«Мен дарынды баламын» байқауына қатыстыру туралы

ӨТІНІШ

Эссе

«Мен дарынды баламын»

Дарын адам бойындағы асқан талант, ерекше қабілет. Қызығушылығы төмен деген адамның бойында бұғып жатқан бір дарыны болады. Адам еңбектенсе, алдына мақсат қойып, өмір жолында сонымен күрессе, міндетті түрде ойлаған арманына жетеді. Қазіргі таңда дарынды балалар өте көп. Мен өзімді дарынды балалардың қатарына қосамын. Мен өз әлемімде өмір сүріп жатырмын, жанымда қолдайтын ата-анам, ұстаздарым, әзілі мен достығымыз жарасқан бір сыныпта оқитын сыныптастарым бар, жанымдағы жақсы адамдар менің жақсы өмір сүруіме мотивация. Менің бойымдағы қасиетім ақындардың шығармаларын жүрекпен сезініп, мәнерлеп оқу, жаным жабырқап, көңілім құлазыған сәтте жаныма тыныштықты өлеңнен табамын. Ақындардың өлеңдері мені өз әлеміне шақырып, менде ақындыққа бет бұрдым. Жүрегімнен шыққан әрбір сөз мен үшін ыстық. Ақындар туындысын өз баласындай әспеттейді демекші, менде сол сезімді басымнан кешіп жүргендеймін. Бәлкім, менің өлеңдерімнің басқалар үшін маңызы жоқ шығар, өзім үшін қымбат. Мен айналамдағы кей әділетсіздік пен зұлымдықты көргенде көкейіме өлең болып түйіліп, ақ парақ пен көк сияны жаныма жолдас етемін. Менің сүйікті ақындарым Абай Құнанбаев, Қадыр Мырза Әли және Ғұмар Қараш. Осы аталған ақындардың өлеңдерін жаттаудан аудандық, облыстық байқауларға қатысып жүлдегер атанып жүрген жайым бар. Абай және жерлес ақын атамыз Қадыр оқуларынан жүлдегер атанып жүрмін.

«Жігітке жеті өнерде аз»,-демекші дарынды бала жан-жақты болуы керек. Менің техникалық құрылғылармен жұмыс жасайтын қырым да бар. 2019 жылы работатехникадан облыстық байқауға қатысып, жүлделі орынға ие болдым, бұл мен үшін үлкен жетістіктердің бірі. Өз еңбегің бағаланса, жұмыс жасауға, қиялдан өрбітіп тың дүниелер ойлап шығаруға, өз септігін тигізетіні хақ.

Өз бойыңдағы талантыңның көзін тауып, сүйікті ісіңмен айналасу өмірдегі бір ғанибет. Дарын мен еңбек қатар жүрсе, үйлесімділік табары сөзсіз.

(251 сөз)