Жай бөлшектер мен аралас сандарды координаталық сәуледе кескіндеу

03.11.2020 ж. Математика 5 – сынып Сабақтың тақырыбы: Жай бөлшектер мен аралас сандарды координаталық сәуледе кескіндеу Оқу мақсаттары: 5.5.2.3 жай бөлшектерді, аралас сандарды координаталық сәуледе кескіндеу;

Конспект

Бірлік кесіндісі берілген сәуле координаталық сәуле деп аталады.

Бөлшекті координаталық сәуледе кескіндеу үшін :

1. бөлшектің бөлімінде қандай сан болса , бірлік кесінді сонша тең бөлікке бөлінеді.

2. бөлшектің алымында қандай сан болса , бірлік кесіндінің сонша бөлігін алу керек.

• Дұрыс бөлшек 1 – ден кіші болғандықтан , ол координаталық сәуледе 0- ден 1- ге дейінгі аралықтағы нүктелермен кескінделеді.

• Бұрыс бөлшек 1-ге тең немесе 1- ден үлкен болғандықтан , координаталық сәуледе 1-де немесе 1- дің оң жағында кескінделеді.

• Координаталық сәуле бойында берілген нүкте бір ғана санға сәйкес келеді

Егер бөлшек әр түрлі бөлімде берілсе, онда координаталық сәуленің бірлік кесіндісін мүмкіндігінше барлық бөлшектердің ортақ бөлімдеріне сәйкес келетін тор көздермен алған жөн.

Мысалы, егер бөлшектердің бөлімдері 8, 4 және 2 болса, онда бірлік кесінді ұзындығын сегіз тор көз етіп алған ыңғайлы.

7/8 санын координаталық сәуледе белгілеу қажет болса, бірлік кесіндіні 8 бөлікке бөліп, соның 7 бөлігін аламыз.

Тапсырмалар

1) Қасқыр түлкіні көріп, қуа жөнелді. 1. Қасқырдың тұрған жеріне сәйкес нүктені әріппен белгілеп, оны координатасымен жазыңдар; 2.Түлкінің тұрған жеріне сәйкес нүктені әріппен белгілеп, оны координатасымен жазыңдар; 3. Түлкі қасқырдың бірлік кесінді есебімен қ андай қашықтықта? Бөлшекпен жаз.

2) Егер домбыраны координаталық сәуле бойына орналастырсақ, домбыраның тиегіне (А нүктесіне) , мойынына (В нүктесіне) және құлағына С(нүктесіне) қандай бөлшектер сәйкес келеді.А,В,С нүктелерін координатала-рымен жазыңдар.

3) Жұмысшылар жолдың берілген ұзындығына 12 күнде асфальт төсеп болды. Әрбір күндегі осындай жұмыс көлемін сақтай отырып, олар 5 күнде және 10 күнде жолдың қандай бөлігіне асфальт төседі? Координаталық сәуледе кескіндеп көрсетіңдер.