Сабақтың тақырыбы:

 Н. Ақыштың «Нағыз әже қайда?» әңгімесінің тәрбиелік мәні

Мұғалімнің аты-жөні: Г. А. Ахметова

Күні: 25.04.2018ж

СЫНЫП:5«В»

Қатысқан оқушылар саны:

Қатыспаған оқушылар саны:

Сабақ негізделген оқу мақсаттары

5.5.4.4 А/И. Көркем шығармамен танысу барысында алған әсерін сипаттап, авторға хат, өлең жазу.

5.5.2.2. Б/С. Көркем шығарманын заманауилығы мен жаңашылдығын салыстыру.

Сабақ нәтижесі:

Оқушылардың барлығы мынаны орындай алады: Қосымша тапсырмаларды орындайды. Жазба жұмыс жасайды. Сұраққа жауап береді.

Оқушылардың көбісі мынаны орындай алады: Топтық жұмысты бірлесе орындайды. Өз бетінше жұмыс жасайды. Сұраққа жауап береді. Қосымша үлестірме ресурстармен жұмыс жасайды.

Оқушылардың кейбіреуі мынаны орындай алады:

Оқулықтан тыс берілген қосымша тапсырмалады орындайды, тақырып бойынша қосымша мәліметтер мен дәлелдер келтіре алады.

Бағалау критерийі

Жеке, жұптық, топтық тапсырмаларды орындай алады.

Сабақ барысында тыңдаушының назарын өзіне аудара алады.

Ресурстар

Оқулық, суреттер, қағаздар  және  әртүрлі  заттар, топтық тапсырмалар, кері байланыс, стикер.

Әдіс-тәсілдер

Сұрақ-жауап, әңгімелеу, түсіндіру, ойын, көрнекілік. Рефлексия.

Пәнаралық байланыс

қазақ тілі.

Алдыңғы оқу

Нағыз әже қандай?

Сабақтың жоспары

Жоспарланған уақыт

Сабақ барысы :

Дереккөздер

Басталуы

5 минут

Ұйымдастыру кезеңі

Психологиялық ахуал қалыптастыру:  3 минут

«Алтын қол» - ойсергегі арқылы психологиялық ахуал қалыптастыру.

Қатысушылар екі қолына да қаламсап алып, бір мезгілде екі қолымен төмендегі әрекеттерді жасайды:

Оң қолымен 5 үшбұрыш, ал сол қолымен 5 төрт бұрыш салады.

Оң қолымен 5 шеңбер, ал сол қолымен 5 үшбұрыш.

Оң қолымен өз есімін, ал сол қолымен фамилиясын жазады.

Өте тамаша, бұл ойсергек арқылы мидың екі жағында іске жұмылдырдық.

Тренинг

Жаңа білім

10 минут

Ортасы

15 минут

Үй жұмысын тексеру:

«Кім жылдам?» ойыны арқылы үйге берілген эссені оқып береді.

1-тапсырма

«Нағыз әже қандай?» әңгімесін еске түсіру үшін әр қтардан сұрап шығу.

Білу және түсіну

 «Қар кесегі» әдісі

Жаттығудың сипаттамасы:

Біріншіден, оқушылар жеке жауап берулері керек. Кейін жұп ақылдасып, олардың екі жауабын бір жауап етіп үйлестіреді. Кейін жұптар басқа жұптармен бірігіп, үдерісті қайталайды. Осылайша төрт,бес,алты жауап бір жауап болып біріктіріледі.

2-тапсырма

«Нағыз әже қандай болу керек?» сұрағына жауап береді.

Талдау

«Ыстық орындық» орындық әдісі

(Бір оқушы алдыңғы жақта, орындықтар оны айнала қоршай орналастырылады.

Жаттығудың сипаттамасы:

Бір оқушы алға шығып өз пікірін айтып және тақырып бойынша сұрақтарға жауап береді. Сұрақты анағұрлым мазмұнды қылу үшін, оқушылар белгілі бір пікір бойынша бірлесіп алға шығып сөйлей алады.

3-тапсырма «Даналық ағаш» оқыта үйрету ойыны.

Оқушылар мәтінді жылдам, мұқият оқиды. Енді әрқайсысы мәтін бойынша қиын сұрақ құрап, қағазға жазады. Мұғалімнің қолында сандықша болады, соған оқушылар кезегімен өз сұрақтарын салады. Әр оқушы сандықшадан сұрақ жазылған қағаз алып, дауыстап оқып, сұраққа толық жауап береді.

4-тапсырма:

Шығармашылық жұмыс.

Авторға арнап хат жазады.

5-тапсырма:

Шығарманың заманауилығы мен жаңашылдығын салыстырады.

Венн диаграмасы арқылы.

6-тапсырма

Жұмбақтар

1. Маған да, саған да,

Жақын туыс бес адам.

Үш әріптен тұратын.

Онға оқы, солға оқы

Өзгермейді еш одан.

Бәрі-де өз жұртың

Айтады, қане кім атын? (ана, апа, аға, іні, ата)

2. Айтары мол ғұлама,

Көп жасасын бұл адам,

Әкесі ол әкеңнің

Білер оны сұраған.

Ол кім? (ата)

3. Атаңның баласы,

Кей кезде таласып.

Қаласың әжеге

Білгенің асады кәдеге.

Ол кім? (әке)

4. Бала бала, бала деп,

Түнде шошып оянған

Түн ұйқысын төрт бөліп

Түнде бесік таянған.

Қолын қатты тигізбей,

Кірлі көйлек кигізбей.

Иісін жұпар аңқытқан.

Бұл кім? (ана)

5. Дегенімді жасайтын

Қалған тамағымды асайтын

Ертіп алып жетектеп

«Немерем» – деп атайтын? (әже)

Оқулық, қабырғаға ілінген ватмандар, түрлі-түсті маркерлер.

Мәтінді оқиды

және талдайды

Оқулық, қабырғаға ілінген ватмандар, түрлі-түсті маркерлер.

Аяқталуы

2 минут

Үй тапсырмасы:

Әжесінің суретін салып келу сол арқылы әжесін сипаттап, айтып беру.

Кері байланыс

3 минут

Алған әсерлерін «Білім ағашына» жазады, іледі.

Қағаз қиындылары.