№63 «Әсем - Ай» балабақшасы «Алпамыс» ,

«Ақбұлақ» шағын орталығы

Тәрбиеші : Баишева Алтынай Максутхановна

«Күз жомарт» атты ертеңгілік

мектепалды тобы

Балалар залға «ырғақты»биімен жұптасып кіреді.Орын-орындарына отырады.

Тырна көкте тыраулап,

Қош-қош айтты,

«Кеттім»-деп

Шөптің басы қыраулап,

Күзде келіп «жеттім»деп.

Құрметті ата-аналар,балалар күз мерекесіне арналған «Күз жомарт» атты ертеңгілігімізге «Қош келдіңіздер».

Ал енді қонақтар бүлдіршіндеріміздің дайындаған өлең шумақтарын тыңдайық.

Ортаға: 1. Тапталады табанға

Судыр- судыр жапырақ

Өрттей сары бояуға

Малынғандай адырап.

2.Күзде жауын бұлт тұман

Сары жапырақ жауыды

Сары құйын ұйытқан

Сапырады ауаны

3. Қайтқан құсты көрдің бе?

Қаптай ұшқан әуелеп

Күткен жүзім келдіңбе?

Сыңсып бағың мәуелеп

4. Қамба толыды астыққа

Алғыс саған, алтын күз!

Бір уыс дән шаттық та

Қап-қап қауын алдық біз

5. Құстар қайтып ән салып

Бұлт шарлады аспанды

Қыс келді деп жар салып

Күзгі суық басталды.

рахмет орындарыңа отыра қойыңдар.

Тәрбиеші:Балалар енді мен сендерге жұмбақ жасырайын,ал сендер шешуін тауып көріңдер

Өрік,алма,шие,алша

Жидек,жүзім піседі.

Қауын-қарбыз,қияр,сәбіз,

Дүкендерге түседі.

Астық пісіп,орақ түсіп,

Қырман дәнге толады.

Балаларым айтыңдаршы,

Бұл қай кезде болады? (Күзде)

- Дұрыс айтасыңдар балалар,күзде ауа-райы қандай болады?Жапырақтың түсі қандай болады?Адамдар қалай киінеді?

Музыка ойналады:осы кезде есік қағылып күз ханшайымы мен қоян кіреді. -Саламатсыз ба күз ханшайымы,қоян!Мерекемізге қош келдіңіздер!

Күз ханшайымы: - Мен осында өнерлі балалар бар деп естідім.Сендердің тапқырлықтарыңды байқайын. Мені мұқият тыңдаңдар!

Көтеріліп теңізден

Аспанға биік барамын

Биіктен қайта түскенде

Өңі кірер даланың (Жаңбыр)

Ағайынды бәрі

Шықса жасыл

Түссе сары (жапырақ)

- Ой жарайсыңдар балалар!Сендер өте тапқыр балалар екенсіңдер !

Тәрбиеші:Күз ханшайымы біздің балалар өте өнерлі,енді «Алтын күз»әнін шырқаймыз.Шеңберде барлығы бірге айтады.

Қоян:Мен қысқы азығымды жинап бітірер емеспін,сендер маған көмектесесіңдер ме?

Хормен: Я Қоян. Олай болса «Кім жылдам»ойынын ойнаймыз . Менде екі шелек біріне қызыл түсті,екіншісіне сары түсті сәбізді жинау.

Тәрбиеші :Шалқытып мерекеге ән салайық

Өнерпаз өрендерге тамсанайық

Мәнерлеп тақпақ айтып берсің бізге

Ортаға балаларды шақырайық

1. Берекесін сыйлауға

Өлкемізге күз келді

Жемістерді жинауға

Шақырады біздерді

Тәрбиеші:Естимісіңдер біреулер дауласып жатқан сияқты.Бұлар көкөністер екен ғой,өз арасында айтысып жатқан.Пияз,сәбіз,қызанақ,қияр, картоп.

Пияз:

Боламын мен дәмдеуіш

Барлық-барлық тағамға

Көкіністер ішінен

Мен пайдалы адамға

Қызанақ:

Тал шыбығым бұралып

Бақшаларда қызарып

Тұрған ол мен-қызанақ

Күнге қарап ұялып

Сәбіз:

Кім бар сәбіз шырының

Жастайынан ішпеген

Мені жеген адамдар

Кем болмайды күшке де

Қияр: «Бәдірін же,-дейді,-бәдірін»,

Бәдірін деген досымның

Әкелген қияры бағынан

Бұл да бізге таныс дәме

Баяғыдан бағыдан

Бәдіріңді сағынам

Картоп:

Мен картоппын,картоппын

Жер жүзінде мен көппін

Тамаққа көп қолдансаң

Пайдамды сонда білерсің.

Қызылша:

Тоқта, тоқта

Ақ түсім бар қант алар

Қызыл түсім қанға- нәр

Зияным жоқ біліп қой

Қызылшамын пайдам бар

Қоян: - Балалар күзде жапырақтар алуан түске енеді.Менің қолымдағы жапырақтардың түсін айтыңдаршы?қызыл,сары,жасыл.Ортаға үш қыз, үш ұл келсін,осы жапырақтарды араластырып жерге төгемін.Үш қыз тұрады жапырақтарды қыздардың айналасына орналастырамыз.

Тәрбиеші: - Менің әсем бүлдіршіндерім шеттерінен өнерлі.Ортада топпен орындайтын биіміз «Жаңбыр»биін тамашалаймыз.

Тәрбиеші: - Біздің қонаққа жеміс - жидектер де өз

өнерлерін алып келіпті.

Алма: Нарттай қызыл алмам бар

Мәз болады қалғандар

Жазда әдемі киінем

Тілді балдай үйірем

Шие: Тіл үйірген шырыным

Жемістердің бірімін

Мен маржандай ішемін

Ұнатамын күн нұрын

Өрік: Көктемде ерте гүлдеймін

Кешігуді білмеймін

Піспей тұрған кезімде

«Менен аулақ жүр деймін»

Уылжыған өрікпін

Мен бау-баққа көрікпін

Алмұрт: Бақ ішінде алмалар

Бар жемісін бағалар

Көрген адам таңданар

Көздің жауын алады

Жүзім: Мен жүзіммін,жүзіммін

Моншақ болып тізілдім

Тәрбиеші: - Рахмет керемет тамаша қандай дәмді жемістер.Жемістер тізбектеліп би қимылдарымен орындарына барады.

Тәрбиеші: Ән «Күз жомарт»

Күз ханшайымы: - Рахмет сендерге балалар.Менің сендерге сыйлар сыйлығымды қабыл алыңдар.

Тәрбиеші: - Бүгінгі күз мезгіліне арналған ертеңгілігіміз осымен аяқталды!

Амандықпен жүздескенше, аман сау болыңыздар!