Ж АҺАНДЫҚ БАСТАМАЛАР

Мақсаты: Еліміздің тәуелсіздігін атап өту қарсаңында ел тарихына шолу жасау. Тәуелсіз еліміздің сайыскерлердің ойлау, сөйлеу дағдыларын дамыту, өз ойын жеткізе білуге, ізденуге талпындыру. жетістіктерімен таныстырып, білгендерін тереңдету.

Көрнекілігі: слайд,шарлар

Формасы: сайыс

Жоспары: І. ҰЙЫМДАСТЫРУ КЕЗЕҢІ: сынып оқушыларын топқа бөлу

Топ атаулары: І-топ «Атамекен» , ІІ-топ «Бәйтерек» , ІІІ-топ «Елорда»

ІІ. НЕГІЗГІ БӨЛІМ:

1. Таныстыру (топтың аты, ұраны, эмблемасы, Ұпай саны-10-30)

2.Капитандар жекпе-жегі (капитан командаларына Мемлекеттік Рәміздер туралы сұрақтар беріледі, сұрақтарға жауап беру арқылы топқа ұпай жинайды. Ұпай саны- 50-70)

3.Елбасымен бірге (Әбішұлы Нұрсұлтан Назарбаевтың өмір жолынан, еңбектерінен сұрақтар қойылады. Ұпай саны -10)

4.Білгірлер бәйгесі (Ұяшықтарды таңдау арқылы сұраққа жауап алынады Ұпай саны-10-50)

5.ЭКСПО-ға бірге барамыз

6.«Алтын сандық» (әр қақпаның астында тарихта елеулі ізі бар кемеңгерлер жасырылған, сол кемеңгерлергді тауып,сипаттама береді Ұпай саны-10-30)

7.«Тарихи криптограмма» (Бұл криптограмманы шешкенде туған жер, отан туралы төрт шумақ өлең оқуға болады)

ІІІ . ҚОРЫТЫНДЫ: марапаттау

ТӘРБИЕШІ: Сәлеметсіздер ме құрметті ұстаздар мен оқушылар! Бүгінгі «Көшбасшылық сабақтары» жобасы аясында өткелі отқан «Жаһандық бастамалар» атты ашық сайыс сабағымызға қош келдіңіздер. Аспанымызда көк туымыздың желбірегенін көріп, еркін тыныстайтын біздің еліміздің жастары тек білімге құмар. Қыран бүркіт асқар таудың шыңынан кең далаға қарай қанат қақса, біздің елдің жасұрпақ азаматтары биік шыңдарды бағындырып, асқақ армандарға аяқ басуда. Бүгін егеменді еліміздің тәуелсіздікке 25 жыл толуына орай 8 сыныптардан құралған «Жаһандық бастамалар» атты ашық сайыс сабағын өткелі өтырмыз. Ортаға сайыскер топтарды шақырайық.

 Шын жүйрік шабысынан танылады,
Қатты білім, терең ой саналады.
Баға берер әділқазы ортамызда
Сіздерге құрметпен қол соғылады. Ендігі кезекте бүгінгі сайысымыздың әр кезеңде жинаған ұпай сандарын есептеп беретін және әділ шешім шығаратын әділқазылар алқасымен таныс болыңыздар.

Сайысымыздың кезеңдерімен таныстырып өтейін. (әр кезеңдерді таныстыру)

 1 кезең: Таныстыру (топтың аты, ұраны, эмблемасы Ұпай саны-10-30)

 2 кезең: Рәміздерім - елдігімнің белгісі,

Білу керек бала дағы  ең кіші.

Ән ұран, көгілдір Ту, Елтаңба,

Рәміздерді жатқа білсін әр кісі. Копитандар жекпе-жегі (копитан командаларына Мемлекеттік Рәміздер туралы сұрақтар беріледі, сұрақтарға жауап беру арқылы топқа ұпай жинайды. Ұпай саны- 50-70)

“Атамекен” тобы:

1.Қазақстан Республикасының Мемлекеттік рәміздеріне нелер жатады?(Ту, Елтаңба, Гимн)
2. Қазақстан Республикасының Мемлекеттік Туында қандай түстер кездеседі?(Көк, сары)
3. Қазақстан Республикасының Гимні неше рет ауысты? (Екі рет)
4. Мемлекеттік Елтаңбада кездесетін аспан денесі?(Жұлдыз)
5. Мемлекеттік Тудың авторы кім? (Шәкен Ниязбеков)

“Бәйтерек” тобы:
1. Қазақстан Республикасының Мемлекеттік рәміздері қабылданған жыл?(1992 жыл)
2. Мемлекеттік рәміздер күні?(4 маусым)
3. Мемлекеттік Туда бейнеленген, еркіндікті білдіретін құс?(Қыран бүркіт)
4. Мемлекеттік Елтаңбада бейнеленген жануар?(Қанатты пырақ)
5. Мемлекеттік Елтаңбаның авторларын атаңдар? (Шота Уәлиханов, Жандарбек Мәлібеков)

“Елорда” тобы:

1.Қ Р Мемлекеттік рәміздері туралы Конституциялық Заң қашан қабылданды? (2007 жылы 4 маусымда қабылданды)

2. Қ РМемлекеттік елтаңбасын сипаттап бер?(ҚР Мемлекеттік елтаңбасы – дөңгелек нысанды және көгілдір түс аясындағы шаңырақ түрінде бейнеленген, шаңырақты айнала күн сәулесіндей тарап уықтар шаншылған. Шаңырақтың оң жағы мен сол жағында аңыздардағы қанатты пырақтар бейнесі орналастырылған. Жоғарғы бөлігінде – бес бұрышты көлемді жұлдыз, ал төменгі бөлігінде «Қазақстан» деген жазу бар. Жұлдыздың, шаңырақтың, уықтардың, аңыздардағы қанатты пырақтардың бейнесі, сондай-ақ  «Қазақстан» деген жазу – алтын түстес.)
3. Мемлекеттік Гимннің сөзінің авторларын атаңдар? (Жұмекен Нәжімеденов, Нұрсұлтан Назарбаев)

4. Қазақстан Республикасының жаңа Гимні алғаш рет қандай жиында орындалды?
(Ел президенттін ұлықтау рәсімінде)

5.Мемлекеттік Тудың ұзындығы мен енінің қатынасы қандай?(2: 1)

3 кезең: Елбасымен бірге (Әбішұлы Нұрсұлтан Назарбаевтың өмір жолынан, еңбектерінен сұрақтар қойылады. Ұпай саны -10)

І топ: “Атамекен”

1. Н.Ә.Назарбаев Қазақстан Үкіметін басқарғанда неше жаста болды? (44 жаста)

2. Нұрсұлтан Әбішұлының қандай ғылыми атағы бар? (Экономика ғылымының докторы)

3. Н. Ә. Назарбаевтың туған жылы (6 шілде 1940 жылы)

4. Н.Ә.Назарбаевтың туған жері (Алматы облысы Қаскелең ауданы )

5. Н.Назарбаев Украинаның қай қаласына барып, металлург мамандығын меңгерді?

(Днепродзержинск)

ІІ-топ: “Бәйтерек”

1. Елбасының бос уақытында айналысатын сүйікті спорт түрі (гольф)

2. Елбасы анасының есімі кім? (Әлжан )

3. Гиннестің рекордтар кітабына кірген астанадағы әсем ғимарат? («Думан» ойын -сауық орталығы)

4. Тұңғыш Президенттің ұстазы (Сейтхан Ахметұлы )

5.Нұрсұлтан Назарбаев «Құрмет белгісі» орденің қашан алды? (1972 ж.)

ІІІ топ: “Елорда”

1. Елбасы 1960 жылы қай қалада өзінің еңбек жолын металлургия комбинатында қатардағы жұмысшы болып бастады? (Теміртау )

2. Қай жылдары Қарағанды металлургия зауытында жұмыс істеді? (1960—69 жж)

3. Елбасының 2005 жылы жарық көрген Астана қаласының тарихына арналған кітабы қалай аталады? («Еуразия жүрегінде»)

4. Елбасы туралы түсірілген «Балалық шағымның аспаны» фильмінің режиссері кім? (Рүстем Әбдірашев )

5. Елбасының әжесі кім? (Мырзабала)

4кезең:Білгірлер бәйгесі

Ғылымның сырын ұғына,
Шығыңдар білім шыңына.
Жеткізер сіздердей дарынды
Жеңістің мынау шыңына- деп келесі кезең Көкпар. (Ұяшықтарды таңдау арқылы сұраққа жауап алынады Ұпай саны-10-50)

Астана - арман қала 10 20 30 40 50

Тәуелсіз Қазақстан 10 20 30 40 5

Тұлға 10 20 30 40 50

Астана- арман қала

10. Дәстүрлі діни конфессия басшыларының жиналыстары өткен Астана қаласындағы пирамида түріндегі ғимарат қалай аталады? (Бейбітшілік пен келісім сарайы)

20. Астана қай өзеннің бойында орналасқан? (Есіл өзені)

30. Ол Астананың символы.Биіктігі 97 метр? (Бәйтерек)

40. Астана сөзі қазақ тіліне парсы тілінен ауысқанда қандай мағына береді? ("киелі орын", "босаға")

50.Астана қаласы халық саны бойынша нешенші орында тұр? (2)

Тәуелсіз Қазақстан

10. Отанымыз Қазақстан Республикасының тәуелсіздігінің символына айналған Алматы қаласындағы ескерткіш қалай аталады? (Тәуелсіздік монументі)

20. Еліміздің тәуелсіздігі қашан жарияланды? (1991жылы 16желтоқсан)

30. Мемлекеттік тудың авторы кім? (Шәкен Ниязбеков)

40. «Елім менің».Бұл қай ән? Сөзі мен әнін жазған кім? (Сөзін жазған Н.Ә.Назарбаев, әнін жазған Б.Тілеуханов)

50.Латын тілінен аударғанда «алдында отыратын» деген мағына беретін саяси лауазым

(президент) Тұлға

10. Республика Президенті болып кім сайлана алады? (тумасынан Республика азаматы болып табылатын қырық жасқа толған, мемлекеттік тілді еркін меңгерген әрі Қазақстанда соңғы он бес жыл бойы тұратын Республика азаматы )

20. Елбасы басқаратын саяси партия (НұрОтан)

30.Қай елде Елбасымызға ескерткіш орнатылды? (Түркия астанасы Анкарада)

40. Оқу-білімде үлкен жетістіктерге жеткен аса талантты оқушыларға тағайындалатын президент атындағы сыйлықты атаңыз («Дарын» сыйлығы)

50. «Балалық шағымның аспаны» фильмінде Елбасының жас жігіт кезіндегі образын сомдаған әнші, актер, сазгер кім? (Нұрлан Әлімжанов)

5 кезең:Тәрбиеші: Астанада бүкіләлемдік көрме өтетінін білеміз. Ол көрменің мақсаты қандай? Оның бізге берері бар ма? Қазақстанда болып жатқан жаһандық бастамалармен, жаңалықтармен таныс болу үшін келесі кезеңіміз «ЭКСПО-ға бірге барамыз» деп аталады. Яғни, балалар ЭКСПО- дегеніміз не?, ЭКСПО-ның бізге берер пайдасы бар ма?,

ЭКС­ПО-2017-бізді қандай жаһандық жаңалықтарымен таңқалдырмақ? деген сұрақтарды үш топқа беремін. Осы сұрақтар бойынша жауап бересіздер.

ЭКСПО- дегеніміз не? бұл сұраққа «Атамекен»тобы жауап береді.

ЭКСПО-ның бізге берер пайдасы бар ма? бұл сұраққа «Бәйтерек» тобы жауап береді.

ЭКС­ПО -бізді қандай жаһандық жаңалықтарымен таңқалдырмақ? деген сұраққа «Елорда» тобы жауап береді. (Ұпай саны-50-70)

6 кезең: Алтын сандық (әр қақпаның астында тарихта елеулі ізі бар кемеңгерлер жасырылған, сол кемеңгерлерді тауып, сипаттама береді. Ұпай саны-10-30)

7 кезең: «Тарихи криптограмма» (Бұл криптограмманы шешкенде туған жер, отан туралы төрт шумақ өлең оқуға болады Ұпай саны-10-30)

І топ: “Атамекен”

Құтты болсын тәуелсіздік мерекесі,
Мықты болсын елімнің керегесі.
Татту-тәтті боп халқымыз әрқашан,
Кетпесін туған жердің берекесі.

ІІ топ: “Бәйтерек”

Бақытым - Республикам Қазақстан,
Көгінде ақ көгершін, қаздар ұшқан.
Саған жетпес құшағы әлемнің де,
Қыс болса, бір шетінде жаз ауысқан.

ІІІ топ: “Елорда”

Қазақпын, еңселі елмін егеменді,
Кеңейттім кең әлемге керегемді.
Мұхиттың ар жағында жатқан жұрттар
Таныды тепе - тең деп тереземді. Әділқазылар қай топтың жеңіске жеткенін айтып, құттықтау қағазын ұсынады.

Тәрбиеші: Еліміз өз тәуелсіздігін алғанына небәрі 25 жыл болса да, үлкен асулардан өтті деп айта аламын. Елбасымыз Нұрсұлтан Назарбаев айтып өткендей әр адам өз туған жерінің, өз елінің өркендеуіне ат салысуы қажет. Сонда біздің еліміз одан әрі дамып, өзге алпауыт елдермен иық теңестіре алады. Біз биыл мерекелі тойын атап отырған елімізді мақтан тұтуымыз керек және оның дамуына өз үлесімізді қосамыз деген үміттемін. Бүгінгі сабағымызды қорытындылау мақсатыңда барлығымыз Тәуелсіздігіміздің 25 жылына арнап, 25 түрлі тілек айтайық.

Е.Әуелбеков атындағы дарынды балаларға арналған № 4 облыстық мектеп - интернатында9 «б» сыныбы аясында өткізілген Жаһандық бастамалар атты сайыс сабағының

ХАТТАМАСЫ

Қатысуға тиісті: 21

Қатысқаны:21

Күн тәртібінде:

Күн тәртібінде бірнеше мәселе бойынша тәрбиеші Қабат Жайна сөз алды. Оқушыларға сабақтың тақырыбы мен мақсатын таныстырып өтті.

Сабақтың мақсаты: Еліміздің тәуелсіздігін атап өту қарсаңында ел тарихына шолу жасау. Тәуелсіз еліміздің жетістіктерімен таныстырып, білгендерін тереңдету. Сайыскерлердің ойлау, сөйлеу дағдыларын дамыту, өз ойын жеткізе білуге, ізденуге талпындыру. Аспанымызда көк туымыздың желбірегенін көріп, еркін тыныстайтын біздің еліміздің жастары тек білімге құмар. Қыран бүркіт асқар таудың шыңынан кең далаға қарай қанат қақса, біздің елдің жасұрпақ азаматтары биік шыңдарды бағындырып, асқақ армандарға аяқ басуда. Сынып тәрбиешісі Алиева Айнұрсөз алып, сайысқа қатысатын 8-сыныптардан құралған сайыскерлерді ортаға шақырып, сайыстың кезеңдерімен таныстырды.

1. Таныстыру (топтың аты, ұраны, эмблемасы, Ұпай саны-10-30)

2.Капитандар жекпе-жегі (капитан командаларына Мемлекеттік Рәміздер туралы сұрақтар беріледі, сұрақтарға жауап беру арқылы топқа ұпай жинайды. Ұпай саны- 50-70)

3.Елбасымен бірге (Әбішұлы Нұрсұлтан Назарбаевтың өмір жолынан, еңбектерінен сұрақтар қойылады. Ұпай саны -10)

4.Білгірлер бәйгесі (Ұяшықтарды таңдау арқылы сұраққа жауап алынады Ұпай саны-10-50)

5.ЭКСПО-ға бірге барамыз

6.«Алтын сандық» (әр қақпаның астында тарихта елеулі ізі бар кемеңгерлер жасырылған, сол кемеңгерлергді тауып,сипаттама береді Ұпай саны-10-30)

7.«Тарихи криптограмма» (Бұл криптограмманы шешкенде туған жер, отан туралы төрт шумақ өлең оқуға болады)

Бірінші кезең бойынша 8- сыныптан құралған «Атамекен», «Бәйтерек»,«Елорда» топтары өз топтарымен, ұрандарымен таныстырды.«Байтерек» тобының ұрандары мен эмблемалары өте жақсы болды. Екінші кезең бойынша капитан командаларына Мемлекеттік Рәміздер туралы сұрақтар қойылды. Сұрақтарға толық жауап берген «Атамекен» тобының топ басшысы 70 ұпайды жинады. Үшінші кезең бойынша Елбасымыз Нұрсұлтан Назарбаевтыңөмір жолынан, еңбектерінен ұяшықтар арқылы сұрақтар қойылады. Ең көп ұпай жинаған «Атамекен» тобы болды. Төртінші кезең бойынша сайыскерлерге тәуелсіздігіміз туралы, тұлғалар туралы сұрақтар берілді. Сұрақтар ұяшықтар арқылы берілді. Сайыскерлер өздері таңдаған ұяшықтарды ашып, берілген сұрақтарға жауап беріп, ұпай санын топтарына жинап отырды. Бесінші кезең бойынша оқушылар алдын-ала берілген тапсырмаларды көрсетті. Экспо-ға бірге барамыз тақырыбы бойынша берілген сұрақтарға ізденіп жақсы жауап берді. Соның ішінде «Елорда» тобыЭКС­ПО -бізді қандай жаһандық жаңалықтарымен таңқалдырмақ? деген сұраққа өлең шумақтарымен әдемі жауап берді.алтыншы кезең бойынша әр қақпаның астында тарихта елеулі ізі бар қаланың әкімдері, Қазақстан спортшылары, қазақтың тұлғаларыжасырылған. сайыскерлер өздері таңдаған ұяшықтарын таңдап берілген суреттердің кім екенін тауып, сипаттама беріп өтті. Бұл кезеңде жақсы көзне түскен «Атамекен» тобы болды. Жетінші кезең бойынша оқушыларға өлең шумақтарының қиындыларын берді. Сайыскерлер сол шумақтарды тез құрастырып, өлең шумағын шығару керек. Бұл кезеңде «Атамекен» тобы тез тауып, Тәуелсіздікке байланысты әдемі өлең шумағын оқып берді. Сынып тәрбиешісі Алиева Айнұр сөз алып, әділқазыларға сөз берді. 10 «ә» сынып тәрбиешісі Жаныс Индира сөз алып, жеңіске жеткен топты айтып, қалған екі топтың жақсы қатысып, өз білімдерімен көзге түскен оқушыларды атап өотті. Жеңіске жеткен «Атамекен» тобы болды. Сынып тәрбиешісі Алиева Айнұр сөз алып, сабақты қорытындылау мақсатыңда оқушыларғаТәуелсіздігіміздің 25 жылына арнап, 25 түрлі тілек айтқызды.

Хатшы: Д.Ағайдар