Латын
әліпбиі – өркениет жолы
Қазір
әлемде көптеген жазу үлгілері бар.
Алайда,
ең көп қоланылатын – латын әліпбиі.
Қазіргі
таңда еліміздің басты мәселесіне
айналып
отырған ең өзекті тақырыптардың
бірі
– әліпбиіміздің өзгеруі.
Бүгінгі
күн тәртібіне қойылған ең өзекті,
тағдыршешті мәселенің бірі – қазақ
тілін латын әліпбиіне көшіру. Жаңа
әліпбидің бізді жаңа мүмкіндіктерге,
зор жетістіктерге бастайтыны сөзсіз.
Себебі латын қарпі – ғылым мен техниканың,
интернет пен IT-технологиялардың тілі.
Латын әліпбиі рухани болмысымызды
байытып, қоғамдық ой-санамызды жаңғыртады.
Латын әліпбиі – түркі әлемімен
ықпалдасудың төте жолы. Өз ерекшеліктерімізді
сақтай отырып әліпбиді өзгерту тіліміздің
халықаралық аренаға шығуына және
ғылыми-техникалық прогрестің заманауи
жетістіктеріне жол ашады, әлемдік мәдени
тұтастықты нығайтып, коммуникациялық
үдерістерге одан әрі интеграциялануға
мүмкіндік туғызады. Ақпарат алу
мүмкіндіктері кеңейіп, шет тілдерден
енген сөздер ұлттық ерекшеліктерімізге
қарай икемделетінін, көп ұлтты халқымыздың
бірлігін одан әрі бекемдеп, бүкіл түркі
әлемін біріктіруге күш салатынын да
атап айту керек. Әлемде көп таралған
жазбаның бірі латын алфавиті екенін,
әлемдік ақпараттың 70 пайызы осы таңбамен
таратылатынын, ғылымның тілі, халықаралық
терминдер, формулалар да негізінен
латын әріптерімен жазылатынын ескерер
болсақ, жаңа әліпби бізге зор мүмкіндіктер
туғызады. Латын жазуына көшу бүгінгі
күннің кезек күттірмес қажеттілігі
екенін, латын жазуы әлемдік өркениетке
бағыттайтын күре жол болатынын
қазақстандық әр азамат білуге тиіс.
Халқымыз
айтқандай, «елу жылда – ел жаңа, қырық
жылда – қазан жаңа». Латынға көшу керек
және Ә. Жүнісбек айтқандай сауат ашып
көшу керек. Осы бағытта көптеген
жұмыстар, іс-шаралар, семинар жұмыстары
жүргізілуде. Латын әліпбиімен танысу,
ережелерді оқыту жұмыстары атқарылуда.Осы
орайда біздің мектебімізде осы бағытта
өз үлесін барынша қосуда. Мектебімізде
әр сенбіде қазақ тілі мен әдебиеті пәні
мұғалімі
М.Д.
Ибраеваның жетекшілігімен латын әліпбиі
бойынша дәріс жүргізілуде. Сабақ
барысында латын әліпбиі, әріптердің
жазылу ережесі түсіндіріліп,оқушылар
мен педагогтер диктант жазуға машықтануда.
Латын
әріптері – өркениет жазуы, өмір талабы,
сондықтан оның бұл артықшылығын ескеріп,
біз де өз мақсатымызға сай латын жазуының
игілігін көруіміз қажет.
Бутагарина
Арайлым Ирбулатовна
№ 16
ОМ қазақ тілі мен әдебиеті
пәнінің
мұғалімі,
Қостанай
қаласы