жерің бәрінен өзгеше ,ыстық.

Біз үшін дүниеде туған елден қасиетті, туған жерден киелі жер жоқ. Ол барлық қазақ үшін, мен үшін қастерлі де қасиетті.

Туған жерімізді аялап, гүлдендіру – өз қолымызда.

Қорытындылай келе, мен ақын Е.Ынтықбаевтің мына шуағымен аяқтағым келеді.

Жер бетінде сенен басқа жер жоқ,

Жер бетінде сенен басқа ел жоқ.

Арманым, тағдырым қазақ жерім,

Әнұраным, туым қазақ елі.