Интернет заманы және біз.

Интернет заманы және біз

Қазіргі заманда интернет біздің өміріміздің ажырамас бөлігіне айналды. Біз оқимыз, сөйлесеміз, ойын ойнаймыз, жаңалықтарды білеміз – бәрін интернет арқылы жасаймыз. Бірақ интернет тек пайдалы емес, кейде қауіпті де бола алады.

Интернеттің жақсы жағы – ол білім береді. Мысалы, бізге тапсырмаларды орындауға, жаңа тақырыптарды үйренуге көмектеседі. YouTube, Google немесе онлайн курстар арқылы әркім өз қабілетін арттыра алады. Достармен және туыстармен байланыста болуға да ыңғайлы. Кейде интернет арқылы әлемнің түкпір-түкпірінен адамдармен танысып, жаңа ой-пікірлерді біле аламыз.

Бірақ интернеттің жағымсыз жақтары да бар. Кей адамдар жалған ақпарат таратады, ал кейде біз тым көп уақыт онлайнда отырамыз да, шынайы өмірден алыстаймыз. Кейде әлеуметтік желілер адамдардың көңіл-күйіне теріс әсер етеді, біреулерді ренжітеді немесе өзін басқа адамдармен салыстырып, өзіне сенімсіздік туғызады. Кейде ойындар мен видеоларға тым беріліп, сабақ пен спортқа уақыт жетпей қалуы мүмкін.

Менің ойымша, интернет – біздің достарымыздың бірі, бірақ оның күші біздің қолдануымызға байланысты. Мысалы, мен өзім интернетті тек пайдалы істерге пайдалануға тырысамын: сабаққа дайындалу, жаңа нәрселерді үйрену, қызықты ақпараттарды алу. Ал ойындар мен әлеуметтік желілерде уақытты шектеу керек деп ойлаймын.

Қорытындылай келе, интернет заманы – біз үшін үлкен мүмкіндік. Ол білім алуға, достармен байланыста болуға және жаңа идеялар табуға көмектеседі. Бірақ оны дұрыс қолданбасақ, уақытымызды жоғалтып, өзімізді шаршатып аламыз. Сондықтан әркім интернетті тек пайдалы істерге қолдануды үйренуі керек. Сонда ол бізге көмекші ғана емес, өмірімізді жақсартатын құрал болады.

Ақтөбе облысы, Алға ауданы,

Бестамақ орта мектебі.

Кадауова Жанерке Кенжебекқызы

10«А» сынып оқушысы