"Көшбасшы" мақала

"Қостанай қаласы әкімдігінің

білім бөлімінің №16 орта мектебі"ММ

қазақ тілі мен әдебитеі пәні мұғалімі

Мақсұт Әсел Ахметханқызы

Көкірегімнің үміті мен тілегі
Күй боп түлеп, күн боп шығып күледі.
Күн астында көк төбелер түледі —
Менің елім, менің елім — гүл елі!

Көсбасшы өмірбаяны – ел тарихы

Еркін елде өскен ұрпақтың рухы әрдайым биік болуы тиіс. Жастары жалын жүректі, өршіл намысты, биік рухты болса – ол елдің еңсесі де биік болады. Өршіл, намысшыл, отаншыл, болып келетін жастар, халқына, өз ұлтына адал қызмет етуге ұмтылады.

Осы апта басында оқушылар арасында "Көшбасшы өмірбаяны-ел тарихы" атты дөңгелек үстел өткіздім. Осы жұмысмның мақсаты елбасымыздың осы күнге дейінгі өткен жолдарымен таныстыру және еліміздің қазіргі таңда әлемдік картада алатын орны туралы сипаттап, баяндау болды. Отырыста ұлтымыздың кемеңгер данышпанына айналған саясатшыл, дарынды басшы ,өзінің халқына ұсынатын бағдарламалары бар Нұрсұлтан Әбішұлы Назарбаев туралы бар білгенімізді ортаға салдық.Президент біз үшін ұлы тұлға. Біз Елбасымен мақтана аламыз.Мақтай да аламыз. Оның осы аз уақытта білім саласында, денсаулық саласында және жан-жақты әлеуметтік салада атқарып жатқан істері орасан зор. Қазіргі жас түлектердің білім алу саласында үлкен мүмкіндіктері мен таңдаулары бар. Оны оқушылар мектеп қабырғасында сезініп те жүр. "Рухы биік,еңбегі ерен, бірлігі мығым Мәңгілік Ел болу үшін бізде бәрі бар.Тәуелсіздіктің туын желбіретіп,тұғырын нығайтқан біздің тарих алдында жүзіміз жарқын!Біздің тірегіміз-тәуелсіздік,тілегіміз-тұрақтылық,білегіміз-бірлік! Мен халқыма сенемін"-деген елбасының сөзі ешкімді де жігерлептей қоймасы анық. 

Еліміздің тәуелсіздігі мәңгі болып, қазақ елі көк аспанында қыраны самғап, еркін күн кешіп,татулық пен тұрақтылықты ту етіп келеді. Осындай тәуелсіз, дамыған елде, мықты көшбасшысы бар ұрпақтың арманы болмас. Еркін елде өскен ұрпақтың рухы әрдайым биік болады. Жастары жалын жүректі, өршіл намысты, биік рухты болса – ол елдің еңсесі де биік болады деп ойлаймын. Қазіргі жастар өршіл, намысшыл, отаншыл, халқына, өз ұлтына адал қызмет етуге ұмтылуда. Біз 1991 жылдың 16 желтоқсанында алаңға шығып күрескен қыз-жігіттердің қайратын, отаншылдығын, ұлтшылдығын ұмытқан жоқпыз. Ұмытпаймыз да. Осындай тамыры тереңге жайылған елдің ұрпағы болу, біз үшін мақтаныш. Қазіргі таңда біздің еліміздің абыройы артып, ұлы державалы елдердің атауларымен қатар аталуы, көшбасшымыздың арқасы.