ХХ ғ басында дәрігерлер мен психологтардың бай тарихи тәжірибесі, мүмкіндігі шектеулі балаларды оқытудың ұйымдастыру және мазмұны мәселесіне әртүрлі ыңғайда келу мүмкіндігі шектеулі балаларға арналған білім беру мекемесін құруға себеп болды. Соңғы 10 жылда мүмкіндігі шектеулі балаларды арнайы оқыту мен тәрбиелеудің ұйымдастыру формасы мен әдістерін жүзеге асыру мақсатында мамандардың күші белсендендірілді. Физиолог, психолог, дефектолог, педагогтардың бақылауы негізінде 1 сынып балаларының арасында жаңа жағдайға бейімделуі қиын, жалпы мектеп бағдарламасын аздап немесе мүлде меңгермейтіндері кездеседі. Олар оқу темпін игермейді, белгілі уақыт аралығында бағдарлама материалын меңгере алмайды. Оқуда қиындық көретін балалар саны өсуде. Қандай да бір себептермен оқудағы қиындық жалпы мектептің бастауыш, сынып оқушыларының 15 – 40 % кездеседі, үлгермейтін оқушылардың 50%, көбіне церебральды – органикалық түрдегі балалар.