Ғажайып математика

Сабақтың тақырыбы: «Ғажайып математика»

Сабақтың мақсаты: Оқушыларды тез ойлауға, шапшаңдыққа, ұйымшылдыққа баулу. Теориялық білімдерін кез келген жерде қолдана алуға үйрету.

Білімділігі: Математика пәніне деген қызығушылықты арттыру.

Дамытушылығы: Оқушылардың ой-өрісін кеңейтіп , шығармашылық қабілеттін дамыту.

Тәрбиелігі:Оқушыларды алғырлыққа, тапқырлыққа,шапшандыққа тәрбиелеу.

Түрі: Сайыс.

Әдісі: Топтық жұмыс, эстафеталық ойын.

Көрнекілігі: презентация, алма тәрізді карточкалар, шарлар т.б.

Сайыстың барысы:

I. Топтардың сәлемдесуі.

II. Блиц-турнир

ІІ . «Сардарлар» сайысы.

ІII . «Білгірлер» сайысы.

IV. Викторина

V . «Кім жылдам?» сайысы.

VІ. «Биатлон» сайысы.

VII. Қорытындылау, марапаттау.

Кіріспе сөз.

Бүгінгі шәкірт ертеңгі азамат. Сол азамат бойында тапқырлықты, алғырлықты қалыптастыру мектеп қабырғасынан басталады.

«Білімді азамат-ел ертеңі», ал «Ақылды-ойды тәртіпке келтіретін-математика» демекші үш топқа Ақ жол тілейміз. Кешімізді  бастамас  бұрын  біз  әділ-қазылар  алқасын  таныстырып  өтейік.

Олар:  Бүгінгі  сабаққа  қатысып  отырған  ұстаздарымыз.

1-жүргізуші:

Көңілді тапқырлар, білгіштер,

Бар өнерін алдарыңа салады.

Кім білімді, көп оқыған болса егер,

Бүгінгі күн жеңімпазы болады.

2-жүргізуші:

Өмірде ойлап тұрсаң бәрі де - есеп,

Ауырсаң, іше – тұғын дәрі де есеп.

Есепсіз сүрген өмір мазмұнсыз – ау,

Дүниенің бар тұлғасы есеп десек.

1-жүргізуші:

Есеппен сайысады қос команда,

Алға озар ең мықтысы осы жолда.

Көпшілік өнерлерін қызықтамақ,

Сұрайық шығуларын жұрт алдында.

2-жүргізуші:

Шақырамыз келіңдер жарысуға,

Күш – өнер, білімменен алысуға.

Бар өнерді салайық ортамызға,

Ал кәнекей, кім шығады сайысуға.

I. Топтардың сәлемдесуі.

1-жүргізуші:

Ортаға 5 сынып оқушыларынан құралған «Үшбұрыш» , «Төртбұрыш» және «Дөңгелек» топтарын шақырамыз.

2-жүргізуші:

Ал, кәнекей сайысты біз бастайық,

Өзімізді таныстырып тастайық, - деп сөз кезегін әр топқа береміз (таныстыру, ұраны, эмблема)

І топ. «Үшбұрыш» тобы.

Ұраны: Қандай сынақ болса дағы беріспе,

Әрқашанда үміткерміз жеңіске.

Сәлемдесуі: Армандарға қол созумен келеміз,

Өмір теңіз жүзіп келеді кемеміз.

Білімменен қаруланған тобымыз,

Қарсыласты қалай да біз жеңеміз.

ІІ топ. «Төртбұрыш» тобы.

Ұраны: Жарыс десе жанамыз,

Бүгінгі күн жарыста алғырлықпен аламыз.

Сәлемдесуі: Қиындықтан сірәда біз қашпаймыз,

Алғырлық пен тапқырлықты ұштаймыз.

Қияларға самғап ұшқан құстаймыз,

Шегінбейміз жеңістерге бастаймыз.

ІІІ топ «Дөңгелек» тобы.

Ұраны: Білікті бірді жығар.

Білімді мыңды жығар.

Сәлемдесуі: Біз дайынбыз бұл сайысқа достарым,

Көрсетеміз бізде қандай күш барын.

Алға қойған мақсатымыз бір екен.

Сәтті болсын сапарымыз әрдайым.

1-жүргізуші:

Мәңгі бақи есте қалар,

Қызықты бір жиын болсын!

Білімдірек шәкірт озар,

Сұрақтары қиын болсын, - дей отырып, сайысымыздың екінші бөлімін бастаймыз.

2-жүргізуші:

II. Блиц – турнир. Ойын шарты, мұнда әр топқа 10 сұрақ беріледі. Уақыт, бірлік, ұзындық, салмақ, өлшем бірліктерін және олардың арасындағы байланысты меңгеру үшін сұрақтар алынды. (Әр сұрақ 2 балдық жүйемен бағаланады )

1-жүргізуші:

І-топқа сұрақтар:

1. 1 метр 1 дециметрден неше сантиметр артық? (90см)

2. 1 минут 1 сағатта неше минут кем? (59 минут)

3. 50 саусақ көріну үшін неше баланың қолы керек? (5 баланың)

4. «Спутник» жер шарын 103 минутта айналып өтті, ол неше сағат, неше минутта айналып өтті? (1 сағат, 43минутта)

5. Бірлігі мен ондығын қосқанда 2-ге тең болатын екі таңбалы санды ата. (11,20)

6. Айырмашылығы тек таңбаларында болатын сандар не деп аталады? (қарама-қарсы сандар)

7. Алымы бөлімінен үлкен бөлшек не деп аталады? (бұрыс бөлшек)

8. 7 жай сан ба құрама сан ба? (жай)

9. Натурал сандар нешеден басталады? (1)

10. Ең кіші үш таңбалы сан? (100)

2-жүргізуші:

ІІ-топқа сұрақтар:

1. 1 сағаттың 1 тәуліктен неше сағаты кем? (23 сағаты)

2. 1 тоннада неше килограмм бар? (1000кг)

3. Түнгі сағат 11-де жауын жауып тұр, ал 24 сағаттан соң күн шығып тұруы мүмкін бе? (жоқ, түнгі 11 сағат)

4. Үстелде 4 алма жатыр, оның біреуі 2-ге бөлінген, үстелде неше алма жатыр? (4 алма)

5. Алымы бөлімінен кіші бөлшек не деп аталады? (дұрыс бөлшек)

6. Екі қатынастың теңдігі (пропорция)

7. Қандай өрнекті әріпті өрнек деп атайды? (құрамында әріпі бар)

8. Ең үлкен екітаңбалы сан? (99)

9. Саудагер бір затты 7 теңгеге сатып алып оны 8 теңгеге сатты. Сол затты қайтадан 9 теңгеге сатып алып, қайта 10 теңгеге сатты. Саудагер қанша пайда тапты? (2тг)

10. 4 және 5 сандары мен жазылатын барлық екі таңбалы сандарды ата. (44,45,54,55)

1-жүргізуші:

III-топқа сұрақтар:

1. Қосу амалының нәтижесі қалай аталады? (Қосынды)

2. 7 · 8 =…(56)

3. Дөңгелектің ең үлкен хордасы. (Диаметр)

4. Бір сағатта неше минут. (60)

5. Кесіндінің ұзындығын өлшейтін аспап. (Сызғыш)

6. Алманың жартысы неге ұқсайды? (Екінші жартысына)

7. Ең кіші екі таңбалы сан. (10)

8. Алымы бөліміне тең бөлшек қалай аталады? (Бұрыс бөлшек)

9. Жазғы демалыстың үшінші айы? (Тамыз)

10. Әтеш бір аяғымен түрғанда үш килограмм тартады. Екі аяғымен тұрғанда неше

килограмм тартады? (Үш килограмм)

2-жүргізуші:

II. «Сардарлар» сайысы. Әр топтан үш оқушыдан тақтаға шығып, ағаштағы алма тәрізді карточканы алып, өткен тақырыптарға байланысты сұрақтарға жауап беру тиіс. Әр сұраққа 1 мин уақыт беріледі (Әр сұрақ 5 балдық жүйемен бағаланады).

1.Бөлшекті бөлшекке көбейту үшін...

Жауабы: олардың алымдарын көбейтіп, алым етіп, бөлімдерін көбейтіп, бөлім етіп жазу керек.

2.Бөлшекті натурал санға көбейту үшін ...

Жауабы: бөлшектің алымын натурал санға көбейтіп, нәтижесін алым етіп, бөлімінің өзін қалдыру керек.

3.Аралас сандарды көбейту үшін ...

Жауабы: бөлшекті бұрыс бөлшек түрінде жазу керек, бөлшектерді көбейту ережесін қолдану керек.

4.Жай бөлшекті жай бөлшекке бөлу үшін...

Жауабы: бөлінгіш бөлшекті бөлшекке кері санға көбейту керек.

5.Аралас санды аралас санға бөлу үшін...

Жауабы: оларды бұрыс бөлшек түрінде жазып алып , бөлшекті бөлшекке бөлу ережесін қолдану керек.

6.Бөлімдері бірдей бөлшектерді қосу үшін...

Жауабы: олардың алымдарын қосып,алым етіп, сол бөлімнің өзін қалдыру керек.

7.Бөлімдері бірдей бөлшектерді азайту үшін...

Жауабы:азайғыштың алымынан азайтқыштың алымын шегеріп, алым етіп жазып, бөлімін сол күйінде қалдырады.

8.Санның бөлігін табу үшін...

Жауабы: санды осы бөлшекке көбейту керек.

9.Бөлігі бойынша санды табу үшін...

Жауабы: бөлікке сәйкес санды бөлшекке бөлу.

1-жүргізуші:

ІII . «Білгірлер» сайысы. Әр топқа алты есептен тұратын пазл тәрізді карточкалар таратылады. Оқушылар есептерді шығарып, берілген пазлды жинау керек.Бұл тапсырмаға 8 минут уақыт беріледі. (Әр тапсырма 10 балдық жүйемен бағаланады)

1 топ:

1)

2)

1.

2.

3.31

3)

1.

2.

3.

4.

4)Үш санның қосындысы 126-ға тең. Осы үш санның бірінші қосындысының бөлігін құрайды. Бірінші санды тап.

Шешуі:126

2 топ:

1)1 =

2) =

1. = 8

2.

3.

3)

1.

2.

3.

4)Бесінші және алтыншы сыныпта 70 оқушы оқиды . Бесінші сыныптағы ер балалардың саны барлық оқушылардың құрайды. Бесінші сыныпта неше ер бала бар?

Шешуі:70

3 топ:

1) :2

2) :

1.

2.

3.

3)

1.

2.

3.

4) 75м матаның көйлек тігілді. Балаларға көйлек неше метр матадан тігілді?

Шешуі: 75

2-жүргізуші:

Ал кәнекей балалар,

Құлақ салшы сөзіме

Сұрақ берсем берейін

Жұмбақтардан өзіңе, - деп келесі кезеңімізге өтейік. 

IV.Викторина. Ойынның шарты оқушылар 10,20,30 ұяшықтарын таңдап, сол ұяшықтардың жұмбақтарына жауап беру керек.Әр сұраққа 2 минут уақыт беріледі.

10 20 30

10 20 30

10 20 30

Жоғарыдағы 10: Доп емес, дөңгелек емес,

Ұқсас бірақ достарым

Тыңда ол ең негізгі

Дәл жауапты қостадым (шеңбер)

Жоғарыдағы 20: Бес бұтақты ағашта,

Бұтақ сайын бес алма

Біреуін бер алашқа

Қалады сонда қанша алма? (24)

Жоғарыдағы 30: Біз санбыз...

Сызықпен бөлінген.

Математиканы ұқпас адамға

Құбыжық боп көрінген

Дұрыс, бұрыс, аралас,

Ондық болып бөлінген (бөлшек сан)

Ортаңғы 10: Санасаң бір үйде төртеу бар,

Қаласаң аузыңды өртейтін нәр. (бұрыш)

Ортаңғы 20: Алды артымыз шексіз де
Жете алмайсың біздерге.
Сәуле менен кесінді
Шыққан тегін білсе де. (түзу)

Ортаңғы 30: Нәрселерді санағанда,

Керек ол бізге ауадай,

Айтыңдаршы, бұл қандай сан,

Жан-жағыңа қарамай? (натурал сан)

Төменгі 10: Он бір түйе, бес жылқы.
Екі сиыр, бес ешкі
Екі қоян үш түлкі
Таба алмайсың бос күлкі (барлығы: 28)

Төменгі 20: Бір ағаштың он екі бұтағы бар,
Әр бұтағында отыздан жапырағы бар,
Жапырақтың бір жағы ақ,
Бір жағы қара. (жыл, ай, тәулік, күн мен түн)

Төменгі 30: Бірдей санды бірнеше рет

Көбейтуден тұрады

Егер оны ықшамдасаң

Қандай атау болады? (дәреже)

1 – жүргізуші:

Ойла ойла тереңнен,

Жақсы емес – ау көп бөгелген

Есептерді шешпесең

Өте алмайсың бөгеттен

2 – жүргізуші: Келесі 5 кезең «Кім жылдам?» сайысы.Ойын шарты бойынша, әр топқа бір есептен беріледі. Есептің жауабын, жылдам әрі дұрыс жауап берген топ 3 балдық жүйемен бағаланады. Бұл сайысқа 3 минут уақыт беріледі.

1топ:

2 топ:

3 топ: =1

1-жүргізуші: Келесі сонғы сайысымыз биатлон. Биатлон сайысында топ басшыларына бір-бір есеп беріледі. Есеп шығару үшін 1 минут уақыт беріледі. Есептің жауабын тапқан жағдайда, топқа 2 балл беріледі.

1 топ:

2 топ:

3топ: 21 =

VII. Қорытындылау, марапаттау.

2 – жүргізуші:

Ең бастысы, орын емес жарыста,

Терең білім, жеңу шарты сайыста

Тапқырлық пен ізденісте болсаңыз

Өмірде де жетерің хақ, табысқа.

1 – жүргізуші:

Көңіл бөліп бұл кешке,

Келгендерге көп рахмет

Шын сезінген көрерменге,

Мың рахмет, мың рахмет.

2 – жүргізуші:

Сайысымыздың соңғы сәті таяп қалды,

Ал қазір әділ қазылар сөз алады.

Сайысымыздың жеңімпаздарын анықтап,

Мақтау қағаз, сыйлықтарын тапсырады.