«Көрнекі» жобасы

Халықаралық «Қазақ тілі» қоғамы кәсіпкерлік нысандарға Қазақстан Республикасының Тіл туралы заңнамасының 21-бабының талаптарына сәйкес орналастыру және мәтіннің теңтүпнұсқалы аудармасы жөнінде әдістемелік көмек көрсетуге бағытталған «Көрнекі» жобасын жүзеге асыруда. «Көрнекі» жобасы банерлер, маңдайшалар, жарнама, ас мәзірі, баға көрсеткіштері секілді қоғамдық-саяси және әлеуметтік-экономикалық салаларға әсер ететін маңызды құралдардың аудармасының болуын бақылайды. Жоба аясында еріктілердің көмегімен көрнекті орындардағы тұтыну ақпараттары бойынша заң бұзу фактілеріне қатысты фотофиксация жасалынады. Келесі кезекте бұл фактілер ескеріліп, қажет жағдайда кәсіпкерлік нысандардың ақпараттық мәтіндері ақысыз түрде түзетіліп, қазақ тіліне аударылып, құқық жағынан ақпарат беріледі. Егер де заңнаманы орындамау қасақана түрде орын алған болса, тұтынушылар тиісті сот органдарына жүгінуге құқылы. Бірақ, мәселенің ушықтармай шешуді қолға алынып, сотқа жеткізбей кәсіпкерлерге залал келтірмеу қарастырылып отыр.

Әлеуметтік желіні қолдану арқылы «Kornekiproject» инстаграм парақшасы жасақталды, жобаны таныстыру мен заң талаптары түсіндіріліп тұрақты түрде посттар жарияланады.

[1].

Қала тұрғындары Google сауалнаманы толтырып немесе telegram-бот электрондық платформасы арқылы заң талаптарына қайшы келетін нысан туралы ақпарат хабарлай алады. Жобаны жүзеге асыруда ең әуелі жастар тарапы қарастырылды. Соның нәтижесінде іріктеу арқылы еріктілер таңдалынды. Жобаның мақсаты – еліміздегі көрнекі ақпараттың сапасы мен санын жетілдіру, сонымен қатар кәсіпкерлермен ұрыс тудырмай, барлық әрекет заң аясында жүзеге асыруды қадағалау болып табылады.

Пайдаланға әдебиеттер тізімі:

1. https://www.instagram.com/p/CggMX5ZqLiY/?igshid=MzRlODBiNWFlZA==