ИНКЛЮЗИВ - ШЕТТЕ ҚАЛУ ЕМЕС...

«Даму мүмкіндігі шектеулі адамдар басқа адамдарды мейірімділік пен жанашарлыққа үйрету үшін өмірге келді, яғни басқа адамдарға өздерін қорғау жолын ашуға көмектесу үшін»

Жан Ванье.

Қазіргі заманда халқымыздың назарын аударып отырған мәселе мүмкіндігі шектеулі балалардың  ерекшеліктерін ескере отырып, білім үрдісіне толық енгізу, әлеуметтік бейімдеу. Бұны біз инклюзивті білім беру дейміз. Инклюзивті білім беру мақсаты- даму мүмкіндігі шектеулі балаларды қалыпты балалармен бірге білім беру. Инклюзивті білім беру-мүмкіндіктері шектеулі балаларды оқытып үйретудің бір формасы. Мүмкіндігі шектеулі оқушының оқып-үйренудегі қиындықтарын дер кезінде анықтап, оларға коррекциялық- педагогикалық қолдау үшін,білім игеруге байланысты қол жеткізілген деңгей туралы психологиялық-педагогикалық мониторинг өткізіліп тұруға тиісті. Сынып мұғалімі,психолог, логопед, дефектолог,жетелеуші тәрбиешісі тығыз ынтымақта бірлесіп жұмыс жүргізу нәтижесінде іске асады.Осымен қатар психологиялық- педагогикалық қолдауды бақылауын және орындалуын мектеп басшысы, координатор, психологикалық медицина-педагогикалық консилиумы жүзеге асырады. Қазақстан Республикасында  білім беруді дамытудың 2011-2020 жылға арналған мемлекеттік бағдарламасының негізгі міндеттеріне сәйкес бүгін мектептегі  инклюзивтік білім беру жүйесі жетелдіріліп келеді. Осы бағытта білім беруді енгізу арқылы оқушыны адамгершілікке, ізгілікке, қайырымдылыққа тәрбиелей аламыз. Психолог, логопед, дефектолог мамандары оқуда қиындықтары бар балаларды анықтауға диагностикалық жұмыс жүргізіп, оқушыларды қадағалау мақсатында жеке жоспарға сәйкес сабақтан тыс уақытта түзету-дамыту сабақтарын ұйымдастырады. Мүмкіндігі  шектеулі  балалармен жұмыс істейтін кабинеттер  құрал-жабдықтармен  толық қамтамасыз етілмеген. Арнайы сабақ кестесі бойынша  аптасына екі рет 20 минуттан жұмыстар жүргізіледі. Инклюзивтік білім беру- барлық балалардың тең құқығын анықтайды. Сыныптағы іс- шараларға қатысу, қарым-қатынасқа қажетті қабілеттілікті дамытуға мүмкіндік береді. Барлық балалар сияқты ол да қоғамның бір мүшесі ретінде өзін еркін сезінеді.

Осы бағытты басшылыққа ала отырып Новопавлов ЖОББМ-да ағымдағы оқу жылында дефектолог кадры ашылып, мүмкіндігі шектеулі балалармен тығыз жұмыс жүргізіліп келеді. Оқушылар аптасына 2рет қосымша сабақ алады, арнайы мұғалім ықпалымен қоғамдық шараларға да белсене қатысып келеді.Ауылдық қайырымдылық акцияларында ауыл тазалығы, ауыл тұрғыны қарттардың қысқа дайындығына қол ұшын беруге аянбай атсалысады.

Мектепішілік шаралардан да құр қол емес, спорттық эстафеталар, сурет, қолөнер көрмелеріне өз еңбектерін ұсынып 4-сынып оқушысы Шарий Дмитрий ширақ спортшы, 5- сыныптан Альмекаев Максим «Ұлттық ою» тақырыбында қолөнерімен, Кушумов Амиржан «Ауылым» тақырыбында ерекше суретімен көзге көрініп алғыс хаттармен марапатталды.

Мектебіміздегі арнайы сабаққа қатысып жүрген оқушылар қуыршақ театрын құрып, мектеп жанындағы балабақша тәрбиеленушілеріне қонақтап барып, туынды ретінде халық ертегілері ішінен «Мақта қыз бен мысық» және «Шалқан» ертегісін қазақша-орысша екі тілде орындап өтті. Қойылымды көрген бүлдіршіндер де, тәрбиешілер де осындай тың жаңалықты қуанышпен қарсы алды.

Әрине, біз бұл шарамен тоқтап қалмаймыз, әлі де біраз жетістікке жетеміз деген сенімдеміз.

Педагогикалық ұжым – бір жақты ойлайтын, шығармашылық тұлғалар біріккен, өз ісін білетін мамандар тобы. Біз тәрбиеленушілеріміздің даму кемшіліктерін кешенді түзетуге, олардың компенсаторлық даму механизмдерін қалыптастыруға, біздің педагогтар тарапынан білікті көмек алуға жағдай жасаймыз. Біз әр оқушымыздың жетістігіне қуанамыз!

БҚО, Теректі ауданы Новопавлов ЖОББМ-нің дефектолог – мұғалімі А.Н.Бекболат