Amiraa Abdullaeva Жасанды интеллект және жастар

Қазір жасанды интеллект туралы айтпайтын адам аз. Телефонда, әлеуметтік желіде, тіпті сабақ арасында да осы тақырып қозғалады. Бұрын тек кино әлемінде көретін “ақылды роботтар” бүгінде өміріміздің бір бөлігіне айналды. Бұл технология күннен- күнге дамып, жастардың өміріне жаңа өзгеріс әкеліп жатыр.

Қазіргі жастар технологиямен бірге өсіп келеді. Көпшілігі жасанды интеллектті оқуда немесе шығармашылықта жиі қолданады. Бірі тапсырмаларын орындауға, бірі сурет салуға, ал кейбірі видео мен мәтін жасауға пайдаланады. Мұндай құралдар уақытты үнемдеп қана қоймай, жаңа идея табуға да мүмкіндік береді.

Жасанды интеллект жастар үшін үлкен көмекші. Оның көмегімен жаңа білім алып, ой-өрісті кеңейтуге және шығармашылық қабілетті дамытуға болады. Мысалы, түсінбеген нәрсені ұзақ іздеп отырмай, жасанды интеллектке сұрақ қойып, қысқа әрі түсінікті жауап алуға болады. Бұл оқу процесін жеңілдетеді және қызықты етеді.

Дегенмен, бәрін жасанды интеллектке артып қою дұрыс емес. Кейбір жастар дайын жауапқа үйреніп, өз бетімен ойлануды сиретеді. Мұндай жағдай ойлау мен жазу дағдыларына кері әсерін тигізеді. Сол себепті технологияны өз ойынмен ұштастырып пайдалану маңызды. Жасанды интеллект тек көмекші құрал, ал соңғы шешімді әрқашан адам қабылдауы қажет. Мысалы, журналист үшін ол ақпарат табуға көмектеседі, бірақ сезім мен адамдық көзқарасты жеткізу — тек адамның қолында.

Болашақта жасанды интеллект бұдан да дамиды. Мүмкін, бірнеше жылдан кейін ол сұхбат жүргізіп, жаңалық дайындай алатын деңгейге жетер. Бірақ соның өзінде журналистиканың негізгі күші — адам, оның шынайылығы мен сезімі.

Жасанды интеллект адамды алмастырмайды, ол тек оның жұмысын жеңілдетеді. Технология не істесе де, адамдық эмоция мен ойды бере алмайды. Нағыз журналист өз пікірін, көзқарасын және өмірлік тәжірибесін көрсете білуі керек.

Кейбіреулер жасанды интеллекттен қорқып, “ол адамдардың орнын басады” дейді. Бірақ шын мәнінде бәрі оны қалай қолданатынымызға байланысты. Егер дұрыс пайдаланылса, ол үлкен көмекшіге айналады. Ең бастысы — технологияға толық тәуелді болып кетпеу және өз еңбегімізді бағалай білу.

Қорытындылай айтқанда, жасанды интеллект – қазіргі заманның ең маңызды жетістіктерінің бірі. Ол жастарға үйренуге, дамуға және жаңа мүмкіндік ашуға көмектеседі. Бірақ оны тек құрал ретінде пайдалану керек. Себебі шынайы ой, сезім мен шығармашылық күш тек адамнан туады. Ал болашақ – осы екеуін тең ұстай білетін жастардың қолында.