Ана ... Осы бір үш әріптен құралған ұлы сөз кімнің болмасын жүрегін елжіретері хақ. Батыр да, бағлан да, көсем де, шешен де, данышпан да бәрі-бәрі анадан туған. Сондықтан болар ата-бабамыз ана парызын әке парызынан әлдеқайда жоғары қойған. Аналар әлеміне ерекше мейірім шуағы, шұғылалы сезім мен даналықтың нұры тән. Жанұясының жылуын суытпай, тебірене толғар бесік жыры арқылы перзентінің бойына адамгершілік дәнін егіп, адамдық қасиеттерді дамытудағы ананың берер тағылымымен ешқандай бақ-дәулет те, хан қаһары да, батырдың айбары да таласа алмайды.

Әркім өз анасымен мақтанады, оны мақтайды, мадақтайды. Менде өз анаммен мақтанамын, тұла бойымда титімдей ізгі қасиет болса, оны сол анамнан дарыған деп білемін. Осы шағын мақаламды бақыттың кілті ананың табанының астында деп аяқтағым келіп отыр.

Мадын Үміт Мадынқызы