Математика – ол қызықты.

Дьенеш блогын балабақшадағы математика оқу іс-әрекетінде қолдану.

Кімде-кім математиканы – құрғақ,қызықсыз ғылым деп мәлімдейтін болса

сенбеңіздер.Математика – ол қызықты,әсіресе оқу іс-әрекеті кезінде логика лық Дьенеш блогын пайдаланатын болса.

Менің педагог ретінде алдыма қойған міндетім- әр балаға мектепке дейінгі балалық шақта көңілді, маңызды, мағыналы өмір сүру мүмкіндігін беру.

Барлық әлем елдерінде венгер психологы және математигі Дьенеш, балалардың логикалық ойлау қабілетін дамыту үшін ойлап тапқан «Логикалық блоктар» дидактикалық материалдары кеңінен қолданылады екен. Қазіргі кезде бұл материалдар біздің еліміздің педагогтары арасында үлкен ықыласпен, қызығушылыққа ие болуда. Біздің балабақша тәрбиешілері де Дьенештің «Логикалық блогтарын» кеңінен қолданады. Дьенеш әдістемесі мектеп жасына дейінгі балаларға ойын формасында әртүрлі математикалық ұғымдарды меңгеруге сонымен қатар балаларға маңызды психологиялық үрдістерін дамытуға көмектеседі.

Жұмысты Дьенеш блогы әдістемесі бойынша бастадық. Бұл әдістеме- пішіндердің қасиетін біліп алуға мүмкіндік беретін ең қолайлы және қызықты тәсіл. Дьенеш блогы тек геометриялық пішіндердің қасиеттерін айыра білуге ғана емес, сонымен қатар балалардың ойлау қабілетін дамыту үшін кеңінен қолданылатын дидактикалық материалдар болып табылады. Балалар бірлескен іс-әрекет кезінде өз еріктерімен әртүрлі заттардың бейнесін құрастырып ойнайды. Алдағы уақытта Дьенештің логикалық блогы бойынша материалдарды одан да жақсы меңгеру үшін, күрделірек әртүрлі тапсырмалар орындауды жоспарлып отырмыз.