Ауыл – қазақтың тамыры

Копабаева Жанна Нурдиллаевна

директордың тәрбие ісі жөніндегі орынбасары

Қоқыт ата атындағы №22 ЖОББМ

Шымкент қаласы

Қашанда халқымыз үшін ауыл – руханиятымыздың темірқазығы, ұлттық құндылықтарымыздың алтын бесігі, береке мен байлығымыздың бастауы екені сөзіз.

Ауыл — дәстүрлі қазақ қоғамында ежелден қалыптасқан қауымдастық.

Қазақ халқындағы “Ауыл түбі — бірлік, қауым түбі — тірлік” деген мақал ауылдың этникалық, экономикалық және рухани маңыздылығын білдіреді. Мен даланы қоныс еткен көшпелілер үшін табиғатпен үйлесімді тіршілік ету жеткіліксіз еді. Олардың әлеуметтік ортасы да адамға қолайлы болуы қажет.

Ауылдың таза ауасын жұтып, тұнық суын ішіп, көркем табиғатынан қуат алып өскен әрбір азамат өзі туған топырағын барынша қадірлеп-қастерлеуге тиіс. Төрт түлігін түлетіп, егістігін жайқалтып, шаруасын өрге сүйреп отырған ауыл – бүтін бір елдің асыраушысы, қайнаған еңбектің және ұлттық руханияттың қайнар көзі іспетті. Ауыл идеологиясы ұлт пен мемлекеттің идеологиясының мәйегі, күретамыры және өркендеу түбірі болып келді.

Жалпы, ауылдың болашағы жайында сөз қозғайтын болсақ, бүгінгі таңда ауылдарды асырап отырған мал екені анық. Екіншіден, ауылдың берекебірлігін ұстап тұрған көне көз қариялар екені сөзсіз. 

Қала тіршілігінде жұмыс пен тұрмыс арасында тірлік етіп жүрген ата-ана мен ата-әже бала және немере тәрбиесіне толыққанды уақыт бөлуге уақыты да болмай жатады. Ауылда көне көз қариялар әлі де бесік жырын айтып, қыз бен келін тәрбиесіне атсалысса, аталары ұл тәрбиесіне мұқият қарайды. Еңбекпен тәрбие басты орында.Сондай тәрбиені көріп өскен ұрпақ, ұшқанда соны ілері анық.

Өскелең ұрпаққа үлгі-өнеге боларлықтай тұлғалар ауадай қажет. Олар елеулі жетістікке жету үшін алдына мақсат қоя білу керек. Көптеген жастарда мақсат жоқ, соның салдарынан қай жерде болмасын, белгілі бір нәтижеге жете алмай жүреді. Сондықтан да танымал тұлғалармен кездесулер өткізіп, жастарға жол көрсетіп, жөн сілтесе, қабілеттерін ашып, оларды дамытуға көмектессе мақсатшыл азаматтар қатары көбейе түсеріне кәміл сенемін.