Мұғалімге пікір

Жоғары оқу орындары мен мектеп арасындағы сабақтастық

Қазіргі кезде Қазақстан сияқты мемлекеттің алдында тұрған міндет біртұтас білім кеңістігін қалыптастыру және мемлекетті құрушы негізгі ұлттық озық дәстүрлерімізге сүйене отырып,жастар санасына туған халқының дүниетанымына деген құрмет пен мақтаныш сезімін ұялатып, әлемдік деңгейдегі өркениет құндылықтарын тиімді пайдалана білетін ұлттық рухты сіңіру,туған халқының мемлекеттік тілі мен әдебиетін, тарихы мен өнерін қастерлеп, салт-дәстүрін меңгере білуге баулып, оны қалыптастыру.

Қазіргі замандағы ғылым мен техниканың даму жағдайындағы ғылымның әр саласында білім мазмұны мен көлемінің қауырт өсуіне байланысты жоғары оқу орындары мен мектеп арасындағы сабақтастық оқушылардың танымдық қызығушылығының қалыптасуына тікелей әсер етеді.

Заманауи мектептер жоғары оқу орын оқытушыларын бірлескен семинар мен конференцияға шақырып, мектеп педагогтары мен жоғары оқу орын оқытушылары арасындағы сабақтастықтың белсенді болуына ат салысуда.

М. Әуезов атындағы Оңтүстік Қазақстан Университеті жыл сайын университет студенттерінің және мектеп оқушыларының ғылыми-практикалық конференфиясын өткізіп тұрады. Түркістан облысы Төлеби ауданы, Жеңіс жалпы орта білім беретін метебінің тарих пәні мұғалімі Габдуллина Зауре өз оқушыларын осы ғылыми-практикалық конференцияға қатыстырып, белсенділік танытты. Ұстаз конференцияға 10-сынып оқушысы Штейнпресс Александрды «Жұмабек Тәшенов – қазақ жерінің сақтаушысы » деген жобасымен қатыстырды. Габдуллина Зауренің жетекшілігімен орындалған жұмыста оқушы өзіндік болжам , ой қорытындысын жасау алған, ғылыми жоба талаптарға сәйкес орындалған, тың деректермен тақырыпты аша білген. Ұстаз оқушыға ғылыми жұмыс жазудың кезеңдерін, жұмысты орындау тәртібін, әдебиеттерді пайдалана білуді, деректермен жұмыс жасай алуды меңгерткен.Оқушы жұмысын қазақ тілінде қорғап, көпшілік алдында сөйлеуге ,ойын деткізуге дағдыланған. Конференцияда Александраның жұмысы үздік танылып, атап өтілді.

Осылай бүгінгі таңда білім беру саласында жоғары оқу орындарымен мектеп арасындағы байланысты нығайтуға көп көңіл бөлінуде. Бұл байланыс нәтижесінде педагогтар өзара тәжірибе алмасып, біліктіліктерін арттырса, оқушылардың ғылымға деген қызығушылығы оянып, болашақ мамандықтарын дұрыс таңдауда да септігін тигізетіні анық.

М.Әуезов атындағы Оңтүстік Қазақстан

МемлекеттікУниверситеті

тарихы кафедрасының доценті, т.ғ.к. Белгібай Ж.Қ.