"Күз кереметтері"

«Күз кереметтері»

Арайланып алтын күзде келіп жетті. Дала құдды бір сары көрпе жамылып алған секілді. Айнала сары, қызғылт түсті жапыраққа толы. Күз мезгілі молшылықтың, байлықтың, береке мен мерекенің, қуаныш пен шаттықтың мезгілі. Күз мезгілі - адамзат баласын күйбең тірлікке жетелейтін, жанға жайлы жаймашуақ мезгіл. Осындай жаймашуақ мезгілде білім ордаларында оқушыларға арналған «Алтын күз» мерекесі жыл сайын аталып өтіледі. Арасан ауылы Барлыбек Сырттанов атындағы мектебінде педагог ұйымдастырушы Г.С.Байатаеваның бастамасымен «Күз кереметтері» атты салтанатты іс-шара жоғарғы деңгейде аталып өтті. Биылғы 2018-2019 оқу жылындағы бұл іс – шараның хабарландыру бағдарламасы, сахнаның безендірілуі, іс- шараның кезеңдері, жүргізушілердің киім үлгісі, оқушылардың сахнадағы жүріс-тұрысы, Гүлім Серікмұратқызының асқан шеберлігімен, талғампаздығымен, дайындаған керемет идеясы қатысушылар мен көрермендердің таңдайын қақтырды.

Аталған іс-шараға 5, 6, 7 сыныптар қатысып, өз өнерлерін ортаға салды. Іс-шара 4 кезең бойынша өткізілді. 1 кезең; «Таныстыру». Яғни, әр топ өздерін әнге қосып таныстырса, 2 кезең; «Күзгі вальс». Бұл кезең бойынша әр топ мың бұрала күздің әсем әуеніне асқан шеберлікпен биледі. 3 кезең; «Үй тапсырмасы». Бұл кезеңде қатысушылар экибана мен күзгі композицияларын әділ-қазы мүшелеріне таныстырып, өз шеберліктерін жоғарғы деңгейде көрсете білді. 4 кезең; «Алтын шашқан күз сыйы». Бұл кезеңде атында аталғандай күздің әсем көріністерін көрермендерге асқан шеберлікпен, үйлесімділікпен паш етті. Байқау қорытындысы бойынша 4 кезең бойынша сынып жетекшісі Кенже Саутбекқызының асқан талғампаздығымен, ой ұшқырының биіктігімен, белсенділігімен, демеушілігімен өз өнерлерін жоғарғы деңгейде көрсете білген 6 сынып оқушылары бас жүлдеге ие болды. І орынды 5 «ә» сынып оқушылары иеленсе, 5 «а» сынып оқушылары ІІ орынға, 7 сынып оқушылар ІІІ орынға ие болды. Іс-шараның жоғарғы деңгейде аталып өткеніне көрермендер риза болып тарқасты.

Ақсубаева Раушан

Б. Сырттанов атында орта мектебі

«Бекітемін» «Келісемін» Қаралды Мектеп директоры оқу ісі жөніндегі орынбасары ӘБ жетекшісі

___________________ ___________________________ _____________________

«____» _________ 2018 жыл «____» _________2018 жыл хаттама №1________2018 жыл

ҚАЗАҚ ТІЛІ МЕН ҚАЗАҚ ӘДЕБИЕТІ ПӘНДЕРІНЕН

КҮНТІЗБЕЛІК – ТАҚЫРЫПТЫҚ

ЖОСПАРЛАУ

2018-2019 ОҚУ ЖЫЛЫ

Сыныптар: 6, 8 «ә»

Облыс, аудан, ауыл: Алматы облысы

Ақсу ауданы, Арасан ауылы