Аманбай Альбина Мұңалбайқызы

Маңғыстау облысы Ақтау қаласы Каспий өңірі Болашақ колледжі

« Ұлттық құндылықтар-ұлт қорғаны»

Қабиболла Сыдиықов атындағы Маңғыстау облыстық әмбебап кітапханасы және Әбіш Кекілбайұлы атындағы мұражайы

Әрбір елін сүйетін азамат өз туған жері туралы білуі керек деп ойлаймын.Қараша айының 8-інші жұлдызында филология ғылымдарының докторы Дүйсенбаева Жанбибі және колледж студенттері болып рухани байлығымызды дамыту мақсатында Қабиболла Сыдиықов атындағы Маңғыстау облыстық әмбебеп кітапханасына және Әбіш Кекілбайұлы атындағы мұражайға енген болатынбыз.

Жетекшімізбен алдымен кітапханаға ендік. Сан ғасырлар сыры сақталған,жәдігерлер есігін ашқанда,құдды ішінен тарих,өлең-жыр,табиғат иісі аңқығандай болды.Кітапхана іші өте кең әрі оқырманның талғамына қарай ,оқу қорларымен , залдарымен қамтылған.Кітапхана жас маманы Шұғыла Далабаева жазушы Оралхан Бөкейдің «Жетім бота » шығармасымен қысқа әрі қарапайым түрде таныстырды.Сонымен қоса Жалау Мыңбаев,Әбілқайыр Спан,Жетібай Жылқышыұлының шығармаларымен таныстық.Кітапхана қызметкерлері Тәттігүл Қуанбаева, Назым Акенеева,Аманжол Серіков кітапхага ішімен таныстырып,көптеген қосымша ақпарат берді.

Кітапаханадан шығып жетекшімізбен Әбіш Кекілбайұлы атындағы Маңғыстау облыстық тарихи өлкетану мұражайына ендік.Мұражай іші өте үлкен әрі атамыз қолданған жұмыс құралдары, смокингы,отырған кеңсесі анық бейнеленген. Сонымен қатар Айсауле анамыздың көйлегімен ақ жаулығы ,Клара анамыздың киген киімі сақталған.Мұражайды аралап жүріп, тек қазақ халқы емес,шетелдіктерде ол кісінің еңбегін мойындағанына көзім жетті.Жазушы өмірбаянын таныстырған экскурсия жүргізушілері:Дәуірбек Іңірбай,Мадина Нұрқанова,Зәуре Әбішова,Бибізада Жүсіповаға алғысымыз шексіз.