Ұсақтау аппараттары

Ұсақтау – материалдарды езу, жару, сындыру, уату, соққы, кесу жән аралау жолымен материалдарды бөліктерге бөлу процесі. Езу кезінде материалды қысатын және тірек тастар арасына салады. Қысатын тасқа күш әсер етіп, осының әсерінен материалдағы ішкі кернеу біртебірте көтеріледі. Ішкі кернеу материалдың қысылу беріктігінен асқан кезде, ол бұзылады. Бұзылу кезінде әртүрлі пішінді және мөлшерлі кесектер қалыптасады. Бұл процесс білікті ұнтағыштарда жүреді. Жару материалдың сына тәрізді жұмыс органымен байланысу нәтижесінде пайда болады. Сындыру екі тіреу арасында болатын материалға иілдіру күштері әсерінен жүзеге асады. Уату материалды жұқа ұнтақтау үшін арналған. Соққымен материдарды ұсақтау ұнтақтағыштарда немесе соққылы құралмен жүзеге асады. Кесу үшін әртүрлі құрлымды пышақтарды қолданады. Ұшаларды аралау үшін аралар мен фрездерді қолданады. Аралау ұсақтау жазықтығына арамен қысу салдаранан болады.

Ұсақтау машиналарының негізгі типтерінің құрылымы

Барлық ұсақтау машиналары ұнтағыштар мен диірмендерге бөлінеді.

Ұнтақтағыштарды ірі және орташа ұнтақтау үшін, ал диірмендерді – орташа, ұсақ, жұқа және коллоидты ұсақтауда қолданады.

Барлық ұсақтау машиналарына жалпы талаптар қойылады:

- ұсақталған материал кесектерінің біркелкілігі;

- жұмыс кеңістігінен ұсақталған кесектердің жойылуы;

- шаң қалыптасуы төмен деңгейде болуы;

- жүктің үздіксіз және автоматты түсірілуі;

- ұсақтау дәрежесін реттеу мүмкіндігі;

- жылдам тозатын бөліктерді жеңіл ауыстыру мүмкіндігі;

- өнім бірілігіне энергияның аз шығымы.

Негізгі ұсақтау машиналары келесі типтерге бөлінеді:

- жақты, гирациялық (жартылай дірілді), балғалы ұнтақтағыштар және

соққылы әрекетті ұнтақтағыштар;

- үйкеліс машиналары;

- білікшелі ұнтақтағыштар мен жүгіргіштер;

- шарлық және сырықты (стержневые) ұнтақтағыштар;

- сақиналы, дірілді және коллоидты диірмендер.