«Рухани жаңғыру » бағдарламасының «Туған жер» кіші бағдарламасы аясында және халық ақыны Н.Ахметбековтың 115 жылдығына арналған мектеп оқушыларының «Нұрхан оқулары» облыстық байқауының

ЕРЕЖЕСІ:

Ұйымдастырушылар:

- «Қостанай облысы әкімдігінің білім басқармасы» ММ;

- «Жангелдин ауданының білім беру бөлімі» ММ;

Байқаудың мақсаты:

• Халық ақыны Н.Ахметбековтың шығармаларын толыққанды насихаттау. Ақын Нұрханның қазақ әдебиеті мен өнерінің негізін салған ақын, ірі тұлға, қайраткер екенін ұғындыру.

• оқушыларды еңбексүйгіштікке, елжандылыққа , ерлік, қаһармандық рухында тәрбиелеу. Жазуға талапты балалардың қабілет-қарымын ұштау, қызығушылықтарын арттыру, шығармашылық ізденіске баулу, дарынды оқушыларды қолдау.

• елордамыз Астана қаласының 20 жылдығын кең көлемді атап өту;

• қазақ халқы шығармашылығын насихаттау және дамыту, дарынды суырып салма оқушыларды анықтау;

• Айтыс өнерін қазіргі мәдени-демалыс жүйесіне енгізіп, жаңғырту.

Байқаудың өтетін орны мен мерзімі:

2018 жылдың 25-26 қыркүйек Жангелдин ауданы, Н.Ахметбеков атындағы мәдениет үйі.

Байқаудың жалпы сипаттамасы:

• 1 кезең-аудандар мен қалаларда;

• 2 кезең-облыстық кезең.

Байқау номинациялары мен талаптары:

І номинация: «Жүректе- от, ал тілінде бал тұратын » бөлімінде ақынның шығармалары мен дастандарын мәнерлеп жатқа оқу. Қатысушылар: 5-10 сынып оқушылары.

Талаптары:

• көркем сөз оқу шеберлігі;

• сахна мәдениеті;

• өлеңдерінің саны мен сапасы;

• жұмыстардың компьютерлік безендірілуі;

/Оқушы жаттаған өлеңдерінің тізімі мен мәтінін қазылар алқасына алдын-ала ұсынады/.

ІІ номинация: «Суырылып хан тобынан алған жүлде» бөлімінде оқушылардың өз шығармашылығы, яғни Нұрханға арнап жазған өлеңдерін оқу. Қатысушылар: 5-8 сынып оқушылары /БАҚ құралдарына жарияланған өлеңдерін қазылар алқасына ұсынуға болады/

ІІІ номинация: «Торғайдың топтан озған топжарғаны » Н.Ахметбековтың өмірі мен шығармаларын немесе ақынның Торғайлық ізбасарлары туралы ғылыми жобаларды қорғау.

Талаптары:

• қорғаушының ғылыми жобаны тіл табиғатын сақтап жеткізуі, тың тақырыпты таңдауы, жаңалығы бағаланады;

• жоба ғылыми жобаның жазылу шарттарына сәйкес дайындалуы қажет.

/Қорғаушы өз жұмысын компьютер, проектор, плакат, шағын макеттер секілді құралдары пайдалана алады/. Қатысушылар: 5-9 сынып оқушылары.

ІVноминация «Атандым он үшімде Нұрхан ақын»–оқушылар айтысы . Айтыстың мақсаты:

• халық ақыны Н.Ахметбековтың шығармашылық мұрасымен танысу;

• елордамыз Астана қаласының 20 жылдығын кең көлемді атап өту;

• қазақ халқы шығармашылығын насихаттау және дамыту, дарынды суырып салма оқушыларды анықтау;

• Айтыс өнерін қазіргі мәдени-демалыс жүйесіне енгізіп, жаңғырту.

Қатысушыларға қойылатын талаптар:

• Қатысушылардың ойдан өлең құрастыру шеберлігі, суырып-салмалығы, домбыра тартуы, сөз өткірлігі, тапқырлығы, ұлттық киімде өнер көрсетуі талап етіледі.

Қазылар алқасы: Білім беру бөлімінің мамандары мен әдіскерлері , үздік педагогтар, танымал тұлғалар.

Өтініштерді тапсыру шарттары:

• Қатысушы туралы мәлімет/ оқушыны аты-жөні мектебі, сыныбы, пән жетекшісі, байланыс телефоны/

Өтініштер 2018 жылғы 10 қыркүйекке дейін қабылданады. Мекен-жайы: torgay-roo@mail.ru электрондық мекен-жайына Нұрхан оқуларына белгісімен

жіберулеріңіз сұралады.

Жүлделер: Байқау және айтыс жеңімпаздары дипломдармен, сыйлықтармен марапатталады.

Жол шығындары, тамақтану жіберуші жақ есебінен. Қатысушылардың жататын жері: «Жангелдин ауданы білім беру бөлімінің Ш.Уалиханов атындағы орта мектебі» КММ-нің жанындағы интернаты.

Рухани жаңғыру » бағдарламасының «Туған жер» кіші бағдарламасы аясында және халық ақыны Н.Ахметбековтың 115 жылдығына арналған мектеп оқушыларының «Нұрхан оқулары» облыстық байқауының бағдарламасы: