«Мемлекеттік ту»

Үйірме жұмысы бойынша

Сабақ №4

Тақырыбы: «Мемлекеттік ту»

Мақсаты: Балаларға аппликация туралы ұғымын кеңейту, елестету, композиция құрастыру шеберлігіне үйретуді жалғастыру.
Міндеттері:

БМ Аппликацияны бейнелеуге қажетті құралдармен жұмыс жасаудың әдіс - тәсілдерімен таныстырып, бейнелеу іс -әрекеттерін меңгеруге баулу.
ДМ: Балалардың бейнелі ойлау, қол икемділі қабілеттерін қалыптастырып, жетілдіру, түс жарасымдылығын,қию дағдысын бекіту.
ТМ: Ұжымдық жұмыс істеуді ұйымдастыра отырып, өзара сыйластыққа, қамқорлыққа,өз елінің мәдениетіне қызығушылыққа тәрбиелеу.

Жабдықтар: түрлі- түсті қағаз, қатырма қағаз, қайшы, желім, сары және көк түсті қатты қағаздар, ҚР туының суреттері.

Сөздік жұмыс: Қазақстан Республикасының рәміздері, мемлекеттік ту.

Қостілділік компонент: Мемлекеттік ту-государственный флаг.

Сабақтың барысы:

Ұйымдастыру кезеңі.

Тәрбиеші:Балалар,сендер қай елде тұрасыңдар? Балалар:Қазақстанда тұрамыз.

Тәрбиеші:Қазақстан Республикасының рәміздерін атайықшы

Балалар:Ту,елтаңба,әнұран.

Сабақтың негізгі бөлігі:

Әңгімелеу.

Тәрбиеші: Балалармен түрлі түсті қағаз түсінің атауын бекітеді.

«Тауып ал да, көрсет» дидактикалық ойыны.

Ойынның мақсаты: негізгі түстердің атауларын екі түрдет бекіту.

Тәрбиеші:Түс атауын кез келген тілде айтады.

Балалар: Түсті жылдам тауып көрсетеді.

Тәрбиеші:Керісінше түсті көрсетеді.

Балалар: Түсті екі тілде айтады.

Тәрбиеші: Балалармен туды жасаудың үлгілерін қарастырады.

Қостілділік компонент: Мемлекеттік ту-государственный флаг.

Тәрбиеші: Қауіпсіздік техника ережелерін қайталайды. (қайшы, желім, ұсақ заттарды қолдану ережелері)

Жұмысты орындаудың реті:
1.Алдын ала дайындалған жұмыс үлгісін көрсетіп, талдау.

2.Түрлі түсті қағаздың қажетті түсін дайындау.

3.Аппликацияны орындау жоспарын құру.

4.Көк қағаздан туды қиып алу.

5.Ақ параққа туды орналастырып жапсыру.

Рефлексия:

1. Орындалған жұмыстарды ұжыммен талдап, баға беру

2. Көрме ұйымдастыру

3. Фотосессия