Жастар тәрбиесі – қазақы салт дәстүрде ​​

Салт-дәстүр біздің өміріміздің үлкен бір бөлшегі.Салт-дәстүр дегеніміз – әр ұлттың, халықтың діні мен сеніміне, тұрмыс-тіршілігіне, ұлттық құрылым ерекшелігіне сәйкес ғасырлар бойы жинақталып, өмірдің өзі туғызған ғұрыптардың жиынтығы. Әр елдің салты,наным – сенімі әр түрлі болады.Біреулер отқа табынса, біреулер пұтқа табынады.Ал қазақтардың салт-дәстүріне келетін болсақ, қазақ халқы салт дәстүрге өте берік халық деп есептеймін. Қазақтарда салт дәстүр өте көп. Бірін білсек,бірін білмейміз.Мысалы: сүйек жаңғырту,сүйінші сұрау, тұсаукесер, шілдехана, бесіктой, беташар секілді дәстүрлеріміз сонау ата бабамыздан бері ұрпақтан ұрпаққа жалғасып келе жатыр. ​​​

Ата-бабаларымыз бала тәрбиесінеде көп көңіл бөлген. «Тәрбие басы тал бесік» демекші, балаларын ерте жастан қадағалап, салт дәстүрмен тәрбиелеген. Бала тәрбиесіне байланысты әдет-ғұрыптар да аз емес. Мысалы: тоқым қағу, тана тағар, сүндет той, атқа мінгізу, нақыл, тыйым сөздер, үлгі берерліктей ертегі, аңыздар, мақал-мәтелдер, т.б. Менің ойымша баланы салт-дәстүр арқылы тәрбиелеу тапқырлық болып табылады. Қазіргі жастардың да тәрбиесі салт-дәстүрдің мойнында деп есептеймін.Себебі, қазір 21 ғасыр, шыны керек бұзылған жастар аз емес. Алайда осы әдіспен тәрбиеленген ата-әжелеріміз жастарға әдет-ғұрыптарды насихаттап, айтып отырса, өнегелі,ақылды,мейірімді,адамгершілігі мол ұрпақ тарбиеленіп шығатыны сөзсіз. Бұған мын өлең жолдары дәлел бола алады:

Қазағымның салт - дәстүрі жаңғырған,

Тәлімді ой сынағы, тәрбие көзі қалдырған.

Салт - дәстүрді ардақтайық, ағайын.

Қазақ атты үлкен, кіші, балдырған.​​​

Менің ойымша болашақ, жастардың яғни біздің қолымызда. Сол себептіде жастардың тәрбиесі, алға қойған арман - мақсаттары маңызды деп есептеймін. Бұл әлемді көркейтетін де жастар деп сенемін. Ата - бабаларымыз үшін өнегелі ұрпақ тарбиелеу басты міндет болған. Ал менің ойымша өнегелі жастар тәрбиелеу салт-дәстүрдің қолында. Еліміз дамып, дамыған отыз елдің қатарына енуге батыл бетбұрыс жасаған бүгінгі таңда адамзаттық игіліктерді, халқымыздың ғасырлар бойы армандаған мәдени салт - дәстүрлерімізді ұмытпауымыз керек. Салт-дәстүр, әдет-ғұрып – халқымыздың асыл қазынасы, ұлттық айнасы. Бізге аманат болған ұлттық құндылықты көзіміздің қарашығындай сақтап, оны құрметтеу һәм болашақ ұрпаққа үлгі ету – біздің басты міндетіміз.

Қорытындылай келе айтқым келетіні, салт-дәстүр біздің өміріміздің ажырамас бір бөлшегі . Оны дәріптеп,насихаттап,ұрпақтан-ұрпаққа жеткізу біздің қолымыда.