Алматы облысы Еңбекшіқазақ ауданы Малыбай ауылы Малыбай орта мектебі Султаниязова Гульмира Кулпыбаевна Қазақ тілі мен қазақ әдебиеті пәні мұғаліміКөнерген сөздерСабақтың тақырыбы: Көнерген сөздерСабақтың мақсаты:Білімділік: көнерген сөздер туралы оқушыларға ізденте отырып, көнерген сөздердің мағынасын ашуға, сөйлем ішінде тура, ауыспалы мағынасында қолдана білуге үйрету, көнерген сөздер түрлерін меңгерту.Дамытушылық: сөз мағынасын ашу, суреттер бойынша сөз атауларын табу, өз бетінше іздену арқылы оқушылар ойын дамытып, тілдік танымын, қызығушылығын арттыру.Тәрбиелік: ана тілін сүюге, сөздік қордың мол мұрасын еркін пайдалануға баулу, ұлттық дәстүрден нәр алып, халық азаматы болуға тәрбиелеу.Сабақтың көрнекілігі; интерактивті тақта, ойынды жүргізуге арналған анимациялық суреттер, дыбысты жауаптар Сабақтың түрі: «Алтын орда» интерактивті ойын сабағыСабақтың әдістері: түсіндіру, ойын түріндегі ауызша тапсырмалар, сурет бойынша жұмыс, жазбаша жаттығулар, ауызша әңгімелеу, сұрақ - жауапСабақтың болжамды нәтижесі: көнерген сөздерді мағынасына қарай талдап аша алатын, көнерген сөз түрлері жайлы тілдік дағдысы бар, сауатты тұлға қалыптастыруҰйымдастыруОқушылардың назарын сабаққа аудару/ Біз бүгін тас түйін жиналып, сарбаздарша нық әрекеттермен «Алтын ордаға» барамыз.- Кім біледі, «Алтын орда» деген не?(тарихпен байланыс)Үй тапсырмасын тексеру- Дұрыс, ендеше, сапарға жиналуымыз үшін үйде қалатындарға үй тапсырмасын орындап береміз.Бірдей сөздерден әр түрлі сөйлем шығу себебі неде? (ой мен қосымшаның жалғануында)Жаңа сабаққаКіріспе- Дұрыс айтасыңдар, балалар. Міне, біз енді өткенге көз салып, алға жылжуға дайынбыз. Ендеше, «Алтын орда» сапарына кеттік.Бүгінгі сабағымыздың тақырыбы: Көнерген сөздер Тас қақпа- Міне, алдымыздан тас қақпа көрінді, балалар. Сендердің «Алтын ордаға» барар жолдарыңда аяулы аталарың, балалар ақыны - М. Әлімбаев ақ жол тілеп, сауалдар беріпті. Жауап беріп байқайық, бұл сөздерді ата - әжеден сұрап келу тапсырылған.(ата - анамен байланыс, іздену)Тұқылдық (сиыр мүйізі)Мұрақ (хандар қалпағы)Наруан (түйе жүнінен тоқылған кілем)Созақ (садақтың адырнасы)Ғалисан (өнерлі, сегіз қырлы, бір сырлы жігіт)Баран (қара түс)Пыран (батырдың сауыты)Сұмқұла (арам шөп)Сәру (шынар тұқымдас ағаш)-Шоқпар, соқа, сойыл, найза, айбалта, күрзі, қорамса, кіреуке, малта, ояз, зындан, күң, кұл, әмеңгер, болыс, жүзбасы, сарбаз, дуан, пері, періште, ысқат, азан, барымта, дабыл сөздерінің мағынасын табайық.(Оқушылар ұялы телефон арқылы сөздерге мағлұмат береді)Қорытынды: үй тапсырмасына оқушылар ата-аналарының көмегімен көнерген сөздер жазып,олардың мән-мағынасын түсіндіреді.
ҚР Білім және Ғылым министірлігінің стандартымен жасалған
04 Ақпан 2019
1538
0 рет жүктелген
