Тақырыбы : «Мектебім, алғысым саған көп менің! »
Мектеп - үлкен өмірдің алғашқы баспалдағы. Ұстаз - жас ұрпақтың рухани сәулетшісі ,
ұлағатты есімнің иесі . Мектеп пен оқушы . Осы екі сөзге жан бітіретін – ұстаз. «Мектеп –
білім тірегі, ұстаз – оның жүрегі» деген нақылдың мәнін енді түсінгендеймін.
11 жыл. Кеше ғана тарыдай болып кірген мектебімізден, таудай болып түлеп ұштық. Осы
орайда , өзім білім нәрімен сусындап шыққан алтын ұя мектебіме алғысымды білдірсем
деймін . 2011 жылы Шығыс Қазақстан облыстық білім басқармасының Өскемен
қаласындағы №22 орта мектебінің табалдырығын аттадым. Қолыма алғаш қалам алып,
жылы жүректі ұстазымыз күнде қарсы алып, оқуға баулып еді. Бастауыш сыныптардан - ақ
түрлі жарыстарға , олипиадаларға қатыстым. Мектепте үздік болуыммен қатар,
ұстаздарым мені шығармашылық бағытта да қолдай білді. Ән айтып, би билеп, мәнерлеп
оқу сайыстарынан шет қалмадым. 2016 жылдан бастап мектепшілік әрі қалалық іс шараларда жүргізуші болдым. Менің сахна төрінен түспеуім дәл осы мектебімнің
арқасында. Араға жылдар салып, мектеп Ұланбасы атандым. 2018 жылы қалалық комитет
арасында «Ең тапқыр Көшбасшы» номинациясы иегері атандым. Менің бойымдағы қайсар
мінездің, жауапкершілікті оқушы болуым әрі адамгершілік сиякты қабілеттерді дарытқан
да мектебім. Қазіргі таңда кез - келген ортаға тез сіңісіп кете аламын. Еркін сөйлеп, өз
ойымды нақты жеткізе алуым , бәрі - бәрі мектеп , сенің арқаң! Ал қазір мемлекеттік
емтихандар аяқталып, Ұлттық Бірыңғай тестілеуден өтіп жатырмыз. Зымыраған уақыт - ай
десеңші.. Осыдан 11 жыл бұрын мектепке енді ғана келген жас бүлдіршіндер қатарында
едік, енді есейіп азамат атанып, жаңа өмірге қадам басқалы отырмыз. Осы сәтте айтарым,
ұстаз болашақ азаматтарды ғана емес, бүкіл болашақ қоғамды қалыптастырады. Алтын ұя
мектебімнің ұстаздар қауымы, бізге білім мен тәрбие беріп, жақсылығымызды асырып,
жамандығымызды жасырғандарыңызға, балалық қателіктерімізді кешіре білгендеріңізге
алғысымыз шексіз! Сынып жетекшіміз, Бибигуль Токтархановна, Сізді бәріміздің
қамқоршымыз, екінші анамыз , шәкірттеріңіздің сүйікті ұстазы болғаныңызды мақтан
етеміз! Әрқайсысымызды салмақты ақылыңызбен тәрбиелеп, өмірден өз орнымызды
табуымызға көмектескеніңіз үшін , бізді ел қатарына қосып, үлкен биікке қол жеткізуімізге
үлесіңізді қосқаныңыз үшін біз Сізге әрқашан қарыздармыз!
Он бір жыл бойы бірге оқыған сыныптастарым, сендердің де ендігі өмірлеріңе тек қана
сәттілік тілеймін. Аңсаған армандарыңа қол жеткізіп, еліміздің көркеюіне үлестеріңді қоса
беріңдер. Жоғары оқу орындарына түсіп, беделді маман иесі атаныңдар!
СӘТ САПАР САҒАН, ЖАС ТҮЛЕК !
Ұлан, естеліктер үшін рақмет!