Ақпарат іздеу
Сертификат алу үшін

Құпия сөзді еске салу.

эссе "Туған өлкем"
Бағыты: Қазақ әдебиеті Бөлімі: Эссе, шығарма, мазмұндама Сыныбы: 7 сынып





Материал туралы қысқаша түсінік

Туған жерге деген ыстық ықыласын білдірген оқушының ұшқыр ойын бағалауыңызды өтінемін




Туған өлкем Туған өлкем, туған жерім, тынысым. Расында да туған жер қай адамзатқа болса да ыстық болып келеді.Өйткені кіндік қаны тамған жер, талайлардың өмірі озған жер болып табылады. Ал табиғатын айтсаңызшы... Табиғат дегенде тылсымы ерекше Түркістан қаласы мен үшін тамаша.. Себебі , осында туылдым, таныдым , мектеп табалдырығын да аттадым. Мұндағы табиғат пен таң қалдырар өлке табиғаты өзінше ерекше. Ерекше деп айтуымның да өзінше себебі бар. Тарих толқынында түрлі жағдайларда сынға түсіп, ғұламалар мекен еткен мекен болып табылады. Аймақта орналасқан тарихи –мәдени ескерткіштер кешегі әдебиет пен мәдниетті тануға мүмкіндік береді. Тарих және әдебиет сабақтарында ұстаздар Түркістан тарихы туралы мәліметті көптеп айтады. Ол жайында әрине біздің де білгіміз келеді. Көп нәрсені тани келе туған жер жайында жан-жақмы мәлімет ала аламыз әрі қанық боламыз. Айтар болсам, туристер таңдай қағып келетін Қ.А.Яссауи кесенесі. Тарих бетін ақтара ашып оқысам өз заманындағы сәулет өнерінің негізгі қажетін өзіне жинаған құрылыстың бірі болып табылады екен. Жамағатхана, қабырхана мешіт және кіші Ақсарай , асхана, кітапхана, құдықхана секілді бөлмелері бар. Сонымен бірге Түркістан тарихи мемориалды музейі бар. Түркістан өзіне талайлардың тамырын тартып, қазіргі кезде таңғажайып жетістікке жеткен үлкен қалалардың бірі. Себебі мұнда сырттан қаншама туристер, қонақтар келеді. Келіп қана қоймай таңғажайып құрылысына таң қалып, тыныс-тіршілігімен танысады. Екінші Мекке атанған қасиетті Түркістанға зиярат етушілердің саны күн санап өсіп келеді. Кейінірек Яссы атанып бүгінде қаламыз қасиетті Түркістанға айналған. Қаланың екі мың жылдық тарихы бар дейді. Зерттеулер де көп. Бәріне мұқият қараймын.Жан-жақты оқимын. Себебі түрлі деректер түрлі көзқарастарға алып келеді. Қазір біраз тарихи жерлер өзгеріске түскен дейді ұстаздардың айтуынша . Археологтар зерттеу жүргізіп, біраз зерделенген. Нәтижесінде біраз ғылыми жағалықтар ашылған. Біраз дүниелерге көз жеткізген. Айтар болсам сөзімнің дәлелі ретінде20-ға жуық зерттеулер жасалған екен. Әр зерттеудің өзіндік ерекшелігі бар. Сондықтан да өскенде тарихшы не археолог болсам деймін. Біз сияқты оқушыларға түсінікті әрі нақты болу үшін зерделегім, терең білгім келеді. Ия, шынымен де менің өлкемнің табиғаты түнған тарих сияқты. Болашақта мен сияқты қызығып қарайтындар болса жан-жақты ізденетін дүние көп секілді. Бүгінде тағы алып қарағанымда қаланың шет жағы да зерттеушілерді қызықтырып отырған секілді.Қазылып жатқан жерлер көп. Сонымен бірге Түркістанды ұлы қала деп те атайды делінген. Мұнда түсінгенім ұлы деуінің себебі, үлкен ғалымдар, ғұлама даналар жатқандықтан деп түсінемін. Осындай киелі, көрнекі , таза, рухани қалаға айналған үлкен мекенде дүниеге келгенімді , өмір сүріп жатқанымды мақтан етемін.Мақтанышыма өзім сияқты құрдастарым да келіседі деп ойлаймын. Жоғарыда рухани әңгіме жайында айтып қалдым.Себебі, қазіргі таңда ұстаздар қауымы бізге рухани бай болыңдар деп жатады. Соның себебім терең білгім келіп, ұстазыма тіл қаттым. Ұлылырдың ұлы жолын қуып келе жатқан ұрпақтар жан-жақты өркендей алуы тиіс деді. Демек менің түсінгенім рухани бай болған жағдайда жоғары деңгейде өсе аламыз. Болашақта түзу жолда дұрыс жоспарлар құра аламыз. Мұның бәрі мен үшін туған өлкеме деген құрметтің бір бөлігі деп түсініңіздер. Келесі кезекте туған өлкемнің табиғатына тоқталсам деймін. Табиғаты, әрине тамаша.Ештеңеге тең келмес таза ауасы мен жанға шипа суы болса... Түркістан жазы ыстық болғанымен өзіме ұнайды. Өйткені жаз ыстығы өз ыстығын күзге дейін сүйреп, қыс ауасында қатты суық болмайтыны содан деп білемін. Бұл мұнда өмір сүріп жатқан қарапайым халықтың пейілі мен ықыласынан деп түсін дейді менің әжем. Біз табиғат тамашалығы соншалықты киелі мекенде өмір сүріп жатырмыз. Бұл да болса табиғаттының бір кереметі. Киелі мекеннің меншікті тұрғындары ретінде тамашалай алатын жердің сұлулығын айта өтуіміз қажет. Туған өлке табиғаты әркімге өз жері болғандықтан әрине ыстық. Қандай жағдай болмасын туған өлке сұлулығын, табиғатын мақтанышпен айта аламын. Мен тағы бір жайт туралы айтқым келеді. Менің әдебиетке қызығушылығым басым.Қызығып қана коймай жазушылардың жазуына мән беремін. Яғни ,байқап отырсам, қандай шығарма болсын міндетті түрде бастамасында табиғат туралы мәлімет береді. Айтар болсам лиро –эпостық жырлар тарауында тақырыбы жөнінде айтылғанда ондағы өмір сүрген халықтың дәстүрі мен тіршілігі кеңінен суреттелген. Бұл табиғат халықтың қай кезеңде , қандай жағдайда өмір сүргендігінен хабар беріп тұрғандығын байқадым. Туған өлке дегенде табиғат ұғымының тек қана бір ұғымда ғана емес- ол адам табиғаты, адам жанының табиғаты болатындығына көз жеткізгендей болдым. Өйткені табиғат біреу ғана болғанмен, туған өлке табиғаты тереңде жатыр. Ашылмаған қыры мен сыры көп. Қазіргі таңда туған өлке табиғатын сипаттау кез келген адам үшін қиындық тудырмайды деп ойлаймын. Келешекте бұйырса әрине, өзімнің туып –өскен жеріме үлес қосқым келеді. Тарихшы апа-ағаларымыздың зерттеуін зерделеп, көңіліме тоқып солардың ізін жалғастырсам, үлгі алсам деген мақсат, арман бар менде. Мұның бәрі менің қызығушылығымнан, туған жерге деген перзенттік махаббаттың кеудемде бүршік жарғандығы деп түсінемін. Қазіргі менің міндетім -ұстаздарымның арқасында білімімді шыңдау, жетілдіру, іздену. Бұл менің туған өлкем , қойнауы тарихқа толған Түркістан жайындағы жүрегімнен шыққан жүрек жарды ойларым. Табиғатымен, тау- тасымен, тарам-тарам жолдарымен жар сала мақтана алатын киелі мекенім, Түркістаным менің. Түркістаным-Тұраным. Бабалар басқан асыл жол, зерттеуді қажет ететін тұңғиыққа тарих жасырынған тарихи қалам менің. Туған өлкені талайлар талайлар басты, дәмін татты. Сырттан келген сан мыңдаған адамдар тәу етіп сағынышы мен сансыз сырын айтқан киелі мекенім менің. Туған өлкемнің ыстық желі қапсыра құшақтап бетке ұрғанда өлкемнің табиғаты аялы алақанына салғандай сезімде боламын. Менің туған өлкеге деген сүйіспеншілігім осылай кеудемде тулап жатыр. Қадірлейік, қастерлейік, туған жерімізді! Темірхан Камила 7»б» сынып оқушысы Жетекшісі:қазақ тілі мен әдебиеті пәнінің мұғалімі А.Момбекова Түркістан қаласы Абай атындағы №31 жалпы орта мектеп

Материалды сайттан тегін жүктеу
Өз пікіріңізді қалдыру үшін тіркелу қажет.