"Менің өмірлік ұстанымым"

Менің өмірлік ұстанымым

Осы күнге дейін сүріп келген ғұмырымызда жаңылғанымыз да бар, кейде керісінше жетістікке жеткен сәттеріміз де бар. Жаңылысқан сәтте «Түйеден құлаған жығылмас» деп, жігерленіп, «жеңілудің өзі жетістік» деген ұстаныммен биікке ұмтылып келеміз.

Менің өмір сүру қағидаларымдағы ең маңызды нәтиженің бірі – дұрыс шешім қабылдай білу.

Дұрыс шешім қабылдай алуың – дұрыс өмір сүруің. Бара-бара түбі сол шешімдердің өмірлік ұстанымға айналуы сөзсіз. Сол арқылы алдыңа дұрыс мақсат қоя білесің. Ал мақсаттарың арқылы арманыңа қол жеткізесің.

Менің бірінші ұстанымым: өзімді құрметтеу және өзгелерге құрметпен қарау.

Екінші ұстанымым: жақындарымды ренжітпеу және кешірімді болу.

Үшінші ұстаныным: ашу – дұшпан, ақыл – дос, ақылыңа ақыл қос.

Төртінші ұстанымым: қарсыласымның намысына тимеу.

Бесінші ұстанымым: әділдік бар жерде жеңіс бар. Ал жеңіс – бақытымның шыңы.

Осы аталған ұстанымдарым дұрыс шешім қабылдай алғанымның дәлелі болар. Сол қабылданған шешімдер арқылы өзімді жетістіктің бір желкенін ұстап жүргендей сезінемін. Менің арманым – болашақта мемлекеттік қызметкер болу. Мемлекеттік қызмет атқару үшін ұстанымы берік, сөздерінің салмағы бар, биік-биік талғамы бар талапты шәкірт бола білуің керек. Ең маңыздысы – дұрыс шешім қабылдай білу. Сен қабылдайтұғын әр шешім өз еліңнің,ұлтыңның сүріп жатқан өміріне өз өзгерістерістерін тигізуі мүмкін. Өз ұстанымыңа айналар әрбір шешімдер үзілгелі тұрған жіптей әлсіз болмауы тиіс.Мен өз ұстанымдарым мен дұрыс шешім қабылдай алсам,алдыға қойған мақсаттарыма қол жеткізе аларыма сенемін.

Кішкентай деп таға көрме жасқа айып,

Қарулыдан қорықпайық,саспайық.

Төзу,көну,мойынсұну жат маған,

Қағып өтем қасқайып -дей отырып, өзімнің ұстанымдарым арқылы бақытымның шыңы –жеңіске жете аларымды дәлелдегім келеді.