Мақала: Ауған соғысы ардагерлеріне – 36 жыл

Ауған соғысы ардагерлеріне – 36 жыл

Ауған соғысы Кеңес Одағы тарихындағы ең ауыр әрі қайғылы соғыстардың бірі болып саналады. Бұл қақтығыс 1979 жылдың 25 желтоқсанында басталып, 1989 жылдың 15 ақпанында аяқталды. Он жылға созылған соғыс Кеңес Одағы үшін үлкен адам шығыны мен саяси-экономикалық зардаптар әкелді. Биыл кеңес әскерінің Ауғанстаннан шығарылғанына 36 жыл толып отыр.

Бұл соғысқа Кеңес Одағынан 620 мыңнан астам жауынгер қатысты. Олардың 15 мыңы қаза тапты, ал жүздеген мың сарбаз мүгедек болып, психологиялық жарақат алды. Қазақстаннан 22 мыңнан астам сарбаз аттанса, олардың 761-і қаза тауып, 1000-нан астамы ауыр жарақат алды. 21 қазақстандық жауынгер хабар-ошарсыз кетті.

Ауғанстандағы әскери қақтығыстың негізгі мақсаты Кеңес Одағының қолдауымен социалистік бағыттағы үкіметті орнату болды. Бірақ бұл мақсатқа жету мүмкін болмады. Соғыс барысында көптеген бейбіт тұрғындар қаза тауып, Ауғанстандағы жағдай одан әрі ушыға түсті. Кеңес әскерінің әрекеттері мұсылман әлемінде теріс реакция тудырып, Кеңес Одағының халықаралық аренадағы беделіне нұқсан келтірді.

Қазақстандық жауынгерлердің ерлігі

Ауған соғысына қатысқан қазақстандық жауынгерлер нағыз ерлік пен батырлықтың үлгісін көрсетті. Олар қиын-қыстау жағдайда әскери міндетін абыроймен атқарды. Қан майданда қазақстандық сарбаздар батылдық танытып, ел намысын қорғады. Олардың арасында Кеңес Одағының Батыры атағына ие болғандар да бар.

Соғыстан кейін көптеген ардагерлер бейбіт өмірге бейімделуде қиындықтарға тап болды. Соғыс оларға тек физикалық ғана емес, психологиялық жарақаттар да қалдырды. Көптеген жауынгерлер елге оралғаннан кейін әлеуметтік, экономикалық қиындықтарға тап болып, өз орындарын таба алмай қалды.

Ауған соғысы ардагерлеріне көрсетілетін құрмет

Қазақстан тәуелсіздік алғаннан кейін Ауған соғысы ардагерлеріне ерекше көңіл бөлінуде. Сонымен қатар, жергілікті әкімшіліктер мен қоғамдық ұйымдар ардагерлерге құрмет көрсетіп, олардың ерліктерін есте сақтау мақсатында түрлі іс-шаралар ұйымдастырады.

Ауған соғысы ардагерлерінің ерлігі – ұмытылмас тарих. Біз оларды әрдайым құрметтеп, ерліктерін есте сақтаймыз. Бүгінгі бейбіт өміріміз сол батырлардың жанқиярлық еңбегінің арқасында келгенін ешқашан естен шығармауымыз керек.

Біз ардагерлердің батылдығына, төзімділігіне және өшпес рухы үшін алғыс айтамыз.