«Кіші буыннан да үлгі алуымыз керек!» – "Бөбек" орталығындағы

патриоттық парад

Алматы қаласындағы «Бөбек» оқу-сауықтыру кешені – мейірім мен жылулыққа толы орда. Мұнда еліміздің әр өңірінен, экологиялық жағдайы қолайсыз аймақтардан келген, көпбалалы және аз қамтылған отбасылардың балалары 22 күн бойы денсаулықтарын нығайтып, жан-жақты дамуға мүмкіндік алады.

Таяуда ғана осы киелі шаңырақта тәрбиелік мәні терең, жүрекке жылу ұялатар ерекше шара өтті. 3-сынып оқушылары қатысқан патриоттық парад – кішкентай жүректердің үлкен сүйіспеншілігін, Отанға деген кіршіксіз құрметін паш еткен тамаша көрініс болды. Ақ жейде мен қара шалбар киген, көк түсті белгілер таққан балғын балалар әскери үлгідегі бас киімдерін киіп, сап түзеп, құрмет көрсету сәтінде зор жауапкершілікпен әрекет етті.

Балалар көзінде мақтаныш, бойында тәртіп пен тектілік, жүрегінде Отанға деген шексіз сүйіспеншілік сезілді. Әр қимылы мен қадамы – ел болашағының жарқын боларына сендіргендей. Кішкентай болса да, үлкен рух пен биік сана көрсеткен бүлдіршіндер – елдің үміті, болашақтың тірегі.

«Бөбек» орталығы осындай рухани, тәрбиелік маңызы зор шаралар арқылы жас ұрпақтың жүрегіне патриотизм мен адамгершіліктің дәнін егіп келеді. Бұл – бір күндік іс-шара емес, болашаққа бастар тағылымды жол.

Осы кішкентай оқушылар секілді сендер де – еліміздің ертеңісіңдер! Отанды сүю, тәртіпті болу, бірлік пен ынтымақты сақтау – әрбір баланың жүрегінде жатталуы тиіс қасиет. Ендеше, кішкентай жүректе ұялаған үлкен сенімді ақтай білейік!

Мәуліт Аружан,

Алматы қаласы,Әуезов ауданы

№13 мектеп-гимназиясының

10-сынып оқушысы