Латын әліпбиі – заман талабы

Қазақстан Республикасының Президенті Н.Ә.Назарбаевтың 2017 жылы 12 сәуірде «Болашаққа бағдар: рухани жаңғыру» мақаласында: «Біріншіден қазақ тілін біртіндеп латын әліпбиіне көшіру жұмыстарын бастауымыз керек. Біз бұл мәселеге неғұрлым дәйектілік қажеттігін терең түсініп, байыппен қарап келеміз және оған кірісуге Тәуелсізідік алғаннан бері мұқият дайындалдық деп» айтқан еді. Мемлекетіміз одан әрі дамып, көркейе түсуі үшін қолға алған бастамалардың бірі екені айдан анық.Латын әліпбиі әлемдеге ең танымал жазулардың бірі саналады, яғни болашағы зор.

Латын әліпбиіне көшу қазіргі кезде Қазақстан халқы үшін үлкен мәселе. Бұл ұсынысты бңреулер жақсы қабылдап жатса, ал енді біреулері керісінше. Жалпы латын әліпбиіне көшу саяси жағынан алып қарасақ өте дұрыс. Әлеуметтік желі пайдаланушылардың арасында екі түрлі пікір бар. Көпшілік жұрт : «Латын әліпбиіне көшу – бұл қате, қазақтығымызды жоғалтамыз, бұл тілді үйрену қиын», - дейді. Бірақ менің ойымша, латын әліпбиіне көшу дұрыс. Бұл бір жағынан Қазақстан мен түркі елдерінің арасындағы қарым – қатынасты жақсартады.

Латын әліпбиіне көшу – қазақ халқының алға жылжуына, жаңа заман талабына сай өсіп – өркендеуіне, болашақта еліміздің жан – жақты дамуына үлкен үлес қосып, жемісі мен жеңісін әкелері сөзсіз. Латынның басты қажеттілігі оны тілдің өзі қажет етіп отыр деп ойлаймын, бұл заман талабы, сұранысы. Сондықтан латын әліпбиіне көшу болашақ үшін әлдеқайда маңыздырақ.