IT ТЕХНОЛОГИЯЛАРДЫ МЕҢГЕРУДЕ БІЛІКТІЛІКТІ АРРТЫРУ КУРСТАРЫНДА ҚОЛДАНЫЛАТЫН ПЛАТФОРМАЛАР

IT ТЕХНОЛОГИЯЛАРДЫ МЕҢГЕРУДЕ БІЛІКТІЛІКТІ АРРТЫРУ КУРСТАРЫНДА ҚОЛДАНЫЛАТЫН ПЛАТФОРМАЛАР

Жайлаубаева Алия Курбаналиевна

«Жаратылыстану және гуманитарлық пәндерді оқыту әдістемесі» кафедрасының аға оқытушысы

Қазіргі уақытта білім алудың ілгері даму мүмкіндігі зор тәсілдерінің бірі – заманауи телекоммуникациялық технологияларды, атап айтқанда интернет желісін қамтамасыз ететін мүмкіндіктерді қолдана отырып, қашықтан оқыту.  Қашықтан оқытудың тиімділігі педагогикалық мағынамен анықталады. Қашықтықтан оқыту мұғалім мен оқушы арасында ақпарат алмасуды білдіреді.

Білім беруді мейлінше ыңғайлы ету, еліміздің оқу орындарын нақты цифрландыруды, сонымен қатар жаңа талаптарды ескере отырып, педагогтардың дайындығын жүзеге асыру басты талаптардың бірі. Сондықтан оқу процесінде цифрлық платформалар мен онлайн-сервистерді қолдану үшін оқытушылардың цифрлық сауаттылығы мен құзыреттілігін дамыту, IT технологиялар туралы біліктілігін арттыру барысында «Өрлеу» біліктілікті арттыру орталығы филиалының қызметін ерекше атап өтуге болады.

Себебі, «Өрлеу» біліктілікті арттыру ұлттық орталығының білікті тренерлері курсаралық кезеңдерде семинар, конференция, шебер-сынып, дөңгелек үстел, диалог алаңдар мен форумдарда түрлі платформаларды қолданып іс-шаралар ұйымдастыру барысында өз үлестерін қосуда. Заманауи технологияларды игеруін жеңілдету үшін цифрлық құралдарды тиімді пайдалану жолын түрлі форматта вебинар түрінде де, видеосабақтар, видеонұсқаулықтар даярлау арқылы да көпшілікке насихаттауда. Қашықтықтан біліктілікті арттыру курстары өтілуде. Дәріс барысында көптеген тартымды онлайн платформалар қолданылады.

Атап айтсақ:

• топтық жұмысты ұйымдастыру үшін Google Jamboard, Miro, Discord, Mindmup, Google docs;

• видео жүктеу және таратуды ұйымдастыру үшін Youtube;

• видеоконференция жүргізу, видеоны жазу және тарату үшін Zoom видеоқызметі;

• кері байланыс жасау және бағалау үшін: Padlet, Kahoot;

• қарапайым чат жасау кезінде түрлі мессенджерлерді тиімді пайдалану жолдары көрсетілуде.

Қашықтықтан оқыту жағдайында педагогтардың жұмыс жасау дағдылары мен IT-құзырлылығын дамыту технологиялары: ZOOM стриминг платформасын пайдалану арқылы онлайн сабақтарын ұйымдастыру технологиясы, онлайн сабақтарды өткізу үшін «YouTube» платформасын қолдану технологиясы, GoogleClassRoom платформасы арқылы виртуалды класс жұмысын ұйымдастыру технологиясы, білімді бақылау мен тексеру үшін Google-құжат, Padlet, ClassTime көпфункционалдық қосымшаларын қолдану технологиясы, GoogleDrive, Mail.ruDisk бұлттық сервистерін қолдану әдістемесі, цифрлық білім беру ресурстарын жасауға қолданылатын талаптар мен оны жасау әдістемесі, Class tools, Learning Apps және т.б. программалық құралдар арқылы цифрлық білім ресурстарын атап кетсек болады. Жалпы курста қолданылатын интернет платформалармен, Smart-құрылғы мен ақпараттық-коммуникациялық технология қосымшаларымен және цифрлық білім ресурстарымен, перифериялық құрылғылармен және компьютерлік оргтехника құралдарымен тыңдаушылардың жұмыс жасау дағдыларын қалыптастыруда.

Қорыта келе айтарымыз, IT технологияларды меңгеруде білім беру кеңістігінде оқыту жүйесін сапалы, тиімді, қолжетімді пайдалануға мүмкіндік береді. Түрлі платформаларды қолдануда оқытушыныңрөлі арта түседі және өзгереді,оқытудың жүйелілігі және тиімділігі қамтамассыз етіледі, тың деректер мен материалдар қолданылады.