мақала Айтыс

«Ұлттық мұра айтыс мектеп қабырғасында»

XXI ғасыр - ғылым мен техниканың дамыған заманы. Адамдар ұялыға тәуелді болған заманда оларды бірнәрсемен қызықтыру қиын. Ал ана сүтімен бойымызға сіңген қазақылық пен дарынымыз күннен күнге өшіп бара жатқаны анық. Оның ішінде ұлттық өнеріміз – айтыс өнері.

Айтыс - біздің қанымызбен жаралып, рухымызбен таралған дәстүрлі өнер. «Айтыс — сөз барымтасы» деп М.Әуезов айтқандай, айтыс — қазақ халқының әдеби мол мұраларының бірі. Сол мұрамызды жаңғырту мақсатында «Боранқұл жалпы білім беретін мектеп» КММ-де ай сайын айтыс ұйымдастырылып келеді.

25 қазан Республика күніне орай 5-10 сыныптар арасында айтыс ұйымдастырылды. Айтыстың мақсаты қазақ халқының ұлттық құндылығы, шешендік өнер арқылы мәдениеттің баға жетпес мұрасы ретінде жан-жақты насихаттау, ұлттық рух пен отансүйгіштікке, өз халқына, салт-дәстүріне құрметпен қарауға тәрбиелеу, дарынды шығармашыл жастарды анықтау. Айтыс өнерін оқушыларға дәріптеу мақсатында ұйымдастырылған шара өз мақсатына жетті. Ұлттық өнерді дәріптеу мақсатында өткізілген бұл шараға мектеп оқушылары үлкен белсенділікпен атсалысты. 8 -сынып оқушысы -Аманай Ақылбек І орынды,ІІ орынды Жеңіс Нұрасыл 6”б” сынып оқушысы, 7 “ә” Бозай Ақтілек ІІІ орында қанжығаларына байлады.

Ұлттық өнерімізді дәріптейтін оқушыларымыз көп болсын!