Эссе Ыбырай Алтынсарин

Эссе Ыбырай Алтынсарин әңгімелері

Халқымыздың бай мұралары мақалдарда «Кітап –алтын қазына», «Күш-білімде,білім-кітапта», «Кітап-ғалым,тілсіз мұғалім», «Наданмен дос болғанша,кітаппен дос бол», «Кітап көзі жұмыққа арзан,көзі ашыққа қымбат», «Кітап алтын сандық: іші толған қазына,құт,оқы,оқы ойыңа тұт»,-деп адам өміріндегі кітап оқудың маңыздылығын ата бабаларымыз айтып кеткен.Ал біздің жас ұрпақ қазіргі кезде сол кітап оқуды ұмытып баратқандай.Олар уақыттарының көбін теледидар қарап,компьютер ойындарын ойнаумен өткізеді.

Қай заманда болмасын адамзатты толғандыратын маңызды мәселелердің бірі – жас ұрпақтың тәрбиесі.Қазақ әдебиетінің алуан түрлі туындыларын айтып жатпайын

Міне сол жас ұрпақтың тәрбиесі тақырыбы бойынша бай және бағасы жетпес мұра қалдырып кеткен Ыбырай Алтынсарин.

Ы.Алтынсарин-шағын әңгіменің шебері. Қазақ халқының білімін дамыту үшін үлкен үлес қосқан тұлға.Алтынсариннің еңбектерінің қазіргі біздің заманымызда да маңыздылығы мен өзектілігі, оның шығармашылығының бір саласы, әңгімелерін, алып қарастыратын болсақ та түсінікті.

Әр әңгімесі қысқа да нұсқа бір ғажайып,керемет нәрсе .Кез келген шығармасы ғибрат,үлгі,өнеге толы.Олар балаларды не жақсы, не жаман екенін түсінуге баулиды.

« Екі дос», «Әке мен бала», «Бір уыс мақта», «Асыл шөп», «Жаман жолдас», «Өрмекші,құмырсқа,қарлығаш»,«Атымтай жомарт», «Білгеннің пайдасы»,«Аурудан- аяған күштірек»,«Түлкі мен ешкі»,«Бай мен жарлы баласы»,«Бақша ағаштары» т.б.

Алтынсариннің әңгімелерінің тақырыбы алуан түрлі:еңбекшіл,қайырымдылық,

ұстамдылық,адамгершілік,өнер,әділдік,оқу-білім,шыдамдылық талаптылық.

Ал бұның бәрі адам баласы үшін қай уақытта болмасын басты құндылықтар.

Шағын,қысқа әңгімелерде жас ұрпақ үшін сонша үлгі ,өсиет бар.Бұл әңгімелерден көптеген сөздер халық ішінде қанатты сөздерге айналды.

Қазіргі ХХІ ғасырда да ұлы жазушының шығармаларының тәрбиелік маңызы өте зор.Сол ақын,ағартушы ,ұстаздың шығармаларының өзектілігін жас ұрпаққа жеткізу біздердің ұстаздар мен ата-аналардың міндеті.

Өз басым бала кезімде ,отбасымыздағы басқа балалармен бірге, әкемізге ертегі айтып беріңізші деп мазалағанда ол көбінесе сол Ы.Алтынсариннің әңгімелерін айтып беретін.Қазіргі ата-аналар да өз балаларына Ыбырай шығармаларын оқып,әңгімелеп айтып отырса одан жас ұрпақтың алары мол.