Журналистикаға барар жол

Журналистикаға барар жол!

Жайдарлы, жарқын балалық шақтың дәмін таза ауа, самал желді ауылдың қойнында өткізген бала Ақботаның арманы үлкен теледидар көзінен көрініп, жалпақ жұртқа танымал журналист болу еді. Отбасымен шүйіркелесіп кешкі шайды ішіп, марқайып отырғанда үнемі теледидарда кешкі жаңалықтар легі қосулы болатын. Күнде осы бейнені тамашалап өскен Ақбота, менде дәл осы журналист әпкелерім секілді жаңалық тізгінін жүргіземін деген арманы пайда болды.

Есейе келе бала арман үлкен мақсатқа айналды. Журналистика жолына ерте жастан бет бұрып, 5-ші сыныптан бастап өлең шығарып, Абай атамыздың қара сөздері, өлеңдерін жаттап, ақын-жазушылардың өлеңдерін, шығармаларын жанына серік етті. Кітап оқуды күнделікті әдетіне кіргізді. Осылай көп жазушының кітабін оқып, олардың қалай жазатынын, қандай сөздер қолданатынын біліп, бақылап, сүзгіден өткізіп отырды. Кітап дегенде ішкен асын жерге қоятын Ақбота өзінің жеке авторлық кітабін шығаруды да ұйғарды. Бұл шешімге 11-ші сынып оқып жүрген кезінде бет бұрды. Солай, бірден ойындағы өлеңдерін, мақалаларын бір кітаптің бетіне түсіріп, журналистикаға деген алғашқы нақты қадамдарын басты. Осылайша, бірден ақпанның 28-і “Жүрек сыры” атты кітап шығып, ресми түрде мамырдың 3-і жарық көрді. Бұл жәй ғана журналист болсам деген бала Ақботаның кішкентай арманынан туған жеміс те шығар. Қарапайым оқушы Ақбота үшін бұл-үлкен жетістік еді.

“Журналист болам” деген арманының артынан қуып үлкен қала Алматыға жол тартып, журналистиканың қара шаңырағы Қазақ Ұлттық университетіне аяқ басады. Университетке алғаш келген сәтінен бастап, нағыз журналистика жолы басталғанын түсінеді. Арманы мен мақсаты бір группаластарымен де білімі мен даналығы үйлескен ұстаздар мен де танысады. Ақботаның бала арманына апаратын жол, осы қара шаңырақта басталатынына шексіз қуанышты болды. Алға қойған арман, мақсат өте көп. Бұл бастамасы ғана. Жалғасы бар…