Математикалық "Брейн-ринг" ойыны

Математикалық ойын «Брейн-ринг»

Мақсаты:

1.      Білімділік: Оқушылардың математикаға қызығушылығын, ынтасын, зейінін арттыру, алған білімдерін тереңдету.

2.     Дамытушылық: Ой-өрісін кеңейту, логикалық ойлау қабілеттерін дамыту.

3.     Тәрбиелік: Окушыларды жолдастыққа, алғырлыққа, белсенділікке және жеке тұлға етіп қалыптастыру

Көрнекілігі: нақыл сөздер, карточкалық тапсырмалар, логикалық есептер, әр топқа даярланған үстелдер, интерактивті тақта.

Түрі: топтық сайыс

Барысы:

Құрметті ұстаздар, қонақтар және оқушылар, сіздерді «Брейн-ринг» атты сайысымызды тамашалауға шақырамыз. Бүгін біз математиканың жұмбақты да тартымды әлемімен танысамыз. Біз бұл әлемнің қаншалықты қызықты,әрі сан түрлі екендігіне көз жеткіземіз.

Әділ қазылар алқасы:

Ойын барысы:

1. Таныстыру

2. Жеті жұмбақ

3. Ғажайып үштік

4. Блиц - турнир

5. Логика алаңы

6. Қара жәшік

Жеті жұмбақ: (жылдамдыққа, дұрыс жауап үшін 5 ұпай)

№1

Нәрселерді санағанда

Керек ол бізге ауадай.

Айтыңдаршы, бұл қандай сан?

Жан-жағына қарамай! (натурал сан)

№2

Атадан он баламыз,

Бір-бір жастан арамыз,

Қосылып кейде басымыз,

Азайып кейде қаламыз.

Бөлініп кейде арамыз,

Көбейіп те аламыз. (цифрлар 0, 1....9)

№3

Бірдей санды бірнеше рет

көбейтуден тұрады,

егер оны ықшамдасаң

қандай атау болады? (дәреже)

№4

Оң сандарға қолшатырдай,

Қалпақ болған беделі.

Квадраттасаң егер оны,

Жоғалтасың сен оны. (түбір белгісі)

№5

Күшіне сенген бір мықты

Жығып салып сегізді (шексіздік)

№6

Егіз туған қос жүйрік,

Жарыса шауып терлейді.

Бірін бірі көрмейді

Дамылсыз қанша шапса да,

Бір мәреге келмейді. (параллель түзулер)

№7

Айналған шешу құралына,

Төрт саны араласқан құрамында.

«Теңдеудің түбірлері нешеу ?» - деген

Қандай сан жауап береді сұрағыма. (Дискриминант)

«Эрудит» кезеңі

Ең, ең, ең ...

• 10. Ең кіші жай сан? (2)

• 20. Ең қарапайым геометриялық фигуралар? (нүкте мен түзу)

• 30. Ең алғашқы әйел математик? (Гипатия)

Математикалық сөздік:

• 10. Қабырғаны қақ бөлетін кесінді? (медиана)

• 20. ОХ осі? (абцисса)

• 30. Координаталық жазықтықта сызықпен кескінделетін әр түрлі екі шаманың арасындағы тәуелділік? (график)

Тұлғалар

• 10. Алгебра сабағанда қолданылатын математикалық кестенің авторы?   (Владимир Модестович Брадис)

• 20. Қандай математиктің есімімен үшбұрыштың ауданың есептеу формуласы атанған (Герон)

• 30. Аристотель еңбегін зерттеген, «Шығыс Аристотелі немесе екінші ұстаз» атанған 870-950ж. ж. өмір сүрген ғалым. (Әль-Фараби)