Білім кілті – кітапта « Артық ғылым кітапта, Ерінбе оқып көруге» ( Абай) Кітап – бүкіл білім мен ғылымның қайнар көзі, сарқылмас бұлағы. Қазіргі білімді ,ой-өрісі кең, көзі ашық сауатты оқырман кітаптан өзіне қажетті рухани нәрін алады. Көптің ойын байытып, білімін молайтып, оқу нәрімен сусындатар рухани орда – кітапхана деп түсінуге тиіспіз. Кітапхана – кітап арқылы жеке адамның жан – жақты білім алып, саяси санасын қалыптастырып, ғылыми, кәсіби, мәдени дәрежесінің дамуына әсер ететін бірден –бір рухани орын. Кітапханашы оқырманның талап – тілектерін қанағаттандырып, оқумен тәрбиелеп, қажет болған жағдайда тиімді шешімдерді үйретуге тиіс. Оқушының ойлау қабілетін қалай дамытуға болады? Оқушылардың білімге қызығушылығын оятуға не әсер етеді? Осы сияқты сұрақтардың шешімін табуда тек педагогтар ғана емес, кітапханашылардың да қосар үлесі мол.Кітапханашы – көп салалы еңбек адамы. Кітапханашы оқырманды жылы жүзбен қарсы алып,жақсы ілтипат көрсетуі тиіс. Біздің мектебіміздің кітапханасы – жас ұрпаққа тәлім – тәрбие берумен қатар, рухани жан – дүниесін байытып, толықтырып отыратын орын. Ал кітапханашымыз Ибрагимова Фатима апай оқушылармен тығыз байланыста болып, олардың кітап оқуға деген қызығушылығын арттыру мақсатында сынып жетекшілерімен, пән мұғалімдерімен бірігіп, түрлі іс – шаралар өткізіп тұрады. Оқушылар кітапханаға қажетті кітабын тауып оқитындығына сеніммен келеді. Мектебімізде әр мерекеге байланысты іс- шаралар кітапханада да өткізіледі. Бұл іс- шаралар оқушылардың кітапты қызығып оқуына айтарлықтай септігін тигізе алады.Кітап оқу көп уақытты алады деген түсініктен аулақ болуымыз керек. Кітап қашан да жан азығы,тәрбиенің қайнар көзі.Кітапты оқыған кезде сол кітаптағы кейіпкерлермен бірге күн кешіп жүргендей сезінесің. Кітаптағы кейіпкермен бірге қуанып, бірге мұңаясың. Бұл бір ғажап сезім емес пе?! Сол кейіпкермен бірге өзіңді тәрбиелеп, түзей аласың. Кітаптың әрбір бетінің исі сен үшін қымбат болып қалары сөзсіз. « Наданмен қас болғанша, Кітаппен дос бол » , — деген Баусттың сөзіне ден қойсақ, ақыл мен білімнің бастауы – кітапта екенін ұғамыз. Кітаптың әлемдік өркениетте үлесі шексіз. Қазіргі кезде ғаламтор, теледидар, радио, т.б.түрлі ақпарат құралдары кітаптарды ығыстырып бара жатқандай әсер қалдырады. Алайда кітапты ешқандай жаңа технология ығыстыра алмайды, өйткені адамның жан дүниесін, армандарын,сезімдері мен психологиясын кітаптай ешнәрсе жеткізбейтіні анық. Сондықтан кітап әрқашан басты рухани байлығымыз болып қала бермек.
ҚР Білім және Ғылым министірлігінің стандартымен жасалған
08 Желтоқсан 2018
442
0 рет жүктелген
