«Мәнжі батыр атындағы Қаражар ЖББМ» КММ

қазақ тілі мен әдебиеті пәні мұғалімі Байдуллаева А.Д.

Эссе

Мұғалім- әлемдегі ең үздік мамандық.

Мұғалім – ол әрқашан да «мұғалім» боп қала бермек. Өйткені, мұғалім «үйрету» сөзімен пара-пар десек те болады. Өмірдің өзі үйренуден тұрады. Адам өмір бойы үйренеді. Қай сала болмасын, оны үйрететін адам – мұғалім. Кез келген адам, кез келген маман иесі бәрі де мұғалімнің алдынан өтеді. Мейлі президент, мейлі қарапайым шаруа, бизнесмен, есепші, бәріне де мұғалім үйретеді.

Кез келген адамның қолынан мұғалімдік келе бермейді. Өйткені , біздің алдымызға сан алуан балалар келеді. Біреуі бір үйдің еркесі, біреуі серкесі дегендей, мінезі әр түрлі балалар келеді. Олардың әрқайсысына жеке тәсіл керек. Сол балалардың мінезіне сабырмен қарайтын мұғалімдер де сегіз қырлы бір сырлы болады. Ол ұйымдастырушы, психолог та, актер де, сырлас дос, ана да бола алады. Олар әр баламен жеке жұмыс істеп қана қоймай, ата-анамен де тығыз қарым-қатынаста болады.

Мұғалім оқытып қана қоймайды, ол және үлкен тәрбиеші. «Тәрбиесіз берген білім-адамзаттың қас жауы» деп Әл- Фараби айтқандай, тәрбиенің маңызы өте зор, ол бірінші кезекте тұрады. Оқытумен қоса тәрбиені қатар алып жүретін және отбасымен тығыз байланыста болатын бірден-бір мамандық - ол мұғалім. Осындай өмірлік маңызы бар жауапты мамандық басқа ешбір маманда кездеспейді.

Өкінішке орай, қазір мұғалім статусын түсіріп тастады. Бала да, ата-ана да мұғалімге немқұрайды қарайды, көп жағдайда еңбегін жоққа шығарып, балағаттап жатады. Алғаш рет қолға қалам алып ұстатқанмен бірге, әріп үйретіп, есеп-қисап шығартып, оң-солын да танытатын мұғалім.

Пандемия кезінде көп нәрсенің қадір-қасиетін білген сияқты, мұғалімдер жұмысының да қаншалықты қиын екенін біраз адам түсінген сияқты. 20-30 бала емес, бір баланың өзін оқытудың қаншалықты қиын екенін түсінді. Осы тұрғыда орыстың ұлы педагогі К.Д.Ушинский «Мен өзімнің ұстазыма әкемнен кем қарыздар емеспін: әкемнен өмір алсам, ал Аристотельден өмірімді жақсы өткізу туралы білім алдым» деп бекер айтпаса керек.

Қорытындылай келе, мұғалім – кеше де, бүгін де, ертең де мұғалім болып қала бермек.

Мұғалім- әлемдегі ең үздік мамандық.