Тақырыбы: "Шұбар тауық"
«Құлыншақтар» (II – кіші тобы)
Мақсаты: Балаларды ертегіні зейін қойып, аяғына дейін тыңдауға үйрету. Тәрбиешінің сұрақтарына анық жауап беруге, бірінің - бірі жауабын тыңдауға, өз - өздеріне сенімділікке, кейіпкерлерге деген мейірімділік, аяушылық сезімге тәрбиелеу. Белсенді сөздік қорларын, дамыту.

1. Шаттық шеңбер
(Балалар шеңберге тұрады.)
Қуыр - қуыр, қуырмаш,
Балапанға бидай шаш.
Түлкі келсе есік бас,
Әжең келсе есік аш.
Бас бармақ, Балаң үйрек,
Ортан терек, Шылдыр шүмек,
Кішкене бөбек.
Қуыр - қуыр, қуырмаш.,
Тауықтарға тары шаш.
Шеп - шеп - шеп.
- Балалар, ертегі тамашалағыларың келе ме?
(Балалардың назарын қуыршақ театрына аудару)

2. Ертегі: «Шұбар тауық»

Автор: Ертеде бір шал мен кемпір өмір сүріпті, олардың Шұбар тауығы болыпты. Бір күні тауық жай емес, алтын жұмыртқа тауыпты. Шал мен кемпір қуаныпты. 
Шал: Кемпір, жұмыртқаны жарып көрсек қайтеді, мүмкін ішінде гауһар тас бар шығар? 
Автор: Шал жұмыртқаны қасықпен ұрып-ұрып сындыра алмапты. 
Кемпір: Әкелші мен жарып көрейін. 
Автор: Кемпір де жұмыртқаны ұрып-ұрып сындыра алмапты. Тарсылды естіген тышқан інінен шығып, үстелдің үстімен жүгіріп бара жатып, жұмыртқаны құйрығымен қағып кетеді. Жұмыртқа еденге түсіп жарылып қалады. Шал мен кемпір жылайды. 
Шұбар тауық: Ата, әже жыламаңыздар! Мен сендерге алтын емес жай жұмыртқа тауып беремін. 
Автор: Көп кешікпей тауық бір себет ірі де тәтті жұмыртқа тауып береді. Осылайша олар бақытты өмір сүре береді 

3. Сөздік ойын: « Кім тез жауап береді?»
(Ертегі желісі бойынша сұрақтар беру)
- Балалар, сендер қандай ертегі көрдіңдер? (Шұбар тауық)
- Шұбар тауық ата мен әжеге қандай жұмыртқа туып берді? (Алтын жұмыртқа)
- Жұмыртқаны не жарды? (Тышқан)
- Тышқан жұмыртқаны қалай жарды? (Құйрығымен қағып кетті)

4. Психологиялық гимнастика: «Көңіл - күй»
- Ата мен әже алтын жұмыртқаны көргенде қалай таңқалды? (Таңқалу)
- Алтын жұмыртқа жарылып қалғанда қалай ренжіді (Көңілсіз)
- Жай жұмыртқа туып бергенде қалай қуанды? (Қуану)

Қыт - қыттап Шұбар тауық келеді
Шұбар тауық: - Сәлеметсіңдер ме, балалар, қыт - қыт - қыт.
Балалар: - Сәлеметсіз бе!
Шұбар тауық: - Мені таныдыңдар ма?
Балалар: - Иә, таныдық, Шұбар тауықсың.
Шұбар тауық: - Мен сендерге ойындар әкелдім.
Тәрбиеші: - Шұбар тауық, біздің балалар ойын ойнағанды ұнатады.

Ән-ойын: «Оңға біз, барамыз»

- Шұбар тауық: - Жарайсыңдар балалар, рахмет!
- Балалар: - Шұбар тауықпен бірге, ән айтып би билейік.
Ән «Шөжелерім» (музыкамен)
Шеп - шеп шеп - шеп шөжелерім,
Сары алтындай балапаным.
Тез жетіңдер жем беремін,
Дәнге толы алақаным.

Шұбар тауық: - Балалар, сендермен өте көңілді болды.
Мені атаммен әжем іздеп жүрген болар, мен енді үйге қайтайын, сау болыңдар балалар.