Өнерлі өрге жүзеді.

Қатты тәртіп көрсе бала күнінде,
Өнерімен қуантады түбінде

Ж.Баласағұни

«Қазақстан таланттары» шығармашылық дамыту орталығының ұйымдастыруымен 2018 жылдың 23 мамырында Ақтау қаласында «Ұлы дала ұрпағымыз» атты І Республикалық байқауы болып өтті. Мақсаты дарынды өнерді насихаттаумен бірге жас өнерпаздар арасынан таланттарды табу болатын. Бұл сайысқа Жаңаөзен қаласы Оқушылар шығармашылық үйі жанынан ашылған «Жұлдыз» аула клубының үйірме оқушылары қатысып, өз өнерлерін көрсетіп жүлделі орындарға ие болды. Байқау көркем сөз, домбыра, би номинациялары бойынша өткізілді. Осы номинациялар бойынша оза шапқан жүйріктер марапатталды. Көркем сөз номинациясынан ерекше бала Екибай Жансерік, Елубай Нұрасыл І-дәрежелі лауреат дипломы, Оңдаған Мыңкісі ІІ-дәрежелі лауреат дипломы, Сәрсенбекқызы Нұрсила,Төлепова Бағила,Жаңабай Құндыз ІІІ-дәрежелі дипломмен медаль табысталды. Домбыра номинациясы бойынша Ревшен Талғат пен Таджимағанбетова Арайлымға І-дәрежелі дипломмен медаль табысталды. Би номинациясы бойынша Уликбаева Маржан ІІІ-дәрежелі лауреат атағы мен медаль табысталды. Үйірме жетекшілері Караманова Айгерім, Джусибалиева Бибігул, Дюсегалиева Калығызға алғыс хат табысталды. Қазақстан Республикасының «Үздік тәлімгер» төс белгісі және дипломымен Дюсегалиева Калығыз марапатталды. Оқушылар шығармашылық үйінің директоры М.Т.Мамутов мырзаға, үйірме оқушылары мен ата – аналарымызға алғыс білдіреміз. Оқушыларымыздың талабына нұр жауып, өнерлері үстем болып, алда алар асулары көп болсын демекпіз.

Дайындаған: Б.Л.Джусибалиева