Мақала

«Темуровчилар гуруҳи»

Кексаларни қадрлаш, уларга ҳурмат-эътибор кўрсатиш борасида бизнинг халқимиздек бағри кенг, меҳр-мурувватли халқ бўлмаса керак. Бу аввало оилада фарзандларнинг ота-онага ғамхўрлиги, меҳрибонлигида ўз ифодасини топади. Маҳалла-кўй юмуши, тўй-маърака, жамоатчилик тадбирларида ҳам ёши улуғ инсонлар тажрибасига таянилади, уларнинг маслаҳати олинади.

Халқимизнинг “Қадр кўрсатган қадр топади”, деган пурмаъно доно ҳикматили сўзлари бор.

Халқимиз учун кексаларга ҳурмат азалий ибратли қадриятлардан ҳисобланади.

№92 «Оқсув» умумий ўрта мактабида 2006 йилдан буён «Темуровчилар» гурухи ташкил қилинган. Бу гурухда аъзо бўлган ўқувчилар ёлғиз яшайдиган қарияларнинг уйларига бориб қўлидан келганича ёрдамларини кўрсатадилар. Яқинда хам яъни 15 апрель куни мактабимиз атрофида яшайдиган ёлғиз турадиган 90 ёшни қаршилаб ўтирган Болтажон опанинг уйига мактаб ёшлар етакчиси С. Мавланова ва мактабимиз инжинер технологи Д. Абдужалиловлар бошчилигида Темуровчилар гурухи яъни 11-Б синф активист ўғил қизлари ўзларинг ёрдамини бериш учун йул олдилар. Уйига борган ўқувчилар биринчи навбатда опадан хол аҳвол сўраб унга қизлар овқат пишириб беришини, йигитлар эса арра ва болта сўраб ўтин аралашга тушиб кетдилар.Ўғил бола бўлишига қарамасдан Дилмурод Икромжанов деразаларни қизларга артишиб чиқди.Опанинг уйига келган Темуровчилар ўзлари билиб ишларни бажариб ташладилар 3 соат ичида Болтожон опанинг бутун ўтинлари арраланиб ёрилди, оғилхона эшиги тузатилди, деразалар артилди, кирлари ювилди , идиш товоқлар тозаланди, энг асосийси иш якунида Махфуза Тохтамишева пиширган шўрва барчага қуйилиб олиб келинди. Дастурхон атрофидаги ихчамгина тамадди ва бир пиёла чой устидаги суҳбатда Болтажон опа барча ўғил – қизларни дуо қилиб уларга кележакдаги ишларига омадлар тилади ва барча болаларни хаётда доимо меҳрли мурувватли одам боласи бўлишини Оллоҳдан тилаб қолди.

№92 «Оқсув» умумий ўрта мактаби тəлімгері С Мавланова