Кеңістікте бағдарлау. Шабуылдағы дербес тактикалық әрекетпен таныстыру

№

Сабақтың мазмұны

Мөлшерлеу

Ұйымдастырушы-әдістемелік нұсқаулар

Дайындық бөлімі 6 минут

1.

Сапқа тұрғызу. Сабақ міндеттерін нақтылау.

2.

Қыздырыну, бір орында және қозғалыста орындалатын жалпы дамыту жаттығулары

6

мин.

Негізгі бөлім 32 минут

3.

ПАС БЕРІЛУЛЕР МЕН АШЫЛУЛАР

8 мин.

Міндеті: допқа ашылуды үйрету.

Мазмұны: тікбұрышқа арақашықтығы бір-бірінен 3-5 м болатын конустар қойылады. Оқушылар алаңда еркін қозғалып, бір-біріне пас береді. Олардың міндеттері – доп конустардың аралығынан өтетіндей болып бос орынға ашылу.

Тапсырманы орындауға қойылатын талаптар: допты қозғалыс кезінде қабылдау; пасты екі аяқпен кезек беру; ойын жағдайын аңғару үшін басты көтеріп жүру; пас берілетін жолдың ашық болуын қадағалау.

4.

ДОПҚА АШЫЛУ

10 мин.

Міндеті: тура бағытта ашылып шабуылдаудың дербес тактикалық әрекеттерімен таныстыру.

Мазмұны: оқушы тура бағытта жүгіре шыққан ойыншысына пас беру мақсатында конустарға жақтағы кеңістікке, диагональ бойынша допты бағыттайды. Ойыншының міндеті – жүгіріп келе жатып допты қабылдап, аяғының ішкі жағымен қақпаға соққы жасау.

Тапсырманы орындауға қойылатын талаптар: ойыншы бос орынға ашылғанға дейін алдау әрекетін орындайды, пас 8-10 м жерден беріледі, қақпаға соққы 5-7 м қашықтықтан орындалады, соққы оң және сол аяқпен орындалады.

5.

4×4 + қақпашылар

ФУТБОЛ ОЙЫНЫ

14 мин.

Міндеті: ойын техникасының дағдысын бекіту. Футболшылардың ойын кезінде жан-жақтарын (кеңістікті) бағдарлай білу біліктіліктерімен таныстыру.

Мазмұны: көлемі 20×20 м болатын алаңда (20×40 м алаңының жартысы) аз құраммен ойнау.

Қақпаның көлемі 1×1,5 м.

Тапсырмаға қойылатын талаптар: допты қабылдаған соң, оны бірден теппей, техникалық тәсіл жасау керек: доппен «адымдап» қозғалу, доппен бұрылып, ойыншы жоқ аумаққа ауысу, жақсы көңіл-күйді сақтай білу, ойыннан ләззат алу.

Қорытынды бөлім 2 минут

6.

Жеңіл жүгіріс, жүру. Иілгіштікті дамыту.

2 мин.