«Ұланымыз Ұлы елдің»

«Жас ұлан» - өскелең ұрпақты жоғары рухани - адамгершілік құндылықтар, гуманистік, демократиялық ұстанымдарға негізделген қазақстандық патриотизм рухында қалыптасқан ұйым болып табылады.

Ұйымның мақсаты: Өскелең жас ұрпақтың бойында патриоттық, білім мен өзін-өзі жетілдіруге деген құштарлық, беріктік, Отан тарихына, Тәуелсіз Қазақстанның бүгіні мен болашағына деген жауапкершілікке тәрбиелеу. Ұйымның міндеттері: қазақ халқының тілін, мәдениетін, тарихын білу негізінде өскелең жас ұрпақтың бойында рухани-адамгершілікті қалыптастыру, балалар мен жасөспірімдердің азаматтық белсенділігі мен саналығын арттыру, танымдық жұмыстарды ынталандыру, балалар мен жасөспірімдердің зияткерлік, шығармашылық және әлеуметтік дамуы үшін жағдай жасау, жауапкершілік пен еңбексүйгіштікті қалыптастыруға, көшбасшылық және ұйымдастырушылық қабілеттерін дамытуға бағытталған баланың жеке тұлғалық қасиеттерін дамыту болып табылады.

«Аққозы «мектеп-бөбекжай-балабақша» кешені» коммуналдық мемлекеттік мекемесінде 25-қазан «Республика күніне» орай Республикалық бірыңғай "Жас ұлан" балалар және жасөспірімдер ұйымының қатарына қабылдау салтанатты іс-шарасы өткізілді. Шарамыздың қонақтары ретінда ауыл әкімі А.Тойшыбаев және де ардагер ұстаздарымыз шақырылды. «Жас ұлан» ұйымының қатары 20 оқушыға толықты. Ұйымға қабылданған оқушылар ант қабылдап, «Жас ұлан» ұйымының әнұраны шырқалды.

«Аққозы «мектеп-бөбекжай-балабақша» кешені» КММ-нің

тәлімгері Темірболат Гүлжайнар Дауренқызы