«Ханшайым мен жеті ергежейлі»

Тақырыбы: «Ханшайым мен жеті ергежейлі»

/фан-фар ойналады/

Жүргізуші Қарлығаш: Бүгінгі күн -нұрлы күн,

Жарық шашқан әлемге.

Ескеретін күн бүгін,

Ризашылық әр елде. Құрметті қонақтар бүгінгі мерекенің кейіпкерлерін қарсы алыңыздар.

/көңілді музыкамен балалар музыка залына кіреді./

Жүргізуші:Қайырлы күн құрметті қонақтар, кішкентай бүлдіршіндер, балалар үйінің ұжымы. Бүгін біздің үйімізде ерекше мереке, ол «Ризашылық күні». Бұл күні адамдар бір-біріне ризашылығын білдіріп, ықылас пен мейірімділік сыйлайды. Біз де туған елімізге, Президентімізге балалардың игілігі мен жан-жақты дамуы үшін жасап жатқан істеріне ризашылық білдіріп, зор алғысымызды айтамыз. Ендеше, бүлдіршіндеріміздің «Ханшайым мен гном» ертегісі негізінде дайындаған мерекелік ертеңгілігіне қош келдіңіздер!

/ақырын музыка ойналады , сырттан дауыс/

Жүргізуші:Ертеде бір кішкентай ханшайым өмір сүріпті.

/Гүлайымның қолында кукла, Ира екеуі музыкамен шығады. Ираның қолында айнасы бар/

Жүргізуші: оның өзінен басқа ешкімді жақсы көрмейтін өгей шешесі болыпты.

Өгей шешесі: Қызым мынау шашылып жатқан гүлдерді жинашы. /Гүлайым корзинаға гүлдерді жинайды./

Өгей шешесі: Айна, айна, айтшы айна,

Менен асқан сұлу бар ма?

Жүргізуші: Бұл дүниеде сізден асқан сұлу жоқ!

Жүргізуші:Жылдар өте ханшайым сұлу бойжеткенге айналады.

/музыкамен сахнаға Айша билеп шығады. Кулисанын артына кетеді Артынан өгей шешесі бірге шығады./

Өгей шешесі: Айна, айна, айтшы айна,

Менен асқан сұлу бар ма?

Жүргізуші: сіз сұлусыз. Бірақ ханшайым сізден де сұлу.

/Өгей шешесі ашуланып, айнаны лақтырып жіберіп/

Өгей шешесі: Мына ханшайымды орманға апарып тастаңдар

/Қорқынышты музыка ойналады, ханшайым сахнаға шығады, жан-жағына қорқынышпен қарайды, бір кішкентай үйді көреді/

Ханшайым: мынау кішкентай үйде кімдер тұрады екен қане терезесін қағып көрейінші.

/Терезесін қағады, ешкім шықпаған соң ішіне кіреді,тарелкадан тамақ жейді, кеседен су ішеді, орындыққа отырады/

Ханшайым: Сондай шаршадым, аздап демалып алайын.

/деп орындыққа отырып ұйықтап қалады./

/музыка ойналады қолдарында кішкентай шамдарымен 7 гном келеді./

Үлкен гном: тоқтаңдар! Мына біздің үйімізде біреу бар сияқты. Біздің тамақтарымызды жепті, суымызды ішіпті, енді орындығымызға отырып ұйықтап қалыпты.

/деп ханшайымды оятады, ханшайым шошып орындықтан атып тұрады/

Ханшайым: Сендер кімсіңдер? Қайдан келдіңдер?

/деп шошып кетеді/

Үлкен гном: Ал сен кімсің?

Ханшайым: Мен ханшайыммын, мені өгей шешем үйден қуып жіберді. Баратын жерім жоқ, сендермен бірге тұрсам бола ма?

Үлкен гном: Сен қорықпа, біз саған еш жамандық жасамаймыз. Біз сенімен дос боламыз, кел ортаға бір би билейік.

1. Ханшайым мен гномдар биі.

/ ханшайым тамақ пісіріп үстел үстін жинап жүреді, өгей шешесі саудагер болып киініп алма сатып жүреді/

Жүргізуші: ханшайымның тірі екенін біліп қойған өгей шешесі, оның көзін құрытудың амалын табады.

Өгей шешесі: алма алыңыздар, тәтті алма, қып-қызыл сондай дәмді.

/ханшайым алмаға қызығып жегісі келеді/

Өгей шешесі: қызым сенің алма жегің келіп тұрғанын білемін, мә жей ғой.

/деп алманы береді, ханшайым алманы бір тістеген соң/

Ханшайым: Сіз маған не беріп қойдыңыз?

/Орындықта отырып қатып қалады./

Өгей шешесі: ха-ха-ха енді меннен асқан сұлу болмайды бұл әлемде.

/деп сахна сыртына кетіп қалады. Музыкамен гномдар келеді, ханшайымды көреді./

Үлкен гном: Балалар біздің ханшайымды біреу қатырып кеткен сияқты, енді не істейміз?

Жүргізуші :Балалар мүмкін сендер тақпақ айтып берсеңдер ханшайым жібитін шығар.

2. Тақпақтар.

3. Оркестр.

/ханшайым жібиді/

Ханшайым: Балалар рахмет сендерге, менің өмірімді сақтап қалдыңдар. Барлығымыз бірге бір ойын ойнайық.

4. Ойын. «Балықтар мен теңіз»

Жүргізуші:Бізде бүгін мереке, сондықтан қонақтарымызға арнап ән айтып берейік.

5. Кап-кап.

Ханшайым:Біздің балалар ән, тақпақтардан басқа би билей алады.

6. Жапырақтар биі. /қыздар/

Жүргізуші: Бүгін бізді мерекемен құттықтап келіп отырған өнерпаз достарымыз бар екен. Солардың өнерін тамашалайық.

1. Батырова Іңкәрдің орындауында «Іңкәрім-ай» әнімен қарсы алыңыздар.

2. Турдиева Айнұрдың орындауында «Секіртпе» күйі.

3. Батыр Жәңгірханның орындауында «Крылатые качелье» әнімен қарсы алыңыздар.

4. Көркем гимнастикадан 1-раздядты спорт шебері Іңкәр қыздарыңызды қарсы алыңыздар.

5. Ортада Серік ұлдарыңыз «Төрешім» қарсы алыңыздар.

6. Песня Мама исполняет Іңкәр.

7. Айнұр қыздарыңыздың орындауында Күй.

8. Сұлу қыз-ай әнімен Іңкәр қыздарыңызды қарсы алыңыздар.

Ханшайым: Балалар бүгін сендерге қонақтарымыз көптеген сыйлықтар әкеліпті, біздің де сендерге беретін ойыншықтарымыз бар, соларды қабыл алыңдар.

/2 корзинамен ханшайым және шығады./

Үлкен гном: Балалар сыйлықтарды үйімізге барып көрейік.

/балаларға сыйлықтарды таратады.

Жүргізуші:Ризашылық мерекесімен құттықтау үшін Астана қаласы Мамандандырылған балалар үйінің бас дәрігері Закарьянова Лайля Лухманқызын шақырамыз.

/Құттықтауы/

Жүргізуші:Қонақ деген ырысың мен мерейің, 
Енді аяңдап қонақтарға келейін. 
Уақыт бөліп бізге тілек білдірер, 
Сөз кезегін қонақтарға берейін –дей отырып қонақтарымызға құттықтау сөз кезегін береміз. 

/қонақтардың құттықтауы/

Осымен біздің мерекеміз аяқталмайды. Әрі қарай бағдарламамызда

1. Балалардың көңілін көтеруге арналған ойын-сауықтар.

2. Астана қаласының орталық цирк өнерпаздарының өнерін тамашалау.

3. Думан ойын-сауық орталығына бару.

4. Мерекелік кешкі ас.

Балалар үйі өзінің қонақжайлылығымен де ерекшеленеді. Құрметті қонақтар сіздерді дәм татуға шақырамыз.

ЖүргізушіКелесі мерекеде кездескенше сау болыңыздар!

Астана 2017 жыл