«Құрық балалар өнер мектебі» ЖБҚ МКҚК

жанындағы «Асыл мұра» аула клубы

Ашық сабақ

Тақырыбы: « Квиллинг өнері»

Қосымша білім беру педагогы: Демесінова Гүлжайна

2023-2024 оқу жылы

«БЕКІТЕМІН»

Оқу ісінің меңгерушісі: _______А.Жақсылық «__»_____2024жыл

Педагог: Демесінова Г.Н.

Үйірме: Қолөнер

Топ: 2 топ

Болатын күні: 02.01.2024ж.

Уақыты: 15:20

Сабақтың тақырыбы: «Квиллинг өнері»

Сабақтың мақсаты: Өзге елдер өнері «квиллинг» туралы мағлұмат беру, қағазды шиыршықтау арқылы қажетті бұйымдар жасап үйрету.

Білімділік: Оқушыларға қағаздан гүл түрлерін жасау жолдарын және әдістерін үйрете отырып, шеберлік және шығармашылық деңгейі арттыру.

Дамытушылық:Оқушылардың өз бетімен жұмыс жасау дағдыларын дамыту, алған білімдерін өмірде өз бетінше қолдана білуін қадағалау, түс үйлесімін дұрыс таңдауды дамыту.

Тәрбиелік: Талғаммен жұмыс жасауға, ептілікке, ұқыптылыққа, өнерді сүюге, еңбексүйгіштікке тәрбиелеу.

Әдісі: Түсіндіру, сұрақ-жауап, жаңа техникамен жұмыс.

Көрнекілігі: Қағаздан түрлі техникамен жасалған бұйымдар, орындалу барысы көрсетілген нұсқаулар.

Қажетті құрал-жабдықтар: «квиллинг» техникасына арналған дайын қағаз, түсті қағаздар, қайшы, біз, пинцет, желім, қарындаш, өшіргіш, сызғыш, қатты қағаз.

Сабақтың жоспары:

І. Ұйымдастыру кезеңі.

II. Үй тапсырмасын тексеру.

III.Жаңа сабақ.

IV.Қорытынды.

Сабақтың жүру барысы:

І. Ұйымдастыру кезеңі. Сәлемдесу, оқушыларды түгендеу.Оқушылардың зейінін сабаққа аудару.

II. Үй тапсырмасын тексеру. Өткен сабақ бойынша өз қалауымен фетр матасынан ойыншық тігіп бітіру.Жұмысты тексеріп, кеткен қателерімен жұмыс жасау.

III. Жаңа сабақ.

Бүгінгі сабағымызда қолөнердің квиллинг деген түрімен танысып  панно жасаумен айналысамыз. Квиллинг-жұқа қағаз таспаларын шиыршықтап орай отырып, түрлі бейнелер мен бұйымдар жасау өнері. Оны жасауға арналған арнайы квиллинг қағазы да болады. Ағылшын тілінде бұл өнер «quilling»-«quill» сөзінен шығып, «құс қауырсыны» деген мағынаны білдіреді. Себебі, ертеде қағазды шиыршықтап орау мақсатында құстыңқауырсынын пайдаланған. Қағазды жіңішке әрі ұзыншалап қиып, оны шиыршықтап (спираль тәрізді), түрлі формаға келтіріп жаңа дүние жасайтын қолөнерді квиллинг деп атайды. Шиыршықталған қағаздан әдемі гүлдерден бастап, сан түрлі ою-өрнекті ғажап дүниелерді жасауға болады. Тек қиялыңызға ерік беріп, жаныңызға жақынды тани алсаңыз болғаны. Квиллингтің отаны негізінен Оңтүстік Корея саналады.Квиллингте барлық 20 элемент бар, бірақ оларды жасау принципі біреу, ораймыз, қысамыз-фантазияңызға сүйене отыра сіз әрқашанда квиллингтің жаңа элементтерін ойлап таба аласыз.

Квиллингке арнаған құралдар:

• Диаметрі бір милиметрдей болатын біз

• Қайшы, пинцет сияқты, өткір ұштары болуы қажет.Шашақтарды неғұрлым дәл қию үшін

• Желім

Орындалу барысы: Қағаз ораудың кезендері:

• Екі саусақпен қағаз жолағын ал.

• Ұшы кішкене майысуу үшін, жолақтың ұшын басқа қолдың екі саусағымен қысып, үстінен тырнақпен жүргізе отырып,соз.

• Майысқан жолақтын ұшы оп оңай бізге оралады. Тығыз ғылып бірнеше рет ора.

• Оралымның диаметрі 3-4мм жеткен кезде оны бізден алып қолмен орауға болады.

• Қағаз лента тарқатылмайтындай тығыз дискіні екі қолмен орап саусақтармен ұстап тұр.

• Жолақ оралды.

• Енді саусақтарды сәл босанқырат, спиральге кішкене ашылуға мүмкіндік беру үшін.

• Жолақтың ұшын ПВА желіммен желімде.

• Енді ораманы екісаусағымен қыс.

Нұсқау карта

Қауіпсіздік ережелерін еске түсіре отырып, бүгінгі жұмысымызды бастаймыз.

-Инені ауызға салуға болмайды!

-Қайшыны ұшымен берме!

-Қайшыны берер кезде жабық күйде бер!

-Желіммен жұмыс жасап болғаннан кейін, міндетті түрде қолыңды жуу керек!

Сергіту сәті. Оқушылардың денесін босату мақсатында ойын ұйымдастырылады.

Бекіту кезеңі.

1. Квиллинг дегеніміз не?(Жіңішке қағазды шиыршықтап орап,түрлі формаға келтіріп жаңа дүние жасау)

2. Квилинг сөзі қандай мағынаны білдіреді?(Құс қауырсыны)

3.Квиллинг әдісі бойынша не жасауға болады?(қобдиша,панно т.б)

4. Квиллингте барлығы неше элемент бар? (20 элемент бар)

5.Квиллингтің отаны? (Оңтүстік Карея)

6.Квиллинг жасау үшін қандай құралдар керек? (Түрлі-түсті қағаз,желім,ине)

7.Бүгінгі сабақтан не үйрендік?

8. Бүгінгі сабақтан алған әсерің?

9.Квиллинг өнері бойынша жұмыс жасау оңай болдыма?

Сабақты қорыту. Әр бір оқушының жасаған жұмысын қабылдап, баға қойып, жіберілген қателерін қайта түсіндіру.

VII. Үйге тапсырма беру. Квиллинг өнері жұмысты аяқтау.